என்ன மனுஷன் சார் நீங்க...! தோல்வியை கொடுத்த சிவாவிற்கு ஏன் இன்னொரு வாய்ப்பு? அஜித் கூறிய தகவல்..!
இயக்குனர் சிவா அஜித்தை வைத்து முதலில் இயக்கிய திரைப்படம் 'வீரம்' இந்த படத்தில் அண்ணன், தம்பிகளில் அன்பையும்... குடும்ப உறவுகளின் செண்டிமென்ட்டையும் மையப்படுத்தி இயக்கி இருப்பார். இந்த படம் அஜித்துக்கு மிக பெரிய வெற்றிப்படமாக அமைந்தது.
இந்த படத்தை தொடர்ந்து அஜித்தை வைத்து சிவா இயக்கிய இரண்டாவது திரைப்படமான 'வேதாளம்' ஹிட் ஆகியதால். பல இயக்குனர்கள் அஜித்தின் கால் ஷீட்டுக்கு போட்டி போட்டும் அவர் மீண்டும் சிவாவிற்கே வாய்புக்கொடுத்தார்.
கடந்த ஆண்டு சிவாவின் இயக்கத்தில் அஜித் மற்றும் காஜல் அகர்வால் நடித்து வெளிவந்த திரைப்படமான, 'விவேகம்' தமிழில் ஒரு ஹாலிவுட் படம் எடுத்தால் எப்படி இருக்குமோ அந்த ரேஞ்சில் இருந்தது. எனினும் இப்படத்திற்கு கலவையான விமர்சனங்கள் தான் கிடைத்தது.
இந்த படம் தோல்வி அடைந்ததால் அடுத்ததாக அஜித், ஏ.ஆர்.முருகதாஸ் அல்லது அட்லீ இயக்கத்தில் நடிப்பார் என எதிர்பார்க்கப்பட்டது. ஆனால் யாரும் எதிர்பாராத விதமாக அஜித்தின் அடுத்த படத்தை இயக்கும் வாய்ப்பு சிவாவிற்கு சென்றது.
சிவா 'விவேகம்' என்கிற தோல்வி படத்தை கொடுத்தும் மீண்டும் ஏன் இவருக்கே வாய்ப்பு கொடுக்க வேண்டும் என அஜித்திடம் அவருடைய நண்பர்கள் வட்டாரத்தில் பலர் கேள்வி எழுப்பியதாகவும் அதற்கு அஜித், சிவா இரண்டு முறை வெற்றி பெற்று ஒரு முறைதான் தோற்றுள்ளார்... அடுத்து ஒரு படம் இயக்க மற்ற நடிகரிடம் அவர் செல்லும் போது வெற்றி பட இயக்குனராக தான் நிற்க வேண்டும் என கூறினாராம்.
தற்போது இந்த தகவல் வெளியாகியுள்ளதால் அஜித்தை அவரது ரசிகர்கள் கொண்டாடி வருகின்றனர்.
சேனலை கிளிக் செய்து பின்தொடரவும்
