Bike Riding: ஜாலியா லாங் டிரைவ் போறீங்களா? வண்டிக்கு இல்ல, உங்க பாடிக்கு தான் ஆபத்து... உஷார்!

ரொம்ப நேரம் பைக் ஓட்டுவது உடலில் அழுத்தத்தை ஏற்படுத்தி, பல பிரச்சனைகளை உண்டாக்கலாம். இதனால் எலும்பு முறிவு, மூட்டுவலி, காயம் ஏற்படும் அபாயம் உள்ளது. இந்த ஆபத்துகளைத் தவிர்க்க விரும்பினால், மருத்துவர்களின் இந்த ஆலோசனைகளைப் பின்பற்றுங்கள்.

பைக்கில் லாங் டிரைவ் போவோர் கவனத்திற்கு

பைக்கில் லாங் டிரைவ் போவது இப்போது ஒரு டிரெண்டாகவே இருக்கிறது. பல இளைஞர்களுக்கு இந்த ஆர்வம் அதிகம். வீக்கெண்ட் வந்தால் போதும், பைக்கை எடுத்துக்கொண்டு நீண்ட தூரம் சென்று வருகிறார்கள். ஆனால், நீண்ட தூரம் பைக் ஓட்டுவது சுலபமான காரியம் அல்ல. இது கடுமையான சோர்வையும், உடல் விறைப்பையும் ஏற்படுத்தும். மணிக்கணக்கில் பைக் ஓட்டுவதால் எலும்பு முறிவு மற்றும் மூட்டுவலி ஏற்படும் அபாயம் அதிகரிக்கிறது என்பது உங்களுக்குத் தெரியுமா?

இதனை கண்டுக்காம விடாதீங்க

நீண்ட நேரம் மோட்டார் சைக்கிள் ஓட்டுவதால் தொடை, கால் மற்றும் இடுப்பு தசைகள் பலவீனமடைகின்றன. இதைத் தவிர்க்க, நீங்கள் நிபுணர்களின் சில ஆலோசனைகளைப் பின்பற்ற வேண்டும். இதனால் உங்கள் ஆரோக்கியமும் சிறப்பாக இருக்கும்.

முதுகு வலி, மூட்டு விலி: ஜாக்கிரதை.!

மருத்துவர்களின் ಪ್ರಕಾರ, இந்த தசைகளில் ஏற்படும் அழுத்தம், முழங்கால் மற்றும் முதுகுத்தண்டில் மூட்டுவலி (Arthritis) வருவதற்கான அபாயத்தை அதிகரிக்கிறது. ஏனெனில், பைக் ஓட்டும்போது அடிக்கடி பிரேக் பிடிக்க வேண்டியிருக்கும், சில சமயங்களில் திடீரென காலை தரையில் ஊன்ற வேண்டியிருக்கும். இதனால் காலில் அழுத்தம் அதிகரித்து வலி ஏற்படுகிறது.

பாதுகாப்புக்கு பேடிங் அவசியம்

பைக் சவாரி செய்யும்போது நல்ல பேடிங் (Padding) கொண்ட பாதுகாப்பு உபகரணங்களை அணிய வேண்டும். முழங்கால், முழங்கை மற்றும் இடுப்புக்கு சப்போர்ட் தரும் கவசங்களை (Guards) அணிவது அவசியம். இது மூட்டுவலி மற்றும் காயம் ஏற்படும் அபாயத்தைத் தவிர்க்கும்.

ஓய்வு தேவை மக்கா.!

நீண்ட பயணத்தின்போது,  வாகனங்களை நிறுத்தி ஓய்வெடுப்பது மிகவும் முக்கியம். இது உங்கள் தசைகளை ரிலாக்ஸ் செய்து, சோர்வைக் குறைக்கும். அடிக்கடி நீண்ட தூர பைக் பயணங்களை மேற்கொள்வதைத் தவிர்ப்பது நல்லது.

விதிகளை பின்பற்றினால் பிரச்சினை குறையும்

பைக்கை பாதுகாப்பாக ஓட்ட, சில விஷயங்களை நினைவில் கொள்ள வேண்டும். எப்போதும் ஹெல்மெட் (Helmet) அணிய வேண்டும் மற்றும் போக்குவரத்து விதிகளைப் பின்பற்ற வேண்டும். இது விபத்து அபாயத்தைக் குறைக்க உதவும்.

மது வேண்டாமே.!

எப்போதும் குடித்துவிட்டு வாகனம் ஓட்டாதீர்கள். இது உங்கள் உயிருக்கும் மற்றவர்களின் உயிருக்கும் ஆபத்தை ஏற்படுத்தும். நீங்கள் முழு சுயநினைவுடனும் ஆரோக்கியமாகவும் இருக்கும்போது மட்டுமே பைக் ஓட்டுங்கள். இல்லையென்றால், டிரைவ் செய்வதைத் தவிர்த்துவிடுங்கள்.