Oscars 2022 live updates : முதல் ஆஸ்கர்... கண்கலங்கிய வில் ஸ்மித் - விருது வென்றவர்களின் முழு பட்டியல் இதோ

சியான் ஹிடர் இயக்கத்தில் வெளியான கோடா (Coda) திரைப்படம் சிறந்த திரைப்படத்திற்கான ஆஸ்கர் விருதை வென்றுள்ளது. இது பிரெஞ்ச் படத்தின் ரீமேக் ஆகும்.

தி ஐய்ஸ் ஆஃப் டேமி ஃபே (The Eyes of Tammy Faye) படத்தில் நடித்த நடிகை ஜெசிகா சஸ்டைனுக்கு சிறந்த நடிகைக்கான ஆஸ்கர் விருது வழங்கப்பட்டது.

பிரபல ஹாலிவுட் நடிகர் வில் ஸ்மித் முதன்முறையாக ஆஸ்கர் விருதை வென்றுள்ளார். கிங் ரிச்சர்டு படத்தில் நடித்ததற்காக அவருக்கு சிறந்த நடிகருக்கான ஆஸ்கர் விருது வழங்கப்பட்டது.

கோலாகலமாக நடைபெற்று வரும் ஆஸ்கர் விருது விழாவில் சிறந்த இயக்குனருக்கான விருதை ஜேன் கேம்பியன் வெறுள்ளார். தி பவர் ஆஃப் தி டாக் படத்தை இயக்கியதற்காக அவருக்கு இவ்விருது வழங்கப்பட்டது.

94-வது ஆஸ்கர் விருது விழாவில் இந்தியா சார்பில் போட்டியிட்ட ரைட்டிங் வித் பயர் என்கிற ஆவணத்திரைப்படத்திற்கு விருது கிடைக்கவில்லை. இதன்மூலம் இந்தியாவின் ஆஸ்கர் கனவு தகர்ந்துள்ளது.

ஆஸ்கர் விருது விழாவில் சிறந்த ஆவணத்திரைப்படத்துக்கான விருதை சம்மர் ஆஃப் சோல் (SUMMER OF SOUL) திரைப்படம் வென்றுள்ளது. 

கோலாகலமாக நடைபெற்று வரும் ஆஸ்கர் விருது விழாவில் சிறந்த திரைக்கதைக்கான விருதை கென்னத் பிரானா வென்றுள்ளார். பெல்பாஸ்ட் படத்துக்காக அவருக்கு இந்த விருது வழங்கப்பட்டது.

94-வது ஆஸ்கர் விருது விழாவில் சிறந்த தழுவல் திரைக்கதைக்கான விருதை சியான் ஹெடெர் வென்றுள்ளார். கோடா படத்துக்காக அவருக்கு இந்த விருது வழங்கப்பட்டு உள்ளது.

டெனிஸ் விலேனுவே இயக்கிய டியூன் (Dune) திரைப்படம் 6 ஆஸ்கர் விருதுகளை வென்றுள்ளது. இதில் இந்தியர் ஒருவரும் ஆஸ்கர் வென்றுள்ளார். அவர் பெயர் நமித் மல்கோத்ரா. இவர் டியூன் படத்தில் விஷுவல் எஃபெக்ட்ஸ் பணிகளை மேற்கொண்டார். அதற்காக அவருக்கு ஆஸ்கர் விருது வழங்கப்பட்டு உள்ளது. 

கோலாகலமாக நடைபெற்று வரும் ஆஸ்கர் விருது விழாவில் சிறந்த ஆடை வடிவமைப்பாளருக்கான விருதை ஜென்னி பீவன் வென்றுள்ளார். க்ருயெல்லா (Cruella) படத்துக்காக அவருக்கு இந்த விருது கிடைத்தது.

அனேல் கரியா இயக்கிய ‘தி லாங் குட்பாய்’ (The Long Goodbye) குறும்படம், சிறந்த லைவ் ஆக்‌ஷன் குறும்படத்துக்கான ஆஸ்கர் விருதை வென்று அசத்தி உள்ளது.

