Chery Cars : ஒரே சார்ஜில் 1700 கி.மீ ரேஞ்ச்! 3 செகண்டில் 100 கி.மீ வேகம்; இந்தியாவில் சீறிப்பாய வரும் சீன கார்கள்!

Chery Cars India Entry : சீனாவின் முன்னணி கார் தயாரிப்பு நிறுவனமான செரி ஆட்டோமொபைல், இந்திய சந்தையில் நுழைய தயாராகி வருகிறது. இதற்காக ஆகிய மூன்று புதிய கார்களின் டிசைன் பேட்டன்ட்களை நிறுவனம் பதிவு செய்துள்ளது.

Image Credit : X

Chery Cars India

சீனாவின் பிரபல கார் தயாரிப்பு நிறுவனமான செரி ஆட்டோமொபைல், இந்திய சந்தையில் களமிறங்க தீவிரமாக தயாராகி வருகிறது. இதற்காக, இந்தியாவில் உள்ள அறிவுசார் சொத்துரிமை (IP) டைரக்டரியில் மூன்று புதிய கார்களுக்கான டிசைன் பேட்டன்ட்களை பதிவு செய்துள்ளது. JSW மோட்டார்ஸ் போன்ற இந்திய நிறுவனங்களுடன் கூட்டணி அமைத்து செரி தனது கார்களை இங்கு அறிமுகப்படுத்தலாம் என்று தகவல்கள் தெரிவிக்கின்றன. செரி பேட்டன்ட் பெற்றுள்ள ஃபுல்வின் X3L, லெபாஸ் L4, மற்றும் எக்ஸீட் எக்ஸ்லாண்டிக்ஸ் ES7 GT ஆகிய மூன்று மாடல்களும், நவீன தொழில்நுட்பம் மற்றும் அதிக செயல்திறன் கொண்டவையாக இருக்கும் என எதிர்பார்க்கப்படுகிறது.

Image Credit : X

செரி ஃபுல்வின் X3L: எலக்ட்ரிக் மோடில் 215 கி.மீ ரேஞ்ச்

செரியின் ஃபுல்வின் X3L, ஒரு பாக்ஸி டிசைன் கொண்ட SUV ஆகும். இந்த காரில் நிறுவனத்தின் குன்பெங் கோல்டன் REEV (ரேஞ்ச் எக்ஸ்டெண்டிங் எலக்ட்ரிக் வெஹிக்கிள்) தொழில்நுட்பம் பயன்படுத்தப்பட்டுள்ளது. இதில் 33.7 kWh பேட்டரி பேக் உள்ளது. காரில் 1.5 லிட்டர் பெட்ரோல் இன்ஜின் இருந்தாலும், அது காரை ஓட்டாது, பேட்டரியை சார்ஜ் செய்ய மட்டுமே பயன்படும். முழு எலக்ட்ரிக் மோடில் சுமார் 215 கிலோமீட்டர் வரை பயணிக்க முடியும் என்று நிறுவனம் கூறுகிறது. இதன் ஆல்-வீல் டிரைவ் (AWD) மாடல் சுமார் 422 bhp பவரை வெளிப்படுத்தும். 0-விலிருந்து 100 கி.மீ வேகத்தை வெறும் 4.7 வினாடிகளில் இந்த SUV எட்டிவிடும்.

Image Credit : X

செரி லெபாஸ் L4: ஸ்போர்ட்டியான பெட்ரோல் SUV

செரியின் இரண்டாவது மாடலான லெபாஸ் L4, ஒரு காம்பேக்ட் மற்றும் ஸ்போர்ட்டியான SUV ஆகும். எலக்ட்ரிக் மாடலைத் தொடர்ந்து, தற்போது பெட்ரோல் இன்ஜின் கொண்ட மாடலுக்கும் நிறுவனம் பேட்டன்ட் பெற்றுள்ளது. க்ரோம் ஃபினிஷ் செய்யப்பட்ட கிரில், ஸ்ப்ளிட் LED ஹெட்லேம்ப்கள், ஸ்போர்ட்டியான அலாய் வீல்கள் மற்றும் தாழ்வான ரூஃப்லைன் ஆகியவை இதன் முக்கிய டிசைன் அம்சங்கள். காருக்குள் 13.2 இன்ச் போர்ட்ரெயிட் டச்ஸ்கிரீன், வயர்லெஸ் சார்ஜிங், டிஜிட்டல் இன்ஸ்ட்ரூமென்ட் கிளஸ்டர் போன்ற வசதிகள் உள்ளன. இதில் 1.5 லிட்டர் டர்போ பெட்ரோல் இன்ஜின் பொருத்தப்பட்டுள்ளது. இது 145 bhp பவரையும் 255 Nm டார்க்கையும் உருவாக்கும்.

Image Credit : X

எக்ஸீட் எக்ஸ்லாண்டிக்ஸ் ES7 GT: 3 நொடியில் 100 கி.மீ வேகம்

செரி பேட்டன்ட் பெற்றுள்ள மூன்றாவது மற்றும் மிகவும் மிரட்டலான மாடல், எக்ஸீட் எக்ஸ்லாண்டிக்ஸ் ES7 GT. இது ஒரு ஷூட்டிங் பிரேக் ஸ்டேஷன் வேகன் ரக கார். அதிக செயல்திறனை மையமாக வைத்து உருவாக்கப்பட்டுள்ளது. இதில் 1000V EV ஆர்க்கிடெக்சர் மற்றும் மூன்று மோட்டார் சிஸ்டம் உள்ளது. 0-விலிருந்து 100 கி.மீ வேகத்தை வெறும் 3 வினாடிகளில் எட்டிவிடும் என்பது இதன் சிறப்பம்சம். இதில் 41 kWh பேட்டரியும், 1.5 லிட்டர் ரேஞ்ச் எக்ஸ்டெண்டர் பெட்ரோல் இன்ஜினும் உள்ளன. பேட்டரி ஃபுல் சார்ஜ் மற்றும் பெட்ரோல் டேங்க் ஃபுல்லாக இருந்தால், சுமார் 1,700 கிலோமீட்டர் வரை பயணிக்க முடியும் என்று நிறுவனம் கூறுகிறது.

சொகுசு அம்சங்களுடன் இந்திய சந்தையை குறிவைக்கும் செரி

செரியின் இந்த பேட்டன்ட் பதிவுகள், இந்தியாவில் பிரீமியம் கார்களை அறிமுகப்படுத்தும் திட்டத்தை காட்டுகிறது. இந்த கார்களில் லெதர் இன்டீரியர், 15.6 இன்ச் மெயின் இன்ஃபோடெயின்மென்ட் ஸ்கிரீன், 12.3 இன்ச் பேசஞ்சர் ஸ்கிரீன் மற்றும் ஃபால்கன் 700 ADAS பாதுகாப்பு அமைப்பு போன்ற நவீன அம்சங்கள் இடம்பெறும் என எதிர்பார்க்கப்படுகிறது.

செரி ஆட்டோமொபைல், இந்த மூன்று கார்களின் இந்திய அறிமுக தேதியை இன்னும் அதிகாரப்பூர்வமாக அறிவிக்கவில்லை. ஆனால், இவ்வளவு சிறப்பான ரேஞ்ச், செயல்திறன் மற்றும் நவீன தொழில்நுட்பத்துடன் இந்த கார்கள் இந்திய சந்தைக்கு வந்தால், தற்போதுள்ள கார் நிறுவனங்களுக்கு இது ஒரு பெரிய சவாலாக இருக்கும் என்று கூறப்படுகிறது.