Asianet News TamilAsianet News Tamil

அஜீத்,விஜய்,விஜயகாந்த் படங்களின் கேமராமேன் ஷூட்டிங் ஸ்பாட் விபத்தில் பலி...பிரபல நடிகர் படுகாயம்...

படப்பிடிப்பு முடிந்து திரும்பும் வழியில் ஏற்பட்ட பயங்கர கார் விபத்தில் பிரபல திரைப்பட ஒளிப்பதிவாளர் சூப்பர் குட் சிவா காலமானார். அவருடன் பயணம் செய்த குணச்சித்திர நடிகர் தவசி படுகாயமடைந்து மருத்துவமனையில் அனுமதிக்கப்பட்டுள்ளார்.

popular tamil cameraman dies in an accident
Author
Theni, First Published Sep 3, 2019, 9:25 AM IST

படப்பிடிப்பு முடிந்து திரும்பும் வழியில் ஏற்பட்ட பயங்கர கார் விபத்தில் பிரபல திரைப்பட ஒளிப்பதிவாளர் சூப்பர் குட் சிவா காலமானார். அவருடன் பயணம் செய்த குணச்சித்திர நடிகர் தவசி படுகாயமடைந்து மருத்துவமனையில் அனுமதிக்கப்பட்டுள்ளார்.popular tamil cameraman dies in an accident

தேனி மாவட்டம் உத்தமபாளையத்தை அடுத்த கோம்பை மலையடிவார பகுதியில் கடந்த 25 நாட்களாக டி.வி. தொடருக்கான படப்பிடிப்பு நடந்து வருகிறது. இத்தொடரை பிரபல இயக்குநரும் நடிகருமான ராஜ்கபூர் இயக்கிவருகிறார். இதற்காக துணை நடிகர்கள், தொழில்நுட்ப கலைஞர்கள், கேமராமேன் உள்ளிட்டோர் அப்பகுதியில் முகாமிட்டுள்ளனர். நேற்றும் படப்பிடிப்பு நடைபெற இருந்தது.popular tamil cameraman dies in an accident

இதையடுத்து படப்பிடிப்பு முடிந்து அவர்கள் உத்தமபாளையம் நோக்கி கார் மற்றும் ‘கேரவன்’ வாகனத்தில் வந்தனர். இதில் காரை தேனி கோடங்கிப்பட்டியை சேர்ந்த நடிகர் தவசி (வயது 59) என்பவர் ஓட்டினார். இவர் வருத்தப்படாத ’வாலிபர் சங்கம்’, ’கொம்பன்’, ’பருத்திவீரன்’ உள்ளிட்ட படங்களில் நடித்துள்ளார். அவருடன் சென்னை சாலிகிராமத்தை சேர்ந்த கேமராமேன் சிவா (55) வந்தார். மற்றவர்கள் ‘கேரவன்’ வாகனத்தில் பின்னால் வந்தனர்.

கோம்பை இரட்டை புளியமரம் பகுதியில் கார் வந்தது. அப்போது எதிர்பாராதவிதமாக டிரைவரின் கட்டுப்பாட்டை இழந்து தாறுமாறாக கார் ஓடியது. பின்னர் சாலையில் 4 முறை உருண்டு கார் கவிழ்ந்து விபத்துக்குள்ளானது. கண் இமைக்கும் நேரத்தில் நடந்த இந்த விபத்தில் கார் அப்பளம் போல் நொறுங்கியது.இதில் காரில் வந்த சிவா சம்பவ இடத்திலேயே உடல்நசுங்கி பரிதாபமாக இறந்தார். படுகாயங்களுடன் தவசி உயிருக்கு போராடினார். தகவல் அறிந்த போலீசார் சம்பவ இடத்துக்கு விரைந்து வந்து படுகாயம் அடைந்த தவசியை மீட்டு சிகிச்சைக்காக உத்தமபாளையம் அரசு மருத்துவமனைக்கு அனுப்பி வைத்தனர்.popular tamil cameraman dies in an accident

மேலும் பலியான சிவாவின் உடலை கைப்பற்றி பிரேத பரிசோதனைக்காக அனுப்பி வைத்தனர். இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர். விபத்தில் பலியான சிவா, நடிகர்கள் விஜய், அஜித்,விஜயகாந்த், மோகன்லால் உள்ளிட்டோர் நடித்த படங்களில் கேமராமேனாக பணியாற்றி உள்ளார் என்பது குறிப்பிடத்தக்கது. சூப்பர்குட் பிலிம்ஸ் நிறுவனத்தின் நீண்ட கால செல்லப்பிள்ளையாக இருந்த சிவா, முதல் பட இயக்குநர்கள் பலருக்கும் அங்கு கதை சொல்ல வாய்ப்பு வாங்கிக்கொடுத்த புண்ணியவான் என்பது குறிப்பிடத்தக்கது.

Follow Us:
Download App:
  • android
  • ios