ஒல்லியாக மாறுவது எப்படி? ஐடியா கொடுத்த கலா மாஸ்டர்!
வெள்ளித்திரையில் மின்னும் பல பிரபலங்களுக்கு நடன குருவாக விளங்குபவர் நடன இயக்குனர் கலா. இவர் சிறு வயதில் இருந்தே மிகவும் ஒல்லியாக இருந்தவர். ஆனால் கடந்த 10 ஆண்டுகளில் திடீர் என தைராய்டு உள்ளிட்ட ஒரு சில பிரச்சனைகளால் குண்டாக மாறினார்.
இப்போது மீண்டும் தன்னுடைய உடல் எடையை கணிசமாகக் குறைத்து ஆளே அடையாளம் தெரியாத அளவிற்கு மாறியுள்ளார். இதானால் இவரைப் பார்த்தவர்கள் பலர் கலா மாஸ்டருக்கு உடல் நலம் சரி இல்லையா என்று கூட தொலைபேசியில் தொடர்பு கொண்டு விசாரித்தனர் என்று கூறப்படுகிறது.
உண்மையில் கலா மாஸ்டர் ஒல்லியாக மாற காரணம் அவர் எடுத்துக்கொண்ட டயட் தானாம். இது குறித்து தற்போது கலா மாஸ்டர் கூறியிருப்பது....
12 வயதில் இருந்து சினிமாவில் ஓய்வில்லாமல் இரவு பகலாக உழைச்சேன், ஒரு நாள் கூட சரியான நேரத்திற்கு உணவு எடுத்துக்கொண்டது இல்லை. பல பிரபலங்களும் என்னை ஒல்லிக் குச்சி கலா என்று தான் கூப்பிடுவார்கள். இதன் விளைவு தைராய்டு மற்றும் உடல் எடை கூடியது.
உடல் பருமனால், முதுகு வலி, மூட்டு வலியால் அவதிப்பட்டு வந்தேன் இதனால் டயடிசியன் உதவியோடு டயட்டை முறையான கடைபிடிக்க துவங்கினேன். தற்போது 76 கிலோவில் இருந்து 59 கிலோவாக குறைத்து விட்டேன்.
முதல் நாலு வாரம் எந்த திட உணவும் எடுத்துக்கொள்ள வில்லை, ஜூஸ் மற்றும் திரவ உணவு மட்டுமே எடுத்துக்கொண்டேன். மேலும் யோகா, நடைப் பயிற்சி, ஹெவி உடல்பயிற்சி செய்யத் துவங்கினேன் இப்போது உடல் எடை குறைத்து புத்துணர்ச்சியாக உணர்கிறேன் என கூறியுள்ளார்.
உடல் எடையைக் குறைக்க விரும்புபவர்கள் கண்டிப்பாக ஒரு டயடிசியனை சந்தித்து உங்களுக்கு ஏற்றது போல் உணவு முறையைக் கடைபிடிக்க வேண்டும் என்று கூறியுள்ளார் கலா மாஸ்டர்.
சேனலை கிளிக் செய்து பின்தொடரவும்
