- Home
- Astrology
- Vastu Tips: வெளியே செல்லும்போது இந்த பொருட்களைப் பார்த்தால் உங்கள் கஷ்டம் தீரப்போகிறது என்று அர்த்தம்.!
Vastu Tips: வெளியே செல்லும்போது இந்த பொருட்களைப் பார்த்தால் உங்கள் கஷ்டம் தீரப்போகிறது என்று அர்த்தம்.!
Vastu Shastra Tamil: சகுன சாஸ்திரத்தின்படி, செல்லும் வழியில் சில பொருட்களைப் பார்த்தால், வாழ்க்கையில் பிரச்சனைகள் முடிவுக்கு வந்து, நல்ல காலம் பிறக்கும் என்று அர்த்தம். அந்த பொருட்கள் குறித்து இந்த பதிவில் விரிவாகப் பார்க்கலாம்.
வாஸ்து சாஸ்திரம்
நாம் வீட்டிலிருந்து வெளியே செல்லும்போதோ அல்லது அலுவலகம் செல்லும்போதோ, வழியில் தென்படும் பல விஷயங்களையும் பொருட்களையும் சாதாரணமாகப் புறக்கணித்து விடுகிறோம். ஆனால், அவற்றில் சில விஷயங்கள் அல்லது பொருட்கள் வாழ்க்கையில் சுபமான நிகழ்வுகள் நடக்கும் என்பதைச் சுட்டிக்காட்டுகின்றன. சகுன சாஸ்திரம் கூறும் அத்தகைய பொருட்கள் குறித்து இந்த பதிவில் காணலாம்.
இயற்கை மற்றும் விலங்குகள்
தண்ணீர் நிரம்பிய குடத்தை சுமந்து வருபவரை பார்ப்பது சகுன சாஸ்திரத்தில் மங்களகரமானதாக கருதப்படுகிறது. எடுத்த காரியம் தடையின்றி முடிவதை இது குறிக்கிறது. அதேபோல் கன்றுடன் இருக்கும் பசுவை காண்பது மகாலட்சுமியின் அருளை பெற்றுத் தரும். யானை மற்றும் குதிரையை காண்பது அரச போகத்தையும் வெற்றியையும் குறிக்கும் சின்னங்களாகும்.
சுப பொருட்கள்
பூக்கள் அல்லது மலர்களால் தொடுக்கப்பட்ட மாலைகளை காண்பது வெற்றியைத் தரும். மாதுளை, வாழை போன்ற கனிந்த பழங்களையும், தயிர் பால் போன்ற தூய்மையின் அடையாளங்களையும் காண்பது சுபமானதாக கருதப்படுகிறது. சங்கை பார்ப்பது அல்லது சங்கு ஒலியைக் கேட்பதோ விசேஷமானதாக கருதப்படுகிறது.
மங்கள சின்னங்கள்
வெளியில் செல்லும் வழியில் தீபம் அல்லது ஹோம அக்னியைப் பார்ப்பது காரிய சித்தியை உண்டாக்கும். நாதஸ்வரம், மேளம் போன்ற இசைக்கருவிகளின் சத்தம் காதலில் விழுவது மங்களகரமானது. அதேபோல் வானத்தில் கருடன் வட்டமிடுவதை பார்ப்பது மகாவிஷ்ணுவின் ஆசி கிடைத்ததாக கருதப்படுகிறது. தோகை விரித்தாடும் மயில்களைக் காண்பதும் நன்மைகளைத் தரும்.
தூய்மைப் பணியாளர்கள்
அலுவலகம் செல்லும் வழியில் தூய்மைப் பணியாளர்கள் சாலையைக் கூட்டுவதைப் பார்த்தால், அது ஒரு நல்ல சகுனமாகும். லட்சுமி தேவியின் ஆசியால் உங்கள் தொழில் பிரச்சனைகள் தீரும். அலுவலகம் செல்லும் வழியில் திருமணமான புதுமணப் பெண்ணைப் பார்ப்பதும் மங்களகரமானதாகக் கருதப்படுகிறது. லட்சுமி தேவியின் வடிவமான அவரைப் பார்ப்பதால் மகிழ்ச்சியும் செழிப்பும் அதிகரிக்கும்.
இறுதி ஊர்வலம்
வீட்டை விட்டு வெளியேறும்போது சாலையில் இறுதி ஊர்வலத்தைப் பார்ப்பதும் மங்களகரமானதாகக் கருதப்படுகிறது. இது பழைய பிரச்சனைகள் முடிந்து, வெற்றிக்கான பாதை திறக்கும் என்பதைக் குறிக்கிறது. வெளியில் செல்லும்போது திடீரென மேள சத்தம் கேட்டால், அது சுப நிகழ்ச்சிகள் நடக்க இருப்பதற்கான அறிகுறியாகும். உங்கள் ஆசை விரைவில் நிறைவேறி, வீட்டில் மகிழ்ச்சி வரும் என்பதை குறிக்கிறது.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
