சிம்மத்தில் கிரகண யோகம்: அடிமேல் அடி வாங்கப் போகும் 4 ராசிகள்.. தப்பிக்க எளிய பரிகாரங்கள்!

Grahan Yoga 2026: சிம்மத்தில் கிரகண யோகம் உருவாகி இருப்பதால் 4 ராசிகள் அடிமேல் அடி வாங்கப் போகிறார்கள். அந்த ராசிகள் என்னென்ன? தப்பிக்க பரிகாரங்கள் என்ன? என்பது குறித்து இந்த செய்தியில் பார்க்கலாம்.

Image Credit : AI

கிரகண யோகத்தால் பாதிக்கப்படும் 4 ராசிகள்

ஜோதிட சாஸ்திரத்தின்படி, இரண்டு கிரகங்கள் ஒரே ராசியில் சேரும்போது, பல நல்ல மற்றும் கெட்ட யோகங்கள் உருவாகும். அப்படி ஒரு அசுப யோகம் தான் 2026, ஜூன் 19 முதல் உருவாகியுள்ளது. ஜூன் 21 வரை இருக்க போகிறது. பஞ்சாங்கத்தின்படி, ஜூன் 19 அன்று சந்திரன் கடக ராசியிலிருந்து சிம்ம ராசிக்குள் நுழைந்துள்ளார். இந்த ராசியில் ஏற்கனவே கேது இருக்கிறார்.

சந்திரன் மற்றும் கேதுவின் இந்த சேர்க்கையால் 'கிரகண யோகம்' உருவாகியுள்ளது. ஜோதிட நிபுணர்களின் கருத்துப்படி, கேதுவும் சந்திரனும் பரம எதிரிகள். அதனால், இந்த யோகம் 4 ராசிக்காரர்களுக்கு பெரிய பிரச்சனைகளை உருவாக்கக்கூடும். இதனால் எந்த 4 ராசிகள் பாதிக்கப்படும் என்பது குறித்து விரிவாக பார்ப்போம்.

Image Credit : Pixabay

மேஷம்

இந்த ராசிக்காரர்கள் கிரகண யோகத்தின் போது மிகவும் கவனமாக இருக்க வேண்டும். ஏனென்றால், அவர்கள் எடுக்கும் தவறான முடிவுகள் வாழ்க்கை முழுவதும் பிரச்சனையை ஏற்படுத்தக்கூடும். இந்த நேரத்தில் எந்தவொரு ரிஸ்க்கான வேலையையும் செய்யாதீர்கள், இல்லையென்றால் பெரிய விபத்து ஏற்பட வாய்ப்புள்ளது. மாணவர்களுக்கு படிப்பில் கவனம் சிதறும். பணப் பரிவர்த்தனைகளை யோசித்து செய்யுங்கள். யாருக்கும் கடன் கொடுப்பதைத் தவிர்க்கவும்.

பரிகாரம்: செவ்வாய்க்கிழமை அல்லது தினமும் காலையில் விநாயகர் அகவல் படிப்பது அல்லது கேட்பது நல்லது. யாருக்கேனும் கடன் கொடுப்பதற்கு முன், வீட்டில் உள்ள பெரியவர்களின் ஆலோசனையைக் கேளுங்கள். செவ்வாய் அல்லது சனிக்கிழமைகளில் ஏழை எளியவர்களுக்கு நெய் தீபம் ஏற்றி வழிபடுவது விபத்து மற்றும் ஆபத்துகளிலிருந்து காக்கும்.

வழிபட வேண்டிய தெய்வம்: முருகப்பெருமான் மற்றும் விநாயகர்.

Image Credit : Pixabay

சிம்மம்

சந்திரன் மற்றும் கேதுவின் சேர்க்கை சிம்ம ராசியில்தான் உருவாகிறது. எனவே, இந்த ராசிக்காரர்கள்தான் மிகவும் எச்சரிக்கையாக இருக்க வேண்டும். வண்டி ஓட்டும்போது கவனம் தேவை. மன அழுத்தம் அதிகரிக்கலாம். காதல் வாழ்க்கையில் ஏற்ற தாழ்வுகள் காணப்படும். அவசரப்பட்டு எந்த வேலையையும் செய்யாதீர்கள். உங்கள் தன்னம்பிக்கை குறையக்கூடும். குடும்ப உறுப்பினர்கள் ஏதேனும் ஒரு காரணத்திற்காக உங்கள் மீது கோபப்படலாம்.

