Renault Kiger Discount: ரூ.1.25 லட்சம் வரை தள்ளுபடி.. 20 கிமீ மைலேஜ், 6 ஏர்பேக் உடன் வரும் கார் வாங்க ஆஃபர் அறிவிப்பு

Renault Kiger Discount: பட்ஜெட்டுக்குள் ஸ்டைலான மற்றும் வசதிகள் நிறைந்த காம்பாக்ட் கார் வாங்க திட்டமிடுபவர்களுக்கு ரெனால்ட் ஒரு புதிய சலுகையை அறிவித்துள்ளது. ஜூலை 2026-இல் மொத்தமாக ரூ.1.25 லட்சம் வரை பல்வேறு சலுகைகள் வழங்கப்படுகின்றன.

Image Credit : Renault

ரெனால்ட் கைகர் மீது ஜூலை சிறப்பு சலுகை

ரெனால்ட் இந்தியா, தனது கைகர் காம்பாக்ட் எஸ்யூவிக்கு ஜூலையில் சிறப்பு சலுகைகளை அறிவித்துள்ளது. தேர்ந்தெடுக்கப்பட்ட வேரியண்ட்கள் மற்றும் பகுதிகளில், மொத்தமாக ரூ.1.25 லட்சம் வரை பலன்கள் வழங்கப்படுகின்றன. இதில் கேஷ் டிஸ்கவுண்ட், எக்ஸ்சேஞ்ச் போனஸ், ஸ்கிராப்பேஜ், கார்ப்பரேட் மற்றும் லாயல்ட்டி சலுகைகள் அடங்கும்.

Image Credit : Renault Kiger

எந்தெந்த சலுகைகள்?

வேரியண்ட் மற்றும் மாநிலத்தைப் பொறுத்து ரூ.20,000 முதல் ரூ.50,000 வரை கேஷ் டிஸ்கவுண்ட், ரூ.25,000 முதல் ரூ.50,000 வரை எக்ஸ்சேஞ்ச் போனஸ் மற்றும் ரூ.25,000 வரை ஸ்கிராபேஜ் பலன் வழங்கப்படலாம். சில வேரியண்ட்களில் 0% பைனான்ஸ் வசதியும் கிடைக்கிறது. இந்த சலுகைகள் டீலர்ஷிப் மற்றும் இருப்பிடத்தைப் பொறுத்து மாறுபடும்.

Image Credit : Asianet News

டிசைன் மற்றும் வசதிகள்

ரெனால்ட் கைகர்-l C வடிவ LED DRL, ஸ்போர்ட்டி கிரில், ரூஃப் ரெயில்ஸ் மற்றும் உயர்நிலை வேரியண்ட்களில் 16 இன்ச் அலாய் வீல்கள் வழங்கப்படுகின்றன. கேபினில் 7 அல்லது 8 இன்ச் டச் ஸ்கிரீன், வயர்லெஸ் ஆண்ட்ராய்டு ஆட்டோ மற்றும் ஆப்பிள் கார்ப்ளே, வயர்லெஸ் சார்ஜிங், குரூஸ் கன்ட்ரோல், வென்டிலேட்டட் சீட்கள் மற்றும் 360 டிகிரி கேமரா போன்ற அம்சங்கள் இடம்பெற்றுள்ளன. 405 லிட்டர் பூட் ஸ்பேஸ் குடும்பப் பயன்பாட்டிற்கு ஏற்றதாக உள்ளது.

Image Credit : Renault

பாதுகாப்பு மற்றும் செயல்திறன்

இந்த எஸ்யூவி-க்கு 4-ஸ்டார் Global NCAP பாதுகாப்பு மதிப்பீடு கிடைத்துள்ளது. மேலும் 6 ஏர்பேக், எலக்ட்ரானிக் ஸ்டெபிலிட்டி கண்ட்ரோல் (ESC), ஹில் அசிஸ்ட், TPMS, ABS உடன் EBD மற்றும் ISOFIX சைல்டு சீட் ஆங்கரேஜ் போன்ற பாதுகாப்பு அம்சங்களும் வழங்கப்படுகின்றன.

Image Credit : Asianet News

இன்ஜின் மற்றும் மைலேஜ்

ரெனால்ட் கைகர் இரண்டு 1.0 லிட்டர் பெட்ரோல் இன்ஜின் தேர்வுகளில் கிடைக்கிறது. ஒன்று இயல்பான (Naturally Aspirated) பெட்ரோல் இன்ஜின், மற்றொன்று டர்போ பெட்ரோல் இன்ஜின். மேனுவல், AMT மற்றும் CVT கியர்பாக்ஸ் ஆப்ஷன்களும் உள்ளன. மேனுவல் வேரியண்ட்களில் சுமார் 18 முதல் 20 கிமீ/லிட்டர் வரை மைலேஜ் கிடைக்கும் என நிறுவனம் தெரிவிக்கிறது. நகரப் பயன்பாட்டிற்கு NA இன்ஜினும், கூடுதல் செயல்திறன் விரும்புபவர்களுக்கு டர்போ இன்ஜினும் பொருத்தமாக இருக்கும்.