this productions released the teaser of their upcoming movie
விக்ரம் நடிப்பில் பிரம்மண்டமாக தயாராகி வரும், மற்றுமொரு திரைப்படம் துருவ நட்சத்திரம். இந்த திரைப்படத்தை பிரபல இயக்குனர் கெளதம் மேனன் இயக்கி வருகிறார். இத்திரைப்படத்தில் ராதிகா சரத் குமார், திவ்ய தர்ஷினி, சிம்ரன், ஆர்.ஜே.பாலாஜி, பார்த்திபன் போன்ற பல திரைத்துறை நட்சத்திரங்கள் நடித்திருக்கின்றனர்.
கடந்த ஆண்டு ஜனவரியில் தொடங்கிய, இந்த திரைப்படத்தின் படப்பிடிப்பு, ஏழு வெவ்வேறு நாடுகளில் வைத்து நடைபெற்று வந்தது. துருவ நட்சத்திரம் படத்தின் முதல் டீசர் ஏற்கனவே வெளியாகி இருந்தது. இப்போது அதன் இரண்டாவது ரீசரை ரிலீசாக்கி இருக்கின்றனர் துருவ நட்சத்திரம் குழுவினர்.
இந்த இரண்டாவது டீசரை துருவ நட்சத்திரம் குழுவினர் வெளியிடுவதற்கு, முன்பாகவே யாரோ ஒருவர் இணையத்தில் வெளியிட்டிருக்கிறார். இந்த சம்பவம் துருவ நட்சத்திரம் படக்குழுவினரை அதிர்ச்சியில் ஆழ்த்தி இருக்கிறது. ரிலீஸ் செய்ய தயாராகி வந்த டீசரை யாரோ திருடி வெளியிட்டிருப்பதாக தெரிவித்திருக்கும் படக்குழு, இது தொடர்பாக தகுந்த நடவடிக்கை எடுக்கப்படும் என தெரிவித்திருக்கின்றனர்.
இதை தொடர்ந்து தான் லைகா நிறுவனம், இன்று மதியம் 12 மணி அளவில், அவசர அவசரமாக இந்த இரண்டாவது டீசரை வெளியிட்டிருக்கிறது. இது குறித்து கருத்து தெரிவித்திருந்த ராதிகா சரத்குமார், கெளதம் மேனன் இந்த விஷயத்தை பார்த்து கொள்வார் என தெரிவித்திருக்கிறார்.
சமீபத்தில் தான் விக்ரம் நடித்திருக்கும், சாமி ஸ்கொயர் படத்தின் டிரெயிலர் வெளியாகி கலவையான விமர்சனத்தை பெற்றிருக்கிறது. இப்போது வெளியாகி இருக்கும் இந்த துருவ நட்சத்திரம் டீசர், எல்லா வகையிலும் சாமி ஸ்கொயரை விட நன்றாகவே இருக்கிறது. மேலும் இந்த டீசர் பாரட்டும் படியாகவே இருக்கிறது.
