விஜய் டிவியில் ஒளிபரப்பாகி வரும் அணைத்து தொடர்களுக்கும் ரசிகர்கள் மத்தியில் நல்ல வரவேற்பு கிடைத்து வருகிறது. குறிப்பாக, அண்ணன், தம்பிகளின் பாசத்தை மையமாக வைத்து ஒளிபரப்பாககும் ‘பாண்டியன் ஸ்டோர்ஸ்’ தொடர் இல்லத்தரசிகளின் ஃபேவரட்.  கூட்டுக் குடும்பத்தின் ஒற்றுமையை இந்த சீரியலில் பார்க்கலாம். 

இந்த சீரியலில் நடிகர் ஸ்டாலின், மூத்த அண்ணனாக நடிக்கிறார். அண்ணி வேடத்தில் சுஜிதா நடித்து வருகிறார். மேலும் வி.ஜே.சித்ரா, குமரன், ஹேமா உள்ளிட்ட பலர் முக்கிய கதாபாத்திரங்களில் நடித்து வருகிறார்கள்.

வழக்கமாக மற்ற சீரியல்களில் இருப்பது போல, வில்லி, போலீஸ், கொலை, அழுகை என இல்லாமல் இருப்பது தான் இந்த சீரியலின் பலம் என்றே கூறலாம். இந்நிலையில் தற்போது வெளியாகியுள்ள தகவலை படி இந்த சீரியலில் புதிதாக ஒரு நடிகை இணைய உள்ளதாக கூறப்படுகிறது. 

ஏற்கனவே விஜய் டிவியில் ஒளிபரப்பான, ராஜா ராணி சீரியலில் நடித்து பிரபலமான வைஷாலி தான் தற்போது, பாண்டியன் ஸ்டோர் சீரியலில் நடிக்க உள்ளார். ஆனால் எந்த மாதிரியான கதாபாத்திரத்தில் நடிக்க உள்ளார் என்கிற தகவல் இதுவரை வெளியாகவில்லை என்பது குறிப்பிடத்தக்கது. இவர் ஏற்கனவே ஒரு சில படங்களில் சிறிய சிறிய வேடங்களிலும் நடித்துள்ளார்.