நடிகர் தனுஷ் நடிப்பில் உருவாகி வரும் ‘குபேரா’ திரைப்படத்தின் இசை வெளியீட்டு விழா தேதியை படக்குழுவினர் அதிகாரப்பூர்வமாக அறிவித்துள்ளனர்.
தனுஷின் 51-வது திரைப்படம்
சேகர் கம்முலா இயக்கத்தில், நடிகர் தனுஷ் நடித்து வரும் திரைப்படம் ‘குபேரா’ இது தனுஷின் 51-வது திரைப்படமாகும். ஸ்ரீ வெங்கடேஸ்வரா சினிமாஸ் தயாரித்துள்ள இந்த படம் தமிழ், தெலுங்கு ,ஹிந்தி என மூன்று மொழிகளில் உருவாகி வருகிறது.
ஜூன் 20-ம் தேதி வெளியாகிறது ‘குபேரா’ திரைப்படம்
இந்தப் படத்தில் தனுஷுக்கு ஜோடியாக கதாநாயகியாக ராஷ்மிகா மந்தனா நடித்துள்ளார். தெலுங்கு திரையுலகின் முன்னணி நடிகராக இருக்கும் நாகார்ஜூனா முக்கிய கதாபாத்திரத்தில் நடித்துள்ளார். படத்திற்கு தேவி ஸ்ரீ பிரசாத் இசையமைத்துள்ளார். படம் வருகிற ஜூன் 20-ம் தேதி வெளியாகும் என ஏற்கனவே அறிவிக்கப்பட்டுள்ளது.
‘குபேரா’ இசை வெளியீட்டு விழா தேதி அறிவிப்பு
படத்தின் இசை வெளியீட்டு விழா தேதியை ரசிகர்கள் எதிர்பார்த்து காத்திருந்த நிலையில், ஜூன் 1-ம் தேதி சென்னை ஸ்ரீ சாய்ராம் இன்ஸ்டிட்யூட் ஆஃப் டெக்னாலஜி வளாகத்தில் இசை வெளியீட்டு விழா நடைபெறும் என படக் குழுவினர் அதிகாரப்பூர்வ அறிவிப்பை வெளியிட்டுள்ளனர்.
