தளபதி 69 லோடிங்.. பிரபல தெலுங்கு தயாரிப்பாளருடன் கைகோர்க்கும் விஜய்.. இயக்குனர் யார்? வெளியான அப்டேட் இதோ!
Thalapathy 69 Update : தளபதி விஜய் விரைவில் அரசியலில் களமிறங்க உள்ள நிலையில் அவரது 69வது படம் குறித்த சில தகவல்கள் இப்பொது வெளியாகியுள்ளது.
 )
Followபிரபல இயக்குனர் லோகேஷ் கனகராஜ் இயக்கத்தில் கடந்த 2023 ஆம் ஆண்டு வெளியான "லியோ" திரைப்படம் தளபதி விஜய் அவர்களுக்கு ஒரு மாஸ் ஹிட் கொடுத்த திரைப்படமாக மாறியது. உலக அளவில் பல கோடி ரூபாய்களை இந்த திரைப்படம் வசூல் செய்தது குறிப்பிடத்தக்கது. இந்நிலையில் அவருடைய 68வது திரைப்பட குறித்த அறிவிப்புகள் வெளியானது.
முதல் முறையாக பிரபல இயக்குனர் வெங்கட் பிரபு இயக்கும் படத்தில் தளபதி விஜய் அவர்கள் நடிக்க ஒப்பந்தமானார். மேலும் இந்த திரைப்படத்தில் தமிழ் சினிமாவின் முன்னணி நடிகர், நடிகைகளான பிரபுதேவா, பிரசாந்த், லைலா மற்றும் சினேகா ஆகியோர் இணைந்தனர். மேலும் இந்த 2024ம் ஆண்டு புத்தாண்டு அன்று இந்த திரைப்படத்திற்கு "தி கிரேட்டஸ்ட் ஆஃப் ஆல் டைம்" என்று பெயரிடப்பட்டுள்ளதாக அதிகாரப்பூர்வ தகவல்கள் வெளியானது.
தொடர்ச்சியாக அந்த படம் குறித்து தகவல்கள் வெளியாகி வரும் நிலையில், 2026 ஆம் ஆண்டு தேர்தலுக்காக தளபதி விஜய் அவர்கள் தயாராகி வருவதாகவும், விரைவில் தனது கட்சியின் பெயரை அறிவிக்க உள்ளதாகவும் தகவல்கள் வெளியானது. "தமிழக முன்னேற்ற கழகம்" என்ற கட்சியின் பெயரில் தளபதி விஜய் அவர்கள் தலைமை தாங்கி தேர்தலில் களம் காணுவார் என்று அறிவிக்கப்பட்டிருந்தது.
இந்நிலையில் அவருடைய 69வது திரைப்படம் குறித்த சில தகவல்கள் வெளியாகி உள்ளது. அதன்படி தெலுங்கு திரையுலகில் மிகவும் பிரபலமான நிறுவனமான DVV என்டர்டெயின்மென்ட் நிறுவனம் தளபதி 69 திரைப்படத்தை தயாரிக்க உள்ளதாக கூறப்படுகிறது. ஏற்கனவே இந்த நிறுவனம் பல சூப்பர் ஹிட் தெலுங்கு திரைப்படங்களை தயாரித்து வழங்கி உள்ளது. குறிப்பாக ராஜமௌலியின் RRR படத்தை தயாரித்து வெளியிட்டது இந்த நிறுவனம் தான்.
இன்னும் மூன்று அல்லது நான்கு மாதங்களில் இந்த திரைப்படம் குறித்த அதிகாரப்பூர்வ தகவல்கள் வெளியாகும் என்றும், படத்தின் இயக்குனர் இன்னும் முடிவு செய்யப்படவில்லை என்றும் தகவல்கள் தெரிவிக்கின்றது. 2025 ஆம் ஆண்டு பொங்கல் அன்று இந்த திரைப்படம் வெளியாக வாய்ப்புகள் இருப்பதாக கூறப்படுகிறது.
விடாமுயற்சி ஃபர்ஸ்ட் லுக் எப்போது? ஷூட்டிங் பேக் அப் முதல்... பாடல்கள் வரை வெளியான தரமான அப்டேட்!
சேனலை கிளிக் செய்து பின்தொடரவும்
