ரூ.1.76 லட்சம் தள்ளுபடி.. கார் வாங்க கூட்டம் குவியுது.. ஆஃபரை மிஸ் பண்ணாதீங்க
ஹோண்டா கார்ஸ் இந்தியா, ஜனவரி 2026-ஐ முன்னிட்டு தனது சிட்டி, அமேஸ், மற்றும் எலிவேட் மாடல்களுக்கு பம்பர் தள்ளுபடிகளை அறிவித்துள்ளது. இந்த சலுகைகள் குறுகிய காலத்திற்கு மட்டுமே என்பதால், அருகிலுள்ள டீலரைத் தொடர்புகொண்டு விவரங்களை அறியவும்.
ஹோண்டா புத்தாண்டு சலுகை
2026 புத்தாண்டை முன்னிட்டு கார் வாங்க திட்டமிட்டுள்ளவர்களுக்கு ஹோண்டா கார்ஸ் இந்தியா ஒரு பெரிய சந்தோஷ செய்தியை தெரிவித்துள்ளது. ஜனவரி 2026 மாதத்திற்காக, ஹோண்டா தனது பிரபல மாடல்களான ஹோண்டா சிட்டி, ஹோண்டா அமேஸ் மற்றும் ஹோண்டா எலிவேட் ஆகிய கார்களுக்கு பம்பர் தள்ளுபடிகள் வழங்கப்படுகின்றன. மாடல் மற்றும் வேரியண்ட் அடிப்படையில், வாடிக்கையாளர்கள் அதிகபட்சமாக ரூ.1.76 லட்சம் வரை சேமிக்க முடியும். இந்த ஆஃபர்கள் குறுகிய காலத்திற்கு மட்டுமே பொருந்தும் என்றும், நகரம் மற்றும் டீலர்ஷிப் பொறுத்து மாறுபடும் என்றும் தெரிவிக்கப்பட்டுள்ளது.
ஹோண்டா எலிவேட் தள்ளுபடி
இந்த மாதம் தள்ளுபடி பட்டியலில் முதலிடம் பிடித்திருப்பது ஹோண்டா எலிவேட் மாடல். இந்த மிட்-சைஸ் எஸ்யூவி மீது ரூ.1.76 லட்சம் வரை தள்ளுபடி வழங்கப்படுகிறது. ஹூண்டாய் கிரெட்டா, கியா செல்டோஸ் போன்ற போட்டி மாடல்களுடன் ஒப்பிடும்போது, இந்த சலுகைகள் எலிவேட்டை இன்றும் வெற்றிகரமான தேர்வாக மாறுகின்றன. தற்போது இதன் எக்ஸ்-ஷோரூம் விலை ரூ.10.99 லட்சத்திலிருந்து தொடங்குகிறது.
ஹோண்டா ஜனவரி ஆஃபர்
ஹோண்டா சிட்டி சேடன் காரும் இந்த ஜனவரி சலுகைகளில் முக்கிய இடம் பெற்றுள்ளது. ஐந்தாம் தலைமுறை சிட்டி மாடலுக்கு ரூ.1.37 லட்சம் தள்ளுபடி வழங்கப்படுகிறது. சக்திவாய்ந்த பெட்ரோல் என்ஜின், விசாலமான உள்ளமைப்பு ஆகியவற்றால் பெயர் பெற்றது இந்த கார். இதன் தொடக்க விலை ரூ.11.95 லட்சம் (எக்ஸ்-ஷோரூம்).
ஹோண்டா அமேஸ் ஆஃபர்
முதல் முறையாக கார் வாங்குபவர்கள் மற்றும் குடும்பங்களுக்கு பிடித்த ஹோண்டா அமேஸ் மாடலுக்கு சலுகை வழங்கப்படுகிறது. ரூ.7.40 லட்சம் தொடக்க விலையுடன் வரும் இந்த காம்பாக்ட் செடானுக்கு ரூ.57,000 வரை தள்ளுபடி கிடைக்கிறது. சிறந்த மைலேஜ், வசதியான ஓட்ட அனுபவம் ஆகியவை இதன் முக்கிய அம்சங்கள் ஆகும்.
ஹோண்டா கார் விலை குறைப்பு
இதனைத் தவிர, தேர்ந்தெடுக்கப்பட்ட ஹோண்டா மாடல்களுக்கு 7 ஆண்டுகள் வரை நீட்டிக்கப்பட்ட வாரண்டி மீது கூடுதல் சலுகைகளும் வழங்கப்படுகின்றன. இருப்பினும், இந்த தள்ளுபடிகள் அனைத்து இடங்களிலும் ஒரே மாதிரியாக இருக்காது. ஆகவே, கார் வாங்குவதற்கு முன் அருகிலுள்ள ஹோண்டா டீலர்ஷிப்பை தொடர்புகொண்டு முழு விவரங்களையும் உறுதி செய்து கொள்வது நல்லது.
