Numeros n-First: ஒரே சார்ஜில் 109 கி.மீ.. ரூ.80,000 கூட இல்ல.. மிரட்டலான எலெக்ட்ரிக் ஸ்கூட்டர்!

Numeros n-First: நியூமெரோஸ் நிறுவனம் n-First எலெக்ட்ரிக் ஸ்கூட்டரை கொண்டு வந்துள்ளது. ஒரே சார்ஜில் 109 கிமீ ரேஞ்ச் கொடுக்கும் இந்த ஸ்கூட்டரின் முழு சிறப்பம்சங்களை இந்த செய்தியில் பார்க்கலாம்.

Image Credit : Numeros

Numeros n-First எலெக்ட்ரிக் ஸ்கூட்டர்

இந்தியாவின் எலெக்ட்ரிக் ஸ்கூட்டர் சந்தை நாளுக்கு நாள் விரிவடைந்து வரும் நிலையில், தற்போது நியூமெரோஸ் (Numeros) என்ற புதிய நிறுவனம் தனது 'n-First' மாடலை அறிமுகம் செய்துள்ளது. இந்த ஸ்கூட்டரின் முக்கிய சிறப்பம்சங்களாக அதன் மைலேஜ் மற்றும் விலை ஆகியவை முன்னிறுத்தப்படுகின்றன. பட்ஜெட் விலையில் ஒரு ஸ்கூட்டர், அதுவும் ஒரே சார்ஜில் 109 கிலோமீட்டர் வரை செல்லும் என்பது வாடிக்கையாளர்கள் மத்தியில் பெரும் ஆச்சரியத்தையும் எதிர்பார்ப்பையும் ஏற்படுத்தியுள்ளது.

ரேஞ்ச் தான் முக்கியம்

எலெக்ட்ரிக் வாகனங்கள் என்றாலே பலருக்கும் முதலில் மனதில் எழும் கேள்வி 'ரேஞ்ச்' பற்றியதுதான். இந்த கவலையைப் போக்கும் விதமாக, நியூமெரோஸ் n-First ஸ்கூட்டர் முழுமையாக சார்ஜ் செய்யப்பட்டால் 109 கி.மீ. தூரம் வரை பயணிக்கும் என அறிவிக்கப்பட்டுள்ளது. இது நகர்ப்புறங்களில் தினசரி பயன்பாட்டிற்கு மிகவும் போதுமானதாக இருக்கும் என கருதப்படுகிறது. 

வேலைக்குச் சென்று வருபவர்கள், மாணவர்கள் மற்றும் தினசரி சிறிய தூரங்களுக்குப் பயணம் செய்பவர்களுக்கு இந்த ரேஞ்ச் ஒரு வரப்பிரசாதமாக அமையும். அடிக்கடி சார்ஜ் செய்ய வேண்டிய அவசியம் இருக்காது என்பதால், இது ஒரு முக்கிய விற்பனை அம்சமாகப் பார்க்கப்படுகிறது. இந்த ரேஞ்ச், சந்தையில் உள்ள பல முன்னணி மாடல்களுக்குப் போட்டியாக அமைந்துள்ளது.

இதையும் படிங்க: Avon E-Star Dx: லைசென்ஸ் தேவையில்லை.. 70 கிமீ ரேஞ்ச்.. ரூ.1 லட்சத்திற்கும் கீழ் சூப்பர் இ-ஸ்கூட்டர்!

Image Credit : Google

எவ்வளவு வேகத்தில் செல்லும்?

பொதுவாக எலெக்ட்ரிக் ஸ்கூட்டர்களில் 10 அல்லது 12 இன்ச் வீல்கள்தான் இருக்கும். ஆனால் இதில் பைக்கிற்கு இணையான 16-இன்ச் பெரிய அலாய் வீல்கள் கொடுக்கப்பட்டுள்ளன. இது மேடு பள்ளங்களில் சிறந்த பேலன்ஸ் மற்றும் பைக்கில் செல்வது போன்ற உணர்வைத் தரும். இதன் டாப் வேரியண்ட்டில் 2.5 kW PMSM மிட்-டிரைவ் மோட்டார் பயன்படுத்தப்பட்டுள்ளது. இது அதிகபட்சமாக மணிக்கு 70 கி.மீ வேகம் வரை செல்லும்.

இதில் 3 kWh திறன் கொண்ட லித்தியம்-அயன் (Li-ion) பேட்டரி பயன்படுத்தப்பட்டுள்ளது. சார்ஜிங் நேரம் (Charging Time): இந்த பேட்டரியை முழுமையாக சார்ஜ் செய்ய 7 முதல் 8 மணி நேரம் ஆகும் . சிறிய பேட்டரி கொண்ட பேஸ் வேரியண்டிற்கு 5-6 மணி நேரம் ஆகும்.

இதையும் படிங்க: Toilet: தியேட்டர், மால் டாய்லெட் கதவுக்கு கீழே ஏன் பெரிய கேப் இருக்கு? 99% பேருக்கு தெரியாத உண்மை!

Image Credit : Google

இந்த ஸ்கூட்டரின் விலை என்ன?

அதிக மைலேஜ் தரும் ஸ்கூட்டர்கள் பொதுவாக அதிக விலையில் தான் விற்பனை செய்யப்படுகின்றன. நியூமெரோஸ் n-First எலெக்ட்ரிக் ஸ்கூட்டர் மொத்தம் 3 வேரியண்ட்களில் கிடைக்கிறது. இந்த ஸ்கூட்டரின் ஆரம்ப வேரியண்ட்டின் (n-First i-max பேஸ் மாடல்) விலை ரூ.74,299. உயர்ரக மாடல் (n-First i-max+ டாப் மாடல்) விலை ரூ.84,999 ஆகும்.