This Week Rasi Palan: மிதுன ராசி நேயர்களே.! ராசியின் அதிபதி புதன் பகவானால் இந்த வாரம் அள்ள அள்ள பணம் வரும் யோகம்.!

This Week Rasi Palan Mithunam: ஜனவரி 26 முதல் பிப்ரவரி 01 ஆம் தேதி வரையிலான காலக்கட்டம் மிதுன ராசிக்காரர்களுக்கு எப்படி இருக்கப்போகிறது என்பது பற்றி இந்த பதிவில் விரிவாகப் பார்க்கலாம். 

Image Credit : Asianet News

கிரக நிலைகள்:

மிதுன ராசி நேயர்களே, இந்த வாரம் ராசியின் அதிபதியான புதன் பகவான் அஷ்டம ஸ்தானத்தில் சூரியனுடன் இணைந்து புதாதித்ய யோகத்தை உண்டாக்குகிறார். மறைந்த புதன் பகவானால் நிறைய பலன்கள் கிடைக்கும். காரிய சித்தி உண்டாகும். பேச்சை மூலதனமாக கொண்டவர்களின் வருமானம் உயரும்.

பொதுவான பலன்கள்:

மிதுன ராசியினருக்கு மாற்றங்களையும், சவால்களையும் கடந்து வெற்றியைத் தரும் வாரமாக அமையப் போகிறது. நீண்ட நாட்களாக தள்ளிப்போன காரியங்கள் இந்த வாரம் வேகம் எடுக்கும். எடுத்த காரியங்களை முடிப்பதில் சிறு தடைகள் வந்தாலும் இறுதியில் வெற்றி கிடைக்கும். மன தைரியம் மற்றும் தன்னம்பிக்கை அதிகரிக்கும்.

நிதி நிலைமை:

பணப் பற்றாக்குறையால் அவதிப்பட்டு வருபவர்களுக்கு உபரி வருமானம் கிடைப்பதற்கான வாய்ப்புகள் கிடைக்கும். எதிர்பாராத பண வரவுகளால் கடன் சுமை குறையும். பொருளாதார நிலை மேம்படும். முன்னோர்களின் சொத்து பாகப்பிரிவினைகளில் இருந்து முறையான பங்கீடு கிடைக்கும்.

வேலை மற்றும் தொழில்:

தொழிலில் இந்த வாரம் அபிவிருத்தி உண்டாகும். தற்காலிக பணியில் இருப்பவர்களுக்கு பணி நிரந்தரமாகும். வாழ்க்கைத் துணையின் வருமானத்தால் வீட்டின் பொருளாதார நிலைமை மேம்படத் தொடங்கும். வியாபாரத்தில் வாடிக்கையாளர்களை கவர புதிய உத்திகளை கையாளுவீர்கள். கூட்டுத் தொழில் செய்பவர்களுக்கு பங்குதாரர்களுடன் ஏற்பட்ட கருத்து வேறுபாடுகள் நீங்கும்.

குடும்ப உறவுகள்:

குடும்பத்தில் இந்த வாரம் மகிழ்ச்சியான சூழல் நிலவும். குடும்பத்தில் நிலவிய பிரச்சனைகள் படிப்படியாக குறையும். மூன்றாம் நபர்களின் தலையீடு முற்றிலும் அகன்று விடும். மூதாதையர் சொத்துக்களில் இருந்து பாகம் கிடைக்கும். தடைபட்ட வீடு கட்டும் பணிகள் துரிதமாகும். வீட்டில் சுப காரியங்கள் குறித்த பேச்சுவார்த்தைகள் நடக்கும். எதிர்பார்த்த காரியங்கள் கைகூடும்.

ஆரோக்கியம் மற்றும் கல்வி:

ஆரோக்கியத்தில் இந்த வாரம் பெரிய பாதிப்புகள் எதுவும் இருக்காது. இருப்பினும் காலநிலை மாற்றத்தால் சளி அல்லது தலைவலி ஏற்படக்கூடும். நரம்பு சம்பந்தப்பட்ட நோய் இருப்பவர்கள் கூடுதல் கவனத்துடன் இருக்க வேண்டும். சரியான நேரத்திற்கு உணவருந்துவது நல்லது.

மாணவர்கள் கல்வியில் அதிக கவனம் செலுத்த வேண்டிய வாரமாகும். தேவையற்ற பொழுதுபோக்குகளை தவிர்க்கவும். உயர்கல்வி பயில நினைப்பவர்களுக்கு சிறந்த வழிகாட்டுதல் கிடைக்கும். போட்டித் தேர்வுகளுக்கு தயாராகி வருபவர்கள் விடாமுயற்சியை கைவிடக்கூடாது.

சந்திராஷ்டம நாட்கள்:

மிதுன ராசிக்காரர்களுக்கு இந்த வாரம் சந்திராஷ்டம நாட்கள் இல்லை. இருப்பினும் வார இறுதியில் முக்கிய முடிவுகளை எடுப்பதையும், புதிய ஒப்பந்தங்களில் கையெழுத்திடுவதையும் தவிர்க்க வேண்டும். வாகனங்கள் ஓட்டும் பொழுது கவனத்துடன் இருக்க வேண்டும்.

பரிகாரங்கள்:

புதன்கிழமைகளில் மகாவிஷ்ணுவிற்கு துளசி மாலை சாற்றி வழிபடலாம். ஓம் நமோ நாராயணாய மந்திரத்தை தினமும் 21 முறை உச்சரிப்பது பொருளாதார முன்னேற்றத்தைத் தரும். பசுவிற்கு ஊறவைத்த பச்சைப்பயிறு அல்லது கீரை வழங்குவது தடைகளை நீக்கும்.

(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)