Asianet News Tamil

'கர்ணன்' படத்தின் சென்சார் தகவலை வெளியிட்ட தயாரிப்பாளர் தாணு!

நடிகர் தனுஷ் நடித்து முடித்துள்ள 'கர்ணன்' திரைப்படம் ஏப்ரல் 9 ஆம் தேதி வெளியாகவுள்ள நிலையில், இந்த படத்தின் சென்சார் சான்றிதழ் குறித்த விவரம் தற்போது வெளியாகியுள்ளது.
 

karnan movie censor details released
Author
Chennai, First Published Apr 2, 2021, 2:37 PM IST
  • Facebook
  • Twitter
  • Whatsapp

நடிகர் தனுஷ் நடித்து முடித்துள்ள 'கர்ணன்' திரைப்படம் ஏப்ரல் 9 ஆம் தேதி வெளியாகவுள்ள நிலையில், இந்த படத்தின் சென்சார் சான்றிதழ் குறித்த விவரம் தற்போது வெளியாகியுள்ளது.

இயக்குனர் மாரி செல்வராஜ் இயக்கத்தில், தனுஷ் நடித்திருக்கும் திரைப்படம் 'கர்ணன்'.  ஏப்ரல் 9ஆம் தேதி ரிலீசாக இருக்கும் இந்த படத்தின் புரமோஷன் பணிகள் விறுவிறுப்பாக நடந்து வருகிறது. இந்த படத்தின் மீதான எதிர்பார்ப்புகளை அதிகரிக்கும் விதமாக, இதுவரை 'கண்டா வரச்சொல்லுடா', 'பண்டாரத்தி புராணம்', மற்றும் 'திரௌபதி முத்தம்' ஆகிய மூன்று பாடல்கள் வெளியாகி ரசிகர்கள் மத்தியில் நல்ல வரவேற்பை பெற்றது. 

இதை தொடர்ந்து சமீபத்தில் வெளியான இந்த படத்தின், டீசர் ஒரே நாளில் மில்லியன் பார்வையாளர்களுக்கும் மேல் பார்க்கப்பட்டு சாதனை படைத்தது.

கர்ணன் பட டீசர்... உழைக்கும் வர்கத்தின் கதை என்பது இந்த படத்தை டீசரில் இருந்த தெரிந்தது . டீசரின் துவக்கத்திலேயே, பருந்து ஒன்று கோழி குஞ்சுகளை தூக்கி செல்வது போல் காட்டப்படுகிறது. இதுவே இந்த படம் குறித்த பல யுகங்களை வெளிப்படுத்தும் விதத்தில் உள்ளது. கண்ணீர் மல்க அமர்ந்திருக்கும் மக்கள்... தனுஷ் குதிரையில் கையில் வாலுடன் கொடுக்கும் என்ட்ரி வேற லெவலில் இருந்தது. மக்களும் ஒருத்தனையும் விடாத கர்ணா... அடிச்சி துரத்து என கூறி ஆக்ரோஷத்தை வெளிப்படுத்தினர்.

இந்நிலையில் இந்த படம் வெளியாக ஒரு வாரமே உள்ள நிலையில், தயாரிப்பாளர் தாணு, படத்தின் சென்சார் தகவலை வெளியிட்டுள்ளார். கர்ணன் படத்திற்கு யு/ஏ சான்றிதழ் வழங்கப்பட்டுள்ளது. 

இயக்குனர் மாறி செல்வராஜ் இயக்கத்தில் ஏற்கனவே வெளியான, பரியேறும் பெருமாள் திரைப்படம் போல் இந்த படமும் சமூக ரீதியான பிரச்னையை கூற வருகிறது. வித்தியாசமான கதைக்களத்தில் உருவாகியுள்ள இந்த அப்படத்தில், இதில் லால், ராஜிஷா விஜயன், யோகி பாபு, லட்சுமி ப்ரியா உள்ளிட்ட பலர் முக்கிய கதாபாத்திரத்தில் நடித்துள்ளனர். கலைப்புலி எஸ்.தாணு தயாரிக்கும் இந்தப் படத்துக்கு சந்தோஷ் நாராயணன் இசையமைத்துள்ளார் என்பது குறிப்பிடத்தக்கது.

Follow Us:
Download App:
  • android
  • ios