ஜனவரியில் கார் வாங்கினால் இவ்வளவு லாபம்.. ரூ.80,000 சேமிக்க இந்த காரை வாங்குங்க பாஸ்
ஹூண்டாய் நிறுவனம் தனது எக்ஸ்டர் மைக்ரோ எஸ்யூவி மாடலுக்கு 2026 ஜனவரி மாதத்தில் சிறப்பு தள்ளுபடிகளை அறிவித்துள்ளது. வாடிக்கையாளர்கள் ரொக்க தள்ளுபடி மற்றும் பிற சலுகைகள் மூலம் ரூ.80,000 வரை சேமிக்கலாம்.
ஹூண்டாய் எக்ஸ்டர் தள்ளுபடி
2026 ஜனவரி மாதத்தில் கார் வாங்க திட்டமிட்டுள்ளவர்களுக்கு ஹூண்டாய் ஒரு நல்ல வாய்ப்பை வழங்கியுள்ளது. தனது பல மாடல்களில் சிறப்பு தள்ளுபடிகளை அறிவித்துள்ள ஹூண்டாய், அதில் பிரபலமான மைக்ரோ எஸ்யூவி மாடலான ஹூண்டாய் எக்ஸ்டர்-க்கும் குறிப்பிடத்தக்க சலுகைகளை வழங்குகிறது. இந்த எக்ஸ்டரை வாங்கும் வாடிக்கையாளர்கள், ரொக்க தள்ளுபடி மற்றும் கூடுதல் பலன்கள் உள்ளிட்ட சலுகைகள் மூலம் அதிகபட்சமாக ரூ.80,000 வரை சேமிக்க முடியும். இந்த ஆஃபர்கள் 2026 ஜனவரி 31 வரை மட்டுமே செல்லுபடியாகும் என்பதால், விருப்பம் உள்ளவர்கள் விரைந்து முடிவு எடுக்க வேண்டிய நிலை உள்ளது.
ஹூண்டாய் எக்ஸ்டர் ஜனவரி ஆஃபர்
எஞ்சின் மற்றும் பவர்டிரெய்ன் அம்சங்களைப் பார்க்கும்போது, ஹூண்டாய் எக்ஸ்டர் 1.2 லிட்டர் நெச்சுரலி ஆஸ்பிரேட்டட் பெட்ரோல் இன்ஜினுடன் வருகிறது. இந்த இன்ஜின் 83 bhp பவரையும் 114 Nm உச்ச டார்க்கையும் உற்பத்தி செய்கிறது. நகர்ப்புற பயணம் மற்றும் தினசரி பயன்பாட்டிற்கு ஏற்ற வகையில் இந்த இன்ஜின் அமைக்கப்பட்டுள்ளது. பெட்ரோல் மாடலுடன் சேர்த்து, சிஎன்ஜி பவர்டிரெய்ன் ஆப்ஷனும் வழங்கப்படுவது, எரிபொருள் செலவை குறைக்க நினைப்பவர்களுக்கு கூடுதல் பலமாக உள்ளது.
ஹூண்டாய் கார் தள்ளுபடி
அம்சங்களின் அடிப்படையில், எக்ஸ்டர் இந்த செக்மென்டில் கவனம் ஈர்க்கும் பல வசதிகள் உள்ளன. இதில் எட்டு அங்குல தொடுதிரை இன்ஃபோடெயின்மென்ட் சிஸ்டம், க்ரூஸ் கண்ட்ரோல், சிங்கிள்-பேன் சன்ரூஃப் போன்ற அம்சங்கள் இடம்பெற்றுள்ளன. பாதுகாப்பு அம்சங்களில் முக்கியத்துவம் கொடுத்து, இந்த காரில் ஆறு ஏர்பேக்குகள் வழங்கப்படுகின்றன. இதனால் குடும்பங்களுக்கு ஏற்ற ஒரு பாதுகாப்பான தேர்வாக எக்ஸ்டர் கருதப்படுகிறது.
ஹூண்டாய் எக்ஸ்டர் விலை
விலையைப் பொருத்தவரை, ஹூண்டாய் எக்ஸ்டரின் எக்ஸ்-ஷோரூம் விலை ரூ.5.68 லட்சம் முதல் ரூ.9.61 லட்சம் வரை உள்ளது. இருப்பினும், தள்ளுபடிகள் நகரம், டீலர்ஷிப், வேரியன்ட் மற்றும் கையிருப்பு ஆகியவற்றைப் பொறுத்து மாறுபடலாம். எனவே, காரை வாங்குவதற்கு முன் துல்லியமான சலுகைகளை அறிய, அருகிலுள்ள ஹூண்டாய் டீலரை நேரடியாக தொடர்பு கொள்வது நல்லது.
