1 லட்சம் பேர் வாங்கிய எலக்ட்ரிக் ஸ்கூட்டர்.. ஓலாவுக்கு தண்ணி காட்டிய நிறுவனம் எது தெரியுமா?

ஆண்டின் தொடக்கத்தில் மெதுவாக இருந்த விற்பனை, ஜூலைக்குப் பிறகு அபரிமிதமாக உயர்ந்து, ஓலா போன்ற போட்டியாளர்களை முந்தி இந்த நிறுவனத்தை முதல் 5 இடங்களுக்குள் கொண்டு வந்துள்ளது.

Image Credit : Social Media

1 லட்சம் விற்பனையான ஸ்கூட்டர்

இந்தியாவில் மின்சார இருசக்கர வாகனங்களின் தேவை வேகமாக உயர்ந்து வரும் நிலையில், ஹீரோ நிறுவனத்தின் விடா மாடல் இந்த ஆண்டு பங்களிப்பை காட்டியுள்ளது. ஓலா, பஜாஜ், டிவிஎஸ் போன்ற முன்னணி பிராண்டுகளுக்கு போட்டியாக, விடா 2025-ஆம் ஆண்டில் மட்டும் 1 லட்சம் யூனிட்டுகளுக்கு மேல் விற்பனை செய்து கனிசமான வரவேற்பைப் பெற்றுள்ளது.

Image Credit : Social Media

ஹீரோ மோட்டோகார்ப்

மூன்று ஆண்டுகளுக்கு மேலாக மின்சார பிரிவில் இருந்தாலும், ஹீரோ மோட்டோகார்ப் இதுவரை ஒரு ஆண்டில் இந்த அளவு விற்பனை செய்தது இதுதான் முதல் முறை. வாகன போர்ட்டல் தரவின்படி, ஜனவரி 1 முதல் டிசம்பர் 5 வரை 1,00,383 விடா ஸ்கூட்டர்கள் வாடிக்கையாளர்களிடம் வழங்கப்பட்டுள்ளன. 2022 அக்டோபரில் அறிமுகமானதில் இருந்து மொத்தமாக விடா மாடலின் விற்பனை 1.5 லட்சத்தை கடந்துள்ளது.

Image Credit : Hero website

மொத்த விற்பனை

2022 நவம்பர் முதல் 2024 டிசம்பர் வரை 55,033 யூனிட்கள் மட்டுமே விற்பனையாகியிருந்த நிலையில், 2025-ஆம் ஆண்டின் முதல் 11 மாதங்களிலும் 5 நாட்களிலும் மட்டும் 1 லட்சம் விற்பனை முடிந்தது. இது மொத்த விற்பனையின் 65% ஆகும். ஆகவே, இந்த ஆண்டின் இறுதியில் விடா மாடல் மிகப்பெரிய முன்னேற்றத்தைப் பெற்றுள்ளது.

Image Credit : Social Media

ஹீரோ எலக்ட்ரிக் ஸ்கூட்டர்

ஆண்டின் தொடக்கத்தில் மிக மெதுவாக விற்பனையானது, ஜூலைக்கு பிறகு தாறுமாறாக உயர்ந்தது. ஜனவரியில் 1,626 விற்பனையான நிலையில், மார்ச் முதல் ஜூன் ஒவ்வொரு மாதமும் 6,000-ஐ கடந்தது. ஜூலையில் முதல் முறையாக 10,000 யூனிட்களை தாண்டியது; அக்டோபரில் 16,017 விற்பனை சாதனையாகும். டிசம்பர் முதல் 5 நாட்களில் 1,984 யூனிட்களும் சேர்க்கப்பட்டன.

Image Credit : Social Media

ஓலாவை கடந்தது

மிகவும் முக்கியமாக, ஹீரோ ஓலாவை முந்தியது பெரும் கவனத்தை பெற்றது. ஜனவரியில் 7-வது இடம் பிடித்த நிறுவனம், சில மாதங்களில் 5-வது இடத்திலும், நவம்பரில் ஓலாவை முந்தி 4-வது இடத்திலும் நிலைபெற்றது. 2025-இல் இந்தியாவில் மொத்தம் 11.9 லட்சம் மின்சார இருசக்கர வாகனங்கள் விற்பனையாகியுள்ளன. இதில் டிவிஎஸ் 23%, பஜாஜ் 21%, ஓலா 16%, ஆதார் 15% மற்றும் ஹீரோ 8% சந்தைப் பங்குடன் 1 லட்சம் விற்பனை செய்துள்ளது 5 முன்னணி நிறுவனங்களில் இணைத்துள்ளது.