ஆட்டம் ஆரம்பம்... 'ருத்ரதாண்டவம்' படத்தின் ரிலீஸ் தேதி அறிவிப்பு..!!
சமீபத்தில் இயக்குனர் மோகன் இரண்டாவது முறையாக ரிச்சர்டை வைத்து இயக்கியுள்ள 'ருத்ரதாண்டவம்' படத்தின் ட்ரைலர் வெளியாகி மிகப்பெரிய சர்ச்சையை ஏற்படுத்திய நிலையில், தற்போது இந்த படத்தின் ரிலீஸ் தேதி அதிகார பூர்வமாக வெளியிடப்பட்டுள்ளது.
சமீபத்தில் இயக்குனர் மோகன் இரண்டாவது முறையாக ரிச்சர்டை வைத்து இயக்கியுள்ள 'ருத்ரதாண்டவம்' படத்தின் ட்ரைலர் வெளியாகி மிகப்பெரிய சர்ச்சையை ஏற்படுத்திய நிலையில், தற்போது இந்த படத்தின் ரிலீஸ் தேதி அதிகார பூர்வமாக வெளியிடப்பட்டுள்ளது.
இயக்குனர் மோகன்ஜி தன்னுடைய முதல் படமான 'திரௌபதி' படத்தை கிரௌட் பண்டிங் மூலம் இயக்கி இருந்தார். இந்த படத்தில் நாடக காதல் குறித்து இவர் தோலுரித்திருந்தததற்கு சிலர் மத்தியில், எதிர்ப்புகள் கிளம்பினாலும், இந்த படத்திற்கு அமோகமான வரவேற்பு இருந்தது. இந்த படத்தின் வெற்றியை தொடர்ந்து தற்போது, இரண்டாவது படத்தையும் சர்ச்சைக்கு பஞ்சம் இல்லாத விதத்தில் இயக்கியுள்ளார்.
'ருத்ரதாண்டவம்' என பெயரிடப்பட்டுள்ள இந்த படத்தில், தன்னுடைய முதல் பட நாயகனான ரிச்சர்டை தான் மீண்டும் கதாநாயகனாக வைத்து இயக்கியுள்ளார். இந்த படத்தின் ட்ரைலர் சமீபத்தில் வெளியானது. இதில், மத மாற்றம் பற்றி இவர் பேசிய விதம் பெரும் பரபரப்பை ஏற்படுத்தியதோடு மட்டும் இல்லாமல், இயக்குனர் மோகன் ஜி மத கலவரத்தை தூண்டும் வகையில் படம் எடுத்துள்ளதாகவும் அவரை கைது செய்யவேண்டும் என்பது போன்ற கோரிக்கைகளும் எழுந்தது.
ஒரு தரப்பினர் இந்த படத்தை எதிர்த்தாலும், மற்றொரு தரப்பினர் இந்த படத்திற்கு ஆதரவு தெரிவித்தனர். இந்நிலையில் சற்று முன்னர் 'ருத்ரதாண்டவம்' படம் ரிலீஸ் குறித்து இயக்குனர் மோகன்ஜி அதிகார பூர்வமாக அறிவித்துள்ளார். இதுகுறித்து அவர் போட்டுள்ள பதிவில், "திரௌபதி’ தாய் மற்றும் ஈசன் துணையுடன் உலகம் முழுவதும் அக்டோபர் 1 முதல் திரையரங்குகளில் ஆட்டம் ஆரம்பம் என்று மோகன்ஜி தெரிவித்துள்ளார்". இதை தொடர்ந்து இந்த படத்தின் மீதான எதிர்பார்ப்பு அதிகரிக்க செய்துள்ளது.
iஇந்தப் படத்தில், நாயகனாக நடித்திருக்கும் ரிச்சர்டுக்கு ஜோடியாக, குக் வித் கோமாளி நிகழ்ச்சி மூலம் பிரபலமான தர்ஷா குப்தா நடித்துள்ளார், மேலும் ராதாரவி, கருணாஸ் உள்பட பலர் ,முக்கிய கதாபாத்திரத்தில் நடித்துள்ளனர் என்பது குறிப்பிடத்தக்கது.
சேனலை கிளிக் செய்து பின்தொடரவும்
