உலகநாயகனின் ரீல் மகளுக்கு கொரோனா..! அதிர்ச்சியில் ரசிகர்கள்!
இந்தியாவில் மீண்டும் கோரமுகத்தை காட்டி, மக்களை அச்சுறுத்தி வருகிறது கொரோனா. மேலும், பாலிவுட், கோலிவுட், டோலிவுட் என தென்னிந்திய திரையுலகை சேர்ந்த பிரபலங்கள் அடுத்தடுத்து கொரோனாவால்பாதிக்கப்பட்டு வருகின்றனர்.
இந்தியாவில் மீண்டும் கோரமுகத்தை காட்டி, மக்களை அச்சுறுத்தி வருகிறது கொரோனா. மேலும், பாலிவுட், கோலிவுட், டோலிவுட் என தென்னிந்திய திரையுலகை சேர்ந்த பிரபலங்கள் அடுத்தடுத்து கொரோனாவால்பாதிக்கப்பட்டு வருகின்றனர். அந்த வகையில் தற்போது தெலுங்கு திரையுலகில் முன்னணி நடிகையாகவும், 'பாபநாசம்' படத்தில் கமலுக்கு மகளாகவும், 'தர்பார்' படத்தில் ரஜினிக்கு மகளாகவும் நடித்த நிவேதா தாமஸ் கொரோனாவால் பாதிக்கப்பட்டுள்ளார்.
இரண்டாவது முறையாக தன்னுடைய கோரத்தாண்டவத்தை துவங்கியுள்ள கொரோனாவின் பிடியில் இதுவரை, ரன்பீர் கபூர், அமீர் கான், ஆலியா பட், மாதவன், இயக்குனர் லோகேஷ் கனகராஜ், கௌரி கிஷன், என அடுத்தடுத்து பல பிரபலங்கள் பாதிக்க பட்டு வருகிறார்கள். அனைவருக்குமே பெரிய அளவில் பாதிப்புகள் இல்லை என்றாலும் மருத்துவர்களின் அறிவுத்தல்படி சிகிச்சை பெற்று வருவதாகவும் தெரிவித்துள்ளனர்.
இந்நிலையில் தற்போது நடிகை நிவேதா தாமஸும் கொரோனா தொற்றால் பாதிக்கப்பட்டுள்ளதாக தெரிவித்துள்ளார். குழந்தை நட்சத்திரமாக தமிழில் ஒளிபரப்பான ராஜ ராஜேஸ்வரி, மை டியர் பூதம் போன்ற சீரியல்களால் பிரபலமான இவர், தற்போது தெலுங்கு திரையுலகில், முன்னணி நாயகியாக வலம் வரும் நிலையிலும், கோலிவுட் திரையுலகில் ஹீரோயினாக நிலைக்க முடியவில்லை. எனினும் அவ்வப்போது, முன்னணி நடிகர்களின் தங்கை, ரஜினி மற்றும் கமல் ஆகியோரின் மகள் போன்ற கதாபாத்திரங்களை தேர்வு செய்து நடித்து வருகிறார்.
தற்போது இவர் தனக்கு கொரோனா பாதிப்பு ஏற்பட்டு, வீட்டில் தனிமையில் இருப்பதாகவும்... மருத்துவர்களின் அறிவுரை படி மருந்து மாத்திரைகள் எடுத்து கொண்டு நலமுடன் உள்ளதாக தெரிவித்துள்ளார். மேலும் ரசிகர்கள் மற்றும் மருத்துவர்களுக்கு நன்றி தெரிவித்ததோடு மட்டும் இன்றி, வெளியில் செல்லும் போது அனைவரும் மாஸ்க் அணிவது கட்டாயம் என தெரிவித்துள்ளார்.
சேனலை கிளிக் செய்து பின்தொடரவும்
