தளபதி விஜய் தற்போது நடித்து வரும் 'பீஸ்ட்' படத்தில் வில்லனாக பிரபல இயக்குனர் செல்வராகவன் இணைந்துள்ளதாக வெளியாகியுள்ள தகவல், ரசிகர்களை இன்ப அதிர்ச்சியில் ஆழ்த்தியுள்ளது.
தளபதி விஜய் தற்போது நடித்து வரும் 'பீஸ்ட்' படத்தில் வில்லனாக பிரபல இயக்குனர் செல்வராகவன் இணைந்துள்ளதாக வெளியாகியுள்ள தகவல், ரசிகர்களை இன்ப அதிர்ச்சியில் ஆழ்த்தியுள்ளது.
தளபதி விஜய் தற்போது இயக்குனர் நெல்சன் திலீப்குமார் இயக்கத்தில் 'பீஸ்ட்' படத்தின் படப்பிடிப்பில் பரபரப்பாக நடித்து வருகிறார். இந்த படத்தில் முதல் முறையாக விஜய்க்கு ஜோடியாக பூஜா ஹெக்டே நடித்து வருகிறார். அனிருத் இசை அமைக்கும் இந்தப் படத்துக்கு மனோஜ் பரமஹம்சா ஒளிப்பதிவு செய்கிறார்.
சன் பிக்சர்ஸ் நிறுவனம் தயாரித்து வரும் இந்த படத்தின் முதற்கட்ட படப்பிடிப்பு ஜார்ஜியாவில் நிறைவடைந்த நிலையில், இரண்டாம் கட்ட படப்பிடிப்பிற்காக சென்னையில் பிரம்மாண்ட செட் அமைத்து படப்பிடிப்பு நடத்தினர். பின்னர் மூன்றாம் கட்ட படப்பிடிப்புக்காக வெளிநாடு செல்ல உள்ளதாக பேச்சு அடிபட்டு வந்த நிலையில், தற்போது மூன்றாம் கட்ட படப்பிடிப்பும், சென்னையில் தான் நடந்து வருகிறது.
அவ்வப்போது இந்த படம் குறித்த சில சுவாரஸ்ய தகவல் வெளியாகி வரும் நிலையில், சமீபத்தில் இந்த படத்தில் பிரபல மலையாள நடிகர் மற்றும் துணை இயக்குனருமான ஷைன் டாம் சாக்கோ இணைந்த தகவல் வெளியானது. இதை தொடர்ந்து, இயக்குனர் என்பதை தாண்டி... 'சாணிக்காகிதம்' படத்தின் மூலம் நடிகராகவும் களமிறங்கியுள்ள செல்வராகவன் 'பீஸ்ட்' படத்தில் விஜய்க்கு வில்லனாக நடிக்க உள்ள தகவல் வெளியாகியுள்ளது. இந்த தகவல் ரசிகர்களுக்கு இன்ப அதிர்ச்சியாக அமைந்துள்ளது.
தன்னுடைய சகோதரரை தனுஷை வைத்து படம் இயக்க ஆயத்தமாகி வந்த செல்வராகவன், தனுஷ் அடுத்தடுத்த படங்களில் நடித்து கொண்டிருப்பதால், தற்போது நடிப்பிலும் இறங்கி தூள் கிளப்பி வருகிறார் என்பது குறிப்பிடத்தக்கது.
