புஷ்பா 2 ஓடிடி உரிமையை தட்டிதூக்கிய நெட்பிளிக்ஸ் - அதுவும் இத்தனை கோடிக்கா?
அல்லு அர்ஜுனின் 'புஷ்பா 2' படத்தின் OTT உரிமையை நெட்ஃபிளிக்ஸ் நிறுவனம் ஒரு பெரிய தொகைக்கு கைப்பற்றியுள்ளது.
 )
அல்லு அர்ஜுனின் 'புஷ்பா 2' திரைப்படம் வெளியாவதற்கு முன்பே பெரும் எதிர்பார்ப்பை ஏற்படுத்தியுள்ளது. முதல் பாகம் மூன்று ஆண்டுகளுக்கு முன்பு வெளியாகி பாக்ஸ் ஆபிஸில் சூப்பர் ஹிட் ஆனது. முதல் பாகம் உருவாக்கிய ஹைப் காரணமாக நெட்ஃபிளிக்ஸ் நிறுவனம் இரண்டாம் பாகத்தை ஒரு பெரிய தொகைக்கு கைப்பற்றியுள்ளது. ஏற்கனவே வெளியான இரண்டு பாடல்கள் மற்றும் டீசர் ஹிட் அடித்துள்ளன. ஆகஸ்ட் 15 ஆம் தேதி வெளியாக வேண்டிய படம் தள்ளிப்போனது, தாமதமானாலும் ஒரு நல்ல படத்தை கொடுப்போம் என படக்குழுவினர் கூறுகின்றனர். அல்லு அர்ஜுனின் ரசிகர்கள் படத்தின் மீது மிகுந்த எதிர்பார்ப்புடன் உள்ளனர்.
மைத்ரி மூவி மேக்கர்ஸ் நிறுவனம் 400 கோடி பட்ஜெட்டில் படத்தை தயாரித்து வருகிறது. முதல் பாகத்தை விட இந்த படத்திற்கு பல மடங்கு செலவு செய்துள்ளதாக தயாரிப்பு நிறுவனம் தெரிவித்துள்ளது. தென்னிந்திய திரையுலகில் சீக்வல்கள் மிகச் சிறப்பாக செயல்படுகின்றன. 'பாகுபலி' மற்றும் 'கேஜிஎஃப்' படங்களின் முதல் பாகங்கள் பிளாக்பஸ்டர் ஹிட் அடித்ததால், இரண்டாம் பாகத்திற்கான எதிர்பார்ப்பு அதிகமாக இருந்தது. அதற்கேற்ப, சீக்வல்கள் மிகப் பெரிய அளவில் வெளியிடப்பட்டன. 'புஷ்பா' விஷயத்திலும் அதே கணக்குதான் போடப்படுகிறது.
இதையும் படியுங்கள்... நைட் ஷோ மட்டும்தான்; நடுக்கடலில் அமைந்துள்ள விநோதமான சினிமா தியேட்டர் பற்றி தெரியுமா?
புஷ்பா முதல் பாகம் ரூ.350 கோடி வசூலித்து சாதனை படைத்தது. அதன்படி, இரண்டாம் பாகம் பல கோடி பட்ஜெட்டில் தயாராகி, சுமார் ரூ.1000 கோடி வசூல் இலக்குடன் வெளியாக உள்ளது. 'புஷ்பா'-2 டிசம்பர் 6 ஆம் தேதி திரையரங்குகளில் வெளியாக உள்ளது. படத்திற்கு இப்போது சிறந்த டிஜிட்டல் டீல் கிடைத்துள்ளதாம். படத்தின் OTT உரிமத்தை நெட்ஃபிளிக்ஸ் கைப்பற்றியுள்ளது. புஷ்பா சீக்வலின் உரிமையை நெட்ஃபிளிக்ஸ் ரூ.270 கோடிக்கு வாங்கியுள்ளது. இந்திய திரையுலகில் OTT-யில் இவ்வளவு பெரிய தொகைக்கு ஒரு படம் வாங்கப்பட்டது இதுவே முதல்முறை.
புஷ்பா படத்தின் முதல் பாகத்தை அமேசான் பிரைம் வீடியோ கைப்பற்றியிருந்தது. இந்த பாகத்திலும் ரஷ்மிகா மந்தனா கதாநாயகியாக நடிக்கிறார். முந்தைய பாகத்தைப் போலவே, இந்த முறையும் அல்லு அர்ஜுன் மற்றும் பகத் பாசில் இடையேயான சண்டை ரசிகர்களை பரவசப்படுத்தும். 'புஷ்பா'-2' டிசம்பர் 6 ஆம் தேதி திரையரங்குகளில் வெளியாக உள்ளது. படம் வெளியாவதற்கு முன்பே இப்படத்தின் OTT உரிமம் இவ்வளவு பெரிய தொகைக்கு விற்பனையாகி இருப்பதை பார்க்கும் போது, தென்னிந்திய திரையுலகம் நெருக்கடியில் இருப்பதாக கூறப்படுவது உண்மைக்கு புறம்பானது என்பது தெரிகிறது.
இதையும் படியுங்கள்... ரக்கட் லுக்கில்... BMW பைக்கில் அமர்ந்து மிரட்டலாக போஸ் கொடுக்கும் ரட்சிதா மகாலட்சுமி!
சேனலை கிளிக் செய்து பின்தொடரவும்
