வா தலைவா…. ரஜினி ரசிகர்களுக்கு தீபாவளி தொடங்கியது… அரங்கம் அதிர நாளை வெளியாகிறது அண்ணாத்த டிரெய்லர்.!
அண்ணாத்த திரைப்படத்தில் மோசன் போஸ்டர், டீசர், முதல் நான்கு பாடல்கள் ஏற்கெனவே வெளியாகி ரசிகர்களிடம் பெரும் வரவேற்பை பெற்றுள்ளது.
அண்ணாத்த திரைப்படத்தில் மோசன் போஸ்டர், டீசர், முதல் நான்கு பாடல்கள் ஏற்கெனவே வெளியாகி ரசிகர்களிடம் பெரும் வரவேற்பை பெற்றுள்ளது.
சன் பிக்சர்ஸ் தயாரிப்பில் சிறுத்தை சிவா இயக்கத்தில் சூப்பர்ஸ்டார் ரஜினிகாந்த் நடித்திருக்கும் படம் அண்ணாத்த. தீபாவளி விருந்தாக படம் திரைக்கு வருவதாக அறிவிக்கப்பட்டதுமே ரஜினி ரசிகர்கள் கொண்டாட்டங்களை தொடங்கிவிட்டனர். சன் பிக்சர்ஸ் தயாரிப்பு என்பதால் ஏராளமான திரையரங்குகளில் அண்ணாத்த திரைபடம் தான் வெளியாகும் என்று கூறப்படுகிறது. இதனால் தீபாவளிக்கு வெளியாகவிருந்த சிம்பு நடித்துள்ள மாநாடு போட்டியில் இருந்து விலகிவிட்டது. அதேபோல், விஷால், ஆர்யா நடித்துள்ள எனிமி திரைப்படமும் தள்ளிப்போகலாம் என்று கூறப்படுகிறது.
அரசியல் கட்சி தொடங்கும் முடிவை கைவிட்ட பின்னர் ரஜினிகாந்த் நடித்துள்ள குடும்ப திரைப்படம் என்பதால் அண்ணாத்த அனைத்து தரப்பு மக்களிடமும் எதிர்பார்ப்புகளை அதிகரித்துள்ளது. பண்டிகை நாளில் குடும்பத்துடன் சென்று பார்க்க சிறந்த படமாக இருக்கும் என்று ரசிகர்கள் நம்புகின்றனர். அதற்கு ஏற்றார்போல் அண்ணாத்த படத்தின் மோசன் போஸ்டர் வெளியானபோதே நல்ல வரவேற்பு இருந்தது.
அண்ணாத்த படத்தின் டீசர், மற்றும் முதல் நான்கு பாடல்கள் ரசிகர்களிடம் பெரும் வரவேற்பை பெற்றுள்ளது. பாடல்களின் லிரிக்கல் வீடியோக்கள், டீசர் என அனைத்தும் மில்லியன் கணக்கில் பார்வையாளர்களை குவித்துள்ளது. ரஜினி உடன், நயன்தாரா, குஷ்பு, மீனா, கீர்த்தி சுரேஷ் என பெரும் பட்டாளமே நடித்துள்ளதால் அண்ணாத்த மீதான ஈர்ப்பு அதிகரித்துள்ளது.
கொரோனா காலம் என்பதால் இசை வெளியீட்டு விழா இருக்காது என்று ஏற்கெனவே தங்களை தேற்றிக்கொண்ட ரசிகர்கள், அண்ணாத்த படத்தின் டிரெய்லரை எதிர்பார்த்து கத்திருந்தனர். அவர்களுக்கு தீபாவளி போனஸாக நாளை மாலை ஆறு மணிக்கு அண்ணாத்த டிரெய்லர் வெளியாகும் என்று சன் பிக்சர்ஸ் நிறுவனம் அறிவித்துள்ளது. இந்த அறிவிப்பை ரசிகர்கள் தற்போதே சமூக வலைதளங்களில் கொண்டாடத் தொடங்கிவிட்டனர்.
சேனலை கிளிக் செய்து பின்தொடரவும்
