அரசியலில் ஏன் ஈடுபடவில்லை...? உதயநிதி கொடுத்த அதிரடி பதில்...
நடிகரும், திமுக செயல் தலைவரின் மகனும் ஆன உதயநிதி ஸ்டாலின், தற்போதைய அரசியல் சூழ்நிலைகளை வெளிப்படுத்தும் விதத்தில் 'சரவணன் இருக்க பயமேன்' என்கிற திரைப்படத்தில் நடித்து வருகிறார்.
இந்த படத்தின் பிரமோஷன் நிகழ்ச்சிகளில் பிஸியாக உள்ள அவர், பிரபல தனியார் தொலைக்காட்சியில சிறப்பு அழைப்பாளராக கலந்துகொண்டு பேசினார்.
அப்போது, இந்த திரைப்படம் முழுக்க முழுக்க காமெடி கலந்த படமா இருக்கும் என்றும், தற்போதைய அரசியல் குறித்தும் இந்த படத்தில் காட்சி படுத்தப்பட்ட காட்சிகள் குறித்தும் பேசியுள்ளார்.
மேலும், சமீபத்துல தர்மாக்கோல் வைத்து நீர் ஆவியாவதை தடுத்த ஒரு அரசியல் பிரபலம் குறித்தும் பேசினார். அதே போல அரசியலில் ஏன் நீங்கள் ஈடுபட வில்லை என தொகுப்பாளர் கேட்டதற்கு... பின் தினமும் என்னையும் வைத்து விவாத நிகழ்ச்சி நடத்திவிடுவீர்கள் என அதிரடியாக கூறினார்.
முதல் முறையாக அரசியல்வாதியாக உதயநிதி நடித்துள்ள இந்த திரைப்படம் வரும் மே 12 தேதி ரிலீசாக உள்ளது, இந்த படத்தில் உதயநிதிக்கு ஜோடியாக ரெஜினா நடித்துள்ளார். மேலும் முதல் முறையாக சூரி இந்தப்படத்தில் உதயநிதியுடன் காமெடி காட்சியில் நடித்துள்ளார் என்பது குறிப்பிடத்தக்கது.