94-வது ஆஸ்கர் விருது விழாவில் சிறந்த வெளிநாட்டு திரைப்படத்துக்கான விருதை ‘டிரைவ் மை கார்’ (Drive My Car) திரைப்படம் வென்றுள்ளது. ஜப்பான் நாட்டு திரைப்படமான இதனை யுசுக் ஹமாகுச்சி (ryusuke hamaguchi) என்பவர் இயக்கி இருந்தார்.

சியான் ஹிடர் இயக்கிய கோடா (CODA) திரைப்படத்தில் நடித்த நடிகர் ட்ராய் கோட்சருக்கு சிறந்த துணை நடிகருக்கான ஆஸ்கர் விருது வழங்கப்பட்டது.

94-வது ஆஸ்கர் விருது விழாவில் சிறந்த அனிமேஷன் குறும்படத்துக்கான விருதை ‘தி விண்ட்ஷீல்டு வைப்பர்’ (THE WINDSHIELD WIPER) திரைப்படம் வென்றுள்ளது.

சிறந்த முழு நீள அனிமேஷன் திரைப்படத்துக்கான ஆஸ்கர் விருதை என்கேண்டோ (Encanto) திரைப்படம் வென்றுள்ளது.

டெனிஸ் விலேனுவே இயக்கிய டியூன் (Dune) திரைப்படம் இதுவரை 6 ஆஸ்கர் விருதுகளை வென்று அசத்தி உள்ளது. சிறந்த ஒளிப்பதிவு, சிறந்த விஷுவல் எஃபெக்ட்ஸ், சிறந்த ஒலிப்பதிவு, சிறந்த தயாரிப்பு வடிவமைப்பு, சிறந்த பின்னணி இசை, சிறந்த படத்தொகுப்பு ஆகிய 6 பிரிவுகளில் இப்படத்துக்கு ஆஸ்கர் விருது வழங்கப்பட்டு உள்ளது. 

கோலாகலமாக நடைபெற்று வரும் ஆஸ்கர் விருது விழாவில் சிறந்த ஆவணக் குறும்படத்துக்கான விருதை ‘தி குயின் ஆஃப் பேஸ்கட் பால்’ (THE QUEEN OF BASKETBALL) என்கிற குறும்படம் வென்றுள்ளது.

94-வது ஆஸ்கர் விருது விழாவில் சிறந்த துணை நடிகைக்கான விருதை நடிகை அரியானா டிபோஸ் தட்டிச் சென்றார். வெஸ்ட் சைடு ஸ்டோரி (West Side Story) திரைப்படத்தில் நடித்ததற்காக அவருக்கு இந்த விருது வழங்கப்பட்டது.

டெனிஸ் விலேனுவே இயக்கிய டியூன் (Dune) திரைப்படம் இதுவரை 4 ஆஸ்கர் விருதுகளை வென்று அசத்தி உள்ளது. சிறந்த ஒலிப்பதிவு, சிறந்த தயாரிப்பு வடிவமைப்பு, சிறந்த பின்னணி இசை, சிறந்த படத்தொகுப்பு ஆகிய 4 பிரிவுகளில் இப்படத்துக்கு ஆஸ்கர் விருது அறிவிக்கப்பட்டு உள்ளது.

ஆஸ்கர் விருது விழாவை இந்த ஆண்டு 3 பெண் தொகுப்பாளர்கள் தொகுத்து வழங்கி வருகின்றனர். ஆஸ்கர் விருது விழா கடந்த 4 வருடங்களாக தொகுப்பாளர்கள் இன்றி நடத்தப்பட்டு வந்த நிலையில், இந்த ஆண்டு வாண்டா சைக்ஸ் , ஏமி ஸ்கூமர் , ரெஜினா ஹால் ஆகியோர் தொகுத்து வழங்கி வருகின்றனர். ஆஸ்கர் விருது விழாவை மூன்று பெண்கள் தொகுத்து வழங்குவது இதுவே முதன்முறை.