Maruti Sales: விற்பனையில் மாஸ் காட்டிய மாருதி! மே மாதம் மட்டும் இத்தனை லட்சம் கார் சேல்ஸ் ஆனதா? அதிர வைக்கும் ரிப்போர்ட்

Maruti Suzuki sales : 2026 மே மாதத்தில் மாருதி சுஸுகி நிறுவனம் 2,42,688 கார்களை விற்று வரலாற்று சாதனை படைத்துள்ளது. இது நிறுவனத்தின் இதுவரை இல்லாத மாதாந்திர விற்பனையாகும்.

Image Credit : Asianet News

Maruti Suzuki sales Report

இந்தியாவின் மிகப்பெரிய கார் தயாரிப்பு நிறுவனமான மாருதி சுஸுகி, 2026 மே மாதத்தில் மொத்தமாக 2,42,688 கார்களை விற்பனை செய்து புதிய வரலாற்று சாதனையை படைத்துள்ளது. கடந்த ஆண்டு இதே மே மாதத்தில் 1,80,777 கார்களை மட்டுமே விற்பனை செய்திருந்த நிலையில், இந்த ஆண்டு விற்பனை மிகப்பெரிய வளர்ச்சியை எட்டியுள்ளது. இதுவே மாருதி சுஸுகி நிறுவனத்தின் ஒரு மாதத்தில் நடந்த அதிகபட்ச விற்பனையாகும்.

உள்நாட்டு சந்தையில் மட்டும் நிறுவனம் 1,93,535 கார்களை விற்பனை செய்து சாதனை படைத்துள்ளது. மற்ற நிறுவனங்களுக்கு 7,239 கார்களை சப்ளை செய்துள்ளது. அதே சமயம், 41,914 கார்களை வெளிநாடுகளுக்கு ஏற்றுமதி செய்துள்ளது. கடந்த ஆண்டு மே மாதத்தில் உள்நாட்டு விற்பனை (LCV உட்பட) 1,38,690 ஆக இருந்த நிலையில், இந்த ஆண்டு 1,93,535 ஆக உயர்ந்துள்ளது.

Image Credit : stockPhoto

அதிகரித்த விற்பனை

பயணிகள் வாகன (PV) பிரிவில், வேகன்ஆர், ஸ்விஃப்ட், பலேனோ, டிசையர் போன்ற காம்பேக்ட் மற்றும் நடுத்தர மாடல்கள் 81,555 யூனிட்கள் விற்பனையாகியுள்ளன. கடந்த ஆண்டு இதே காலகட்டத்தில் இது 61,960 யூனிட்களாக இருந்தது. அதேபோல, ஃப்ரான்க்ஸ், பிரெஸ்ஸா, கிராண்ட் விட்டாரா, எர்டிகா உள்ளிட்ட யூட்டிலிட்டி வாகன (UV) பிரிவின் மொத்த விற்பனை, கடந்த ஆண்டு மே மாதம் 54,899 யூனிட்களாக இருந்த நிலையில், இந்த ஆண்டு 79,267 யூனிட்களாக அதிகரித்துள்ளது.

Image Credit : Getty

எத்தனை யூனிட்கள் விற்பனை?

மாருதி சுஸுகி ஈக்கோ வேன் 13,240 யூனிட்களும், சூப்பர் கேரி லைட் கமர்ஷியல் வாகனம் 3,198 யூனிட்களும் விற்பனை செய்யப்பட்டுள்ளன. மற்ற நிறுவனங்களுக்கான சப்ளை கடந்த ஆண்டு மே மாதம் 10,168 யூனிட்களாக இருந்த நிலையில், இந்த ஆண்டு 7,239 யூனிட்களாக குறைந்துள்ளது. இருப்பினும், ஏற்றுமதி கடந்த ஆண்டு 31,219 யூனிட்களில் இருந்து இந்த ஆண்டு 41,914 யூனிட்களாக உயர்ந்துள்ளது. 2026 ஏப்ரல் மற்றும் மே மாதங்களில் மாருதி சுஸுகி மொத்தமாக 4,82,334 கார்களை விற்பனை செய்துள்ளது. 2025-ல் இதே காலகட்டத்தில் இது 3,59,868 யூனிட்களாக இருந்தது.

Image Credit : Autocar

2026-ல் வரவிருக்கும் மாருதி சுஸுகி கார்கள்

இதனிடையே, மாருதி சுஸுகி தனது முதல் ஃப்ளெக்ஸ்-ஃப்யூயல் காரை வரும் 2026 ஜூன் 5 ஆம் தேதி அறிமுகப்படுத்த உள்ளது. இது மாருதி வேகன்ஆர் ஃப்ளெக்ஸ்-ஃப்யூயல் அல்லது மாருதி ஃப்ரான்க்ஸ் ஃப்ளெக்ஸ்-ஃப்யூயலாக இருக்கலாம் என எதிர்பார்க்கப்படுகிறது. இந்த இரண்டு மாடல்களும் ஏற்கனவே கான்செப்ட் வடிவில் இந்தியாவில் அறிமுகம் செய்யப்பட்டுவிட்டன.

ஃப்ளெக்ஸ்-ஃப்யூயல் காரைத் தொடர்ந்து, மாருதி சுஸுகி பிரெஸ்ஸா மற்றும் பலேனோ ஃபேஸ்லிஃப்ட் மாடல்களை சிறிய வடிவமைப்பு மாற்றங்கள் மற்றும் புதிய அம்சங்களுடன் அறிமுகப்படுத்தும். இந்த இரண்டு மாடல்களிலும் இன்ஜின் ஆப்ஷன்களில் எந்த மாற்றமும் இருக்காது என எதிர்பார்க்கப்படுகிறது. மேலும், கிராண்ட் விட்டாராவை அடிப்படையாகக் கொண்ட ஒரு புதிய பிரீமியம் 3-வரிசை எஸ்யூவியையும் மாருதி சுஸுகி அறிமுகப்படுத்த உள்ளது. இந்த புதிய மாடல், 5-சீட்டர் கிராண்ட் விட்டாராவின் பிளாட்ஃபார்ம், இன்ஜின், பாகங்கள், அம்சங்கள் மற்றும் பல வடிவமைப்பு கூறுகளை பகிர்ந்து கொள்ளும்.