நடிகை மஹிமா நம்பியாருக்கு கிடைத்த விருது..! குவியும் பிரபலங்கள் வாழ்த்து..!
நடிகர் ஆர்யா நடிப்பில் வெளியான 'மகாமுனி' படம் மாட்ரிட் சர்வதேச விருது விழாவில் கலந்து கொண்ட நிலையில், 5 விருதுகளின் கீழ் பரிந்துரை செய்யப்பட்டதோடு, சிறந்த துணை நடிகைக்கான விருதையும் வென்றுள்ளது.
நடிகர் ஆர்யா நடிப்பில் வெளியான 'மகாமுனி' படம் மாட்ரிட் சர்வதேச விருது விழாவில் கலந்து கொண்ட நிலையில், 5 விருதுகளின் கீழ் பரிந்துரை செய்யப்பட்டதோடு, சிறந்த துணை நடிகைக்கான விருதையும் வென்றுள்ளது.
இயக்குனர் சாந்தகுமார், இயக்கத்தில் வெளியாகி ஆர்யாவுக்கு மிகப்பெரிய வெற்றியை பெற்று தந்த திரைப்படம் 'மகாமுனி'. ஆர்யா முதல் இந்த படத்தில் நடித்திருந்த அனைவருமே தங்களது சிறப்பான நடிப்பை வெளிப்படுத்தி இருந்தனர். இந்நிலையில் இந்த படத்திற்கு மாட்ரிட் சர்வதேச விழாவில் விருது கிடைத்துள்ளதற்கு பிரபலங்கள் முதல் ரசிகர்கள் வரை அனைவருமே தங்களது வாழ்த்துக்களை தெரிவித்து வருகிறார்கள்.
அந்த வகையில் தற்போது சிறந்த துணை நடிகைக்கான விருது, நடிகை மஹிமா நம்பியாருக்கு கிடைத்துள்ளது. இப்படத்தில் தீபா என்கிற கதாபாத்திரத்தில் மஹிமா, தன்னுடைய அசத்தலான நடிப்பை வெளிப்படுத்தி இருந்தார். மேலும் இன்னும் 'மகாமுனி' திரைப்படம் 5 விருதுக்காக பரிந்துரை செய்யப்பட்டுள்ளது குறிப்பிடத்தக்கது.
மஹிமா நம்பியாருக்கு துணை நடிகைக்கான விருது அறிவிக்கப்பட்ட பின்னர் இதுகுறித்து தனது சமூக வலைதளப் பக்கத்தில் மேட்ரிட் சர்வதேச திரைப்பட விழாவில் பங்கு பெற்ற ’மகாமுனி’ திரைப்படத்திற்காக சிறந்த துணை நடிகை விருது கிடைத்தது அறிந்து எனக்கு வார்த்தையே வரவில்லை என தன்னுடைய மகிழ்ச்சியை வெளிப்படுத்தியுள்ளார். இது மிகப்பெரிய சந்தோசமாக என்றும், நான் முதலில் இயக்குனர் சாந்தகுமார் அவர்களுக்கு தான் நன்றி சொல்லவேண்டும்’ என்று தெரிவித்துள்ளார். இதை தொடர்ந்து மகிமா நம்பியாருக்கு திரியுலகை சேர்ந்த ஆர்யா உள்ளிட்ட பல பிரபலங்களும் ரசிகர்களும் தங்களது வாழ்த்துக்களை தெரிவித்து வருகிறார்கள்.
சேனலை கிளிக் செய்து பின்தொடரவும்
