மீண்டும் இணையும் விஜய் சேதுபதி - நயன்தாரா ஜோடி; எந்தப் படத்தில் தெரியுமா?
நயன்தாரா நடிப்பில் உருவாகும் ‘இமைசக்கா நொடிகள்’ படத்தில் சிறப்பு வேடத்தில் விஜய் சேதுபதி நடிக்கிறாராம்.
'டிமான்ட்டி காலனி' படத்தைத் தொடர்ந்து கேமியோ பிலிம்ஸ் தயாரிப்பில் உருவாகும் இந்தப் படத்தை இயக்கி வருகிறார் அஜய் ஞானமுத்து.
அதர்வா, நயன்தாரா, ராஷி கண்ணா உள்ளிட்டோர் நடித்து வரும் இப்படத்தின் வில்லனாக அனுராக் காஷ்யப் நடித்து வருகிறார்.
இந்தி திரையுலகின் முன்னணி இயக்குநரான அனுராக் காஷ்யப் தமிழில் நடிக்கும் முதல் படம் இது என்பது குறிப்பிடத்தக்கது.
தற்போது இந்தப் படத்தில் கௌரவ வேடத்தில் விஜய் சேதுபதி நடிக்க ஒப்பந்தம் செய்யப்பட்டுள்ளார்.
'நானும் ரவுடிதான்' படத்திற்குப் பிறகு விஜய் சேதுபதி - நயன்தாரா இணைந்து நடிக்கும் படம் இது என்பது இந்த்ப் படத்தின் எதிர்ப்பார்ப்பை கூட்டியுள்ளது.
ஒளிப்பதிவாளராக ஆர்.டி.ராஜசேகர், கலை இயக்குநராக செல்வகுமார், வசனகர்த்தாவாக பட்டுக்கோட்டை பிரபாகர், இசையமைப்பாளராக ஹிப் ஹாப் தமிழா, படத்தொகுப்பாளராக புவன் ஸ்ரீனிவாசன் ஆகியோர் இப்படத்தில் பணியாற்றி வருகிறார்கள்.
படப்பிடிப்பு முடிந்து, இறுதிகட்ட பணிகளை துரிதப்படுத்தி ஜனவரியில் படத்தை வெளியிட படக்குழு முடிவு செய்திருக்கிறது என்பது கொசுறு தகவல்.
சேனலை கிளிக் செய்து பின்தொடரவும்
