பிக்பாஸ் வீட்டில் மீராமிதுன் மீது தான் இப்போது அனைத்து போட்டியாளர்களின் முதல் டார்கெட். இவர் எது செய்தாலும் அது தப்பாகவே முடிகிறது. நேற்றைய நிகழ்ச்சியில் மீராமிதுன் செய்த முரண்பாடுகளால் பிக்பாஸ் வீட்டில் உள்ள அனைத்து போட்டியாளர்களும் அவர் மீது தங்களது அதிருப்தியை வெளிப்படுத்தி வருகிறார்கள்.

இந்த நிலையில் இன்று வெளியாகியுள்ள முதல் புரமோ வீடியோவில் பிக் பாஸ் வீட்டில் 'நீயா நானா' நிகழ்ச்சி நடைபெறுகிறது.  கோபிநாத் இடத்தில் இருந்து, இந்த நிகழ்ச்சியை தொகுத்து வழங்குகிறார் மீராமிதுன்.

இவர்களுக்கு கொடுக்கப்பட்ட டைட்டில் என்னவென்றால், பிக்பாஸ் வீட்டில் உள்ள கிளீனிங் டீம் கடமையுணர்வுடன் வேலை செய்கிறார்களா? அல்லது பாசாங்கு செய்கிறார்களா? என்பது தான். 

பாசாங்கு செய்யவில்லை என தர்ஷன் தரப்பினரும், பாசாங்கு செய்வதாக சரவணன் தரப்பினரும் இரண்டு குழுக்களாக பிரிந்து வாதாடுகின்றனர். மேலும் மீராவை கேலி செய்வது போல் அனைவரும் கத்தி, தங்களுடைய கருத்தை முன் வைக்கிறார்கள். இரண்டு தரப்பினரையும் சமரசம் செய்ய முயாமல் தவிக்கிறார் மீரா. இந்த ப்ரோமோ தற்போது வெளியாகியுள்ளது.