Kamal Surprises Fans: நேரலையில் சர்ப்ரைஸ் விசிட் அடித்த கமல்..!நம்பவே முடியல, கண்ணீர் விட்டு அழுத ரசிகர்கள்...
Kamal Haasan Surprises Fans video: கமல் நடிப்பில் ஜூன் 3-ந் தேதி 'விக்ரம்' படம் வெளியாக இருப்பதால், தற்போது ரசிகர்களை சர்ப்ரைசாக கமல் சந்திக்கும் வீடியோ இணையத்தில் வெளியாகி வைரலாகி வருகிறது.
கமல் நடிப்பில் ஜூன் 3-ந் தேதி 'விக்ரம்' படம் வெளியாக இருப்பதால், தற்போது ரசிகர்களை சர்ப்ரைசாக கமல் சந்திக்கும் வீடியோ இணையத்தில் வெளியாகி வைரலாகி வருகிறது.
நட்சத்திர பட்டாளங்கள்:
கைதி, மாஸ்டர் பட இயக்குநர் லோகேஷ் கனகராஜ் இயக்கத்தில் கமல்ஹாசன், விஜய் சேதுபதி, பகத் பாசில், நரேன், காளிதாஸ் ஜெயராம், காயத்ரி, சூர்யா என மிகப்பெரிய நட்சத்திர பட்டாளமே நடித்துள்ள படம் விக்ரம். இந்த திரைப்படம் வருகிற ஜூன் 3-ந் தேதி திரையரங்குகளில் ரிலீசாக உள்ளது. கடந்த 4 ஆண்டுகள் கழித்து நடிகர் கமல்ஹாசனை திரையில் காணப்போகிறோம் என்ற உற்சாகத்தில் இருக்கின்றனர் அவரது ரசிகர்கள்.
படம் ரிலீஸ்
இப்படத்தில் சூர்யா கவுரவ வேடத்தில் நடித்துள்ளார். ராஜ்கமல் ஃபிலிம்ஸ் இன்டர்நேஷ்னல் நிறுவனம் தயாரித்துள்ள இப்படத்திற்கு அனிருத் இசையமைத்துள்ளார். அனிருத் இசையில், கிரீஷ் கங்காதரன் ஒளிப்பதிவு செய்துள்ளனர். மேலும், இப்படத்தின் வெளியீட்டு உரிமையை உதயநிதியின் ரெட் ஜெயண்ட் மூவீஸ் நிறுவனம் கைப்பற்றி உள்ளது.
படத்தின் புரமோஷன் பணிககள்:
ரிலீசுக்கு இன்னும் இரண்டு வாரங்களே எஞ்சி உள்ளதால் படத்தின் புரமோஷன் பணிகளும் விறுவிறுப்பாக படக்குழு இறங்கியுள்ளது. அந்தவகையில் 'சோனி மியூசிக்' சார்பில் ஃபேன் பாய் மொமென்ட் வீடியோ ஒன்றை படக்குழு வெளியிட்டுள்ளது.
கமல்ஹாசன் சர்ப்ரைஸ் விசிட்:
அந்த வீடியோவில் நடிகர் கமல்ஹாசனின் தீவிர ரசிகர்கள் சிலர், அவரை பிடிப்பதற்கான காரணங்கள் குறித்து பேசிக் கொண்டிருக்கின்றனர். அதில் அவரை ஒரு முறையாவது பார்த்து விட மாட்டோமா என்று ரசிகர்கள் விருப்பம் தெரிவித்து உள்ளனர். அப்போது அவர்கள் சற்றும் எதிர்பார்க்காத வகையில், கமல் அவர்களுக்கு பின்னால் வந்து நின்று சர்ப்ரைஸ் கொடுக்கிறார்.
கண் கலங்கிய ரசிகர்கள்:
அவரை பார்த்த அதிர்ச்சியில் ரசிகர்கள் கண்கலங்கியுள்ளனர். தற்போது இந்த வீடியோ சமூக வலைத்தளங்களில் வைரலாகி வருகிறது. மேலும், மறைந்த கன்னட சூப்பர் ஸ்டார் புனித் ராஜ்குமார் இதேபோன்று ரசிகர்களை சந்தித்து இன்ப அதிர்ச்சி கொடுத்த வீடியோ அண்மையில் வைரலானது குறிப்பிடத்தக்கது.