Marakkuma Nenjam Teaser : பிரபல சின்னத்திரை நடிகர்கள் ரக்ஷன் மற்றும் தீணா இணைந்து நடித்துள்ள மறக்குமா நெஞ்சம் என்ற படத்தின் டீசர் இப்பொது வெளியாகியுள்ளது.
சென்னையில் பிறந்து பிரபல தொழில்காட்சியில் தொகுப்பாளராக தனது கலை பயணத்தை தொடங்கியவர் தான் ரக்சன். அதன் பிறகு விஜய் டிவியில் கலக்கப்போவது யாரு நிகழ்ச்சியின் சீசன் 5ல் தொகுப்பாளராக களம் இறங்கி மக்கள் மனதில் மிகப்பெரிய வரவேற்பு பெற்றார் அவர். அதனை தொடர்ந்து கலக்கப்போவது யாரு நிகழ்ச்சியின் ஆறாவது சீசன் மற்றும் ஏழாவது சீசனில் இவர்தான் தொகுப்பாளராக இருந்தார்.
பிறகு விஜய் டிவியில் ஒளிபரப்பான பல ரியாலிட்டி ஷோக்களிலும், நிகழ்ச்சிகளிலும் தொகுப்பாளராக இருந்து மக்களின் மனங்களை கவர்ந்து வந்த ரக்சன் அவர்கள் கடந்த 2020 ஆண்டு வெளியான தேசிங்கு பெரியசாமியின் "கண்ணும் கண்ணும் கொள்ளையடித்தால்" என்ற திரைப்படத்தில் துல்கர் அவர்களுடைய நண்பராக நடித்து மிகப் பெரிய புகழை பெற்றார்.
அதேபோல தற்பொழுது சூப்பர் ஸ்டார் ரஜினிகாந்த் அவர்களுடைய "வேட்டையன்" திரைப்படத்திலும் ஒரு முக்கிய கதாபாத்திரத்தில் அவர் நடித்து வருகிறார். இந்நிலையில் அவரும் அவரது சக விஜய் டிவி தோழருமான கலக்கப்போவது யாரு புகழ் தீனா அவர்களும் இணைந்து "மறக்குமா நெஞ்சம்" என்கின்ற திரைப்படத்தில் நடித்துள்ளனர்.
முழுக்க முழுக்க 90ஸ் கிட்ஸ் மனதை கவரும்வண்ணம் எடுக்கப்பட்டுள்ள இந்த திரைப்படத்தை Filia என்டர்டைன்மென்ட்டோடு இணைந்து குவியம் மீடியா நிறுவனம் தயாரித்துள்ளது. மேலும் இந்த திரைப்படத்தை யோகேந்திரன் இயக்கியுள்ளார். சச்சின் வாரியர் இசையில் தற்போது இந்த திரைப்படத்தின் டீசர் வெளியாகி மக்கள் மத்தியில் நல்ல வரவேற்பை பெற்று வருகிறது.
