திருமணமான இளம் நடிகரின் வீட்டுக்கு திடீர் விசிட்... ஊரடங்கிலும் முதல்வர் கொடுத்த சர்ப்ரைஸ்
முழு ஊரடங்கு நாளிலும் தன்னை நேரில் வந்து வாழ்த்திய முதல்வர் மு.க.ஸ்டாலினுக்கு நடிகர் வெற்றி, தனது நன்றிகளை தெரிவித்துக் கொண்டார்.
தமிழ் சினிமாவில் கவனிக்கத்தக்க இளம் நடிகர்களில் ஒருவர் வெற்றி. 8 தோட்டாக்கள், ஜீவி, கேர் ஆஃப் காதல், வனம் என தொடர்ந்து வித்தியாசமான கதையம்சம் கொண்ட படங்களை தேர்ந்தெடுத்து நடித்து அசத்தி வருகிறார். இதுதவிர மெமரீஸ், தீங்கிரை, ஜோதி, பம்பர் போன்ற படங்களை கைவசம் வைத்துள்ளார். இதில் பம்பர் படத்தில் வெற்றிக்கு ஜோடியாக பிக்பாஸ் பிரபலம் ஷிவானி நடிக்கிறார்.
கடந்த சில தினங்களுக்கு முன்னர் நடிகர் வெற்றிக்கு பிரியா என்பவருடன் திருமணம் நடந்தது. கொரோனா அச்சுறுத்தல் காரணமாக குடும்பத்தினர் மற்றும் நெருங்கிய நண்பர்கள் மட்டுமே இவர்களது திருமணத்தில் கலந்துகொண்டனர். இதையடுத்து இவரது திருமண புகைப்படம் சமூக வலைதளங்களில் வெளியாகி வைரலானது. திரைப்பிரபலங்கள் மற்றும் ரசிகர்கள் சமூக வலைதளம் வாயிலாக வாழ்த்துக்களை தெரிவித்து வந்தனர்.
இந்நிலையில் நடிகர் வெற்றி - பிரியா தம்பதிக்கு முதல்வர் மு.க.ஸ்டாலின் இன்று நேரில் சென்று திருமண வாழ்த்துக்களை தெரிவித்துள்ளார். செடிகள் நிறைந்த பசுமை கூடையையும் பரிசாக வழங்கினார். முழு ஊரடங்கு நாளிலும் தன்னை நேரில் வந்து வாழ்த்திய முதல்வருக்கு நடிகர் வெற்றி நன்றிகளை தெரிவித்துக் கொண்டார். இந்த நிகழ்வின் போது முதல்வருடன் அமைச்சர் துரைமுருகன் மற்றும் திமுக நிர்வாகிகள் உடன் இருந்தனர்.
சேனலை கிளிக் செய்து பின்தொடரவும்
