தமிழில் தற்போது முன்னணி கதாநாயகியாக நிலையான இடத்தை பிடித்து விட்ட, நடிகை கீர்த்தி சுரேஷ் பார்வை, பாலிவுட் பக்கம் திரும்பியுள்ளது. முதல் படத்திலேயே முன்னணி நடிகர் அஜய் தேவ்கனுக்கு மனைவியாக நடிக்கிறார். இவரின் இந்த வளர்ச்சி, தமிழ், தெலுங்கு, மலையாளம் என திரையுலகில் நிலையான இடத்தை பிடிக்க போராடி வரும் நடிகைகளை பொறாமை பட வைத்துள்ளது என்றும் கூறலாம்.

இவர் நடிப்பில் கடந்த வருடம் வெளியான 'மகாநடி' படத்தில் இவருடைய அசத்தலான நடிப்பை பார்த்து, பாராட்டாத பிரபலங்களே இல்லை. மேலும் இந்த வருட தேசிய விருது பட்டியலிலும் இப்படம் இடம்பெற்றுள்ளதாக கூறப்படுகிறது.

ஏற்கனவே மகாநடி படத்தில் கீர்த்தி சுரேஷின் நடிப்பை பார்த்து, அவருடைய ரசிகையாக மாறிவிட்டேன் என மறைந்த நடிகை ஸ்ரீதேவியின் மகள், ஜான்வி கூறிய நிலையில்... தற்போது இவருக்கும் ஒரு படி மேலே சென்று, நடிகை ஷ்ரத்தா ஸ்ரீநாத் ப்ரொபோஸ் செய்துள்ளார்.

நடிகை ஷ்ரத்தா ஸ்ரீநாத் அளித்த பேட்டி ஒன்றில், 'மகாநடி'  படத்தை பார்த்த பிறகு கீர்த்தி சுரேஷை மிக பிடித்து விட்டது.  ஐ லவ் யூ கீர்த்தி என கூறியுள்ளார்.