காஞ்சனா 3: பத்து வருடங்களுக்குப்பின் லாரன்ஸுடன் இணைந்த 'முனி' நடிகை!
Actress Vedhika Oppsite Pair with Raghava Lawrence for Kanchana 3
2007-ம் ஆண்டு ராகவா லாரன்ஸ், ராஜ்கிரண், கோவை சரளா, வேதிகா ஆகியோர் நடிப்பில் வெளியான படம் முனி. லாரன்ஸ் இயக்கத்தில் வெளியான இப்படம் ரசிகர்களிடம் சுமாரான வரவேற்பையே பெற்றது.
எனினும் இதன் தொடர்ச்சியாக வெளியான காஞ்சனா, காஞ்சனா 2 படங்கள் ரசிகர்களிடம் மிகப்பெரிய வரவேற்பைப் பெற்று வசூலை வாரிக்குவித்தன. மாறுதல் வேண்டி லாரன்ஸ் நடித்த சிவலிங்கா, மொட்ட சிவா கெட்ட சிவா படங்களுக்கு ரசிகர்களிடம் வரவேற்பில்லை.
இதனால் தனது பேய் பார்முலாவை மீண்டும் கையில் எடுத்த லாரன்ஸ் அதற்கு காஞ்சனா 3 என பெயர் சூட்டியிருக்கிறார். பிக்பாஸில் கலந்து கொண்டு ரசிகர்களின் டார்லிங்காக மாறிய ஓவியா இப்படத்தில் நாயகியாக நடிக்க, மற்றொரு நாயகியாக வேதிகாவும் ஒப்பந்தம்
செய்யப்பட்டிருக்கிறார்.
இதன்மூலம் 10 வருடங்களுக்குப்பின் லாரன்ஸ்-வேதிகா இணைந்து நடிப்பது குறிப்பிடத்தக்கது.
சேனலை கிளிக் செய்து பின்தொடரவும்Last Updated Sep 19, 2018, 1:16 AM IST