பரிகாரம்: தினமும் காலையில் சூரிய நமஸ்காரம் செய்து, ஆதித்ய ஹிருதய ஸ்தோத்திரம் படிக்கலாம். திங்கட்கிழமைகளில் சிவபெருமானுக்கு பால் அபிஷேகம் செய்வது அல்லது பசுவிற்கு பச்சரிசி மற்றும் வெல்லம் கலந்து கொடுப்பது சந்திரனின் அசுப பலனைக் குறைத்து மன அமைதியைத் தரும். அவசர முடிவுகளைத் தவிர்க்க, தினமும் 10 நிமிடம் தியானம் Meditation) செய்யுங்கள்.

வழிபட வேண்டிய தெய்வம்: சூரிய பகவான் மற்றும் சிவபெருமான்

Image Credit : Pixabay

விருச்சிகம்

இந்த ராசிக்காரர்கள் தங்கள் தொழில் வாழ்க்கையில் கவனமாக இருக்க வேண்டும். பணியிடத்தில் யாராவது உங்களுக்கு எதிராக சதி செய்யக்கூடும். ஏதேனும் ஒரு காரணத்தால் சமூகத்தில் அவமானத்தைச் சந்திக்க நேரிடலாம். பார்ட்னர்ஷிப் தொழிலில் பெரிய நஷ்டம் ஏற்பட வாய்ப்புள்ளது. அறிமுகம் இல்லாதவர்களை நம்புவதைத் தவிர்க்கவும். இந்த காலக்கட்டத்தில் புதிய வேலையைத் தொடங்கும் எண்ணத்தை மனதிலிருந்து எடுத்துவிடுங்கள்.

பரிகாரம்: ராகு-கேது தோஷம் நீங்க, ஞாயிற்றுக்கிழமை ராகு காலத்தில் துர்க்கை அம்மனுக்கு எலுமிச்சை பழ தீபம் ஏற்றி வழிபடலாம். பணியிடத்தில் வீண் வாக்குவாதங்களைத் தவிர்த்து, மௌன விரதத்தைக் கடைப்பிடிப்பது நல்லது. சனிக்கிழமை மாலை நேரத்தில் காலபைரவருக்கு நல்லெண்ணெய் தீபம் ஏற்றி வழிபடுவது எதிரிகளின் சதியை முறியடிக்கும்.

வழிபட வேண்டிய தெய்வம்: காலபைரவர் மற்றும் துர்க்கை அம்மன்

Image Credit : Pixabay

கும்பம்

இந்த ராசிக்காரர்கள் தொழில் அல்லது காதலில் ஏமாற்றப்படலாம். இந்த நேரத்தில் பயணம் செய்வதைத் தவிர்ப்பது நல்லது, இல்லையென்றால் விபத்து ஏற்பட வாய்ப்புள்ளது. உணவு விஷயத்தில் கட்டுப்பாடாக இருங்கள், வயிற்றுப் பிரச்சனைகள் தொந்தரவு செய்யலாம். நிதி விஷயங்களில் யோசித்து முடிவெடுங்கள். சட்ட வழக்குகளில் தோல்வியை சந்திக்க நேரிடலாம்.

பரிகாரம்: சனிக்கிழமைகளில் ஹனுமான் சாலிசா பாராயணம் செய்வது விபத்து மற்றும் சட்ட ரீதியான சிக்கல்களிலிருந்து பாதுகாக்கும். வயிற்று உபாதைகள் வராமல் இருக்க சனிக்கிழமைகளில் உளுந்து சாதம் அல்லது கருப்பு எள் கலந்த உணவை ஏழைகளுக்கு தானமாக வழங்கலாம். "ஓம் நமசிவாய" என்ற பஞ்சாட்சர மந்திரத்தை தினமும் 108 முறை ஜெபிப்பது ஏமாற்றங்களிலிருந்து உங்களைக் காக்கும்.

வழிபட வேண்டிய தெய்வம்: ஆஞ்சநேயர் மற்றும் சனீஸ்வர பகவான்.