பாரதிராஜாவின் அல்லி நகரத்து வீராங்கனைக்கு நடிகர் விஜய் சேதுபதி செய்த பேருதவி...
அரசியல் ஆசை துளி கூட இன்றி சத்தமில்லாமல் பல சமூக நலப்பணிகளில் ஈடுபட்டுவரும் நடிகர் விஜயசேதுபதி இயக்குநர் பாரதிராஜாவின் சொந்த ஊரைச் சேர்ந்த விண்வெளி வீராங்கனை ஒருவருக்கு எட்டு லட்ச ரூபாய் நிதி உதவி செய்துள்ளார்.
அரசியல் ஆசை துளி கூட இன்றி சத்தமில்லாமல் பல சமூக நலப்பணிகளில் ஈடுபட்டுவரும் நடிகர் விஜயசேதுபதி இயக்குநர் பாரதிராஜாவின் சொந்த ஊரைச் சேர்ந்த விண்வெளி வீராங்கனை ஒருவருக்கு எட்டு லட்ச ரூபாய் நிதி உதவி செய்துள்ளார்.
இயக்குநர் பாரதிராஜாவின் சொந்த ஊரான தேனி மாவட்டம் அல்லி நகரத்தை சேர்ந்தவர் மாணவி உதய கீர்த்திகா. இவர் தேனியில் அரசு பள்ளியில் தமிழ் வழியில் படித்தவர்.
தனது ஏர் கிராஃப்ட் மெயின்டனன்ஸ் இன்ஜினியரிங் படிப்பை உக்ரைன்-கார்கிவ் ல் உள்ள நேஷனல் ஏர் போர்ஸ் யுனிவர்சிட்டியில் படித்துள்ளார். 2022 ஆம் ஆண்டு இந்தியாவின் 'இஸ்ரோ" சார்பாக விண்வெளிக்கு அனுப்பப்படுகிற விண்வெளி வீரர்கள் குழுவில் இடம் பிடித்து இந்தியாவுக்கான விண்வெளி வீராங்கனை ஆவதே இவர் லட்சியம்.
அந்த லட்சியத்திற்கு தோதாக தற்போது, போலந்து நாட்டில் உள்ள விண்வெளி "Analog austronaut training centre" என்ற விண்வெளி வீரர்களுக்கான பயிற்சி மையத்தில் பயிற்சி பெறுவதற்கு இடம் கிடைத்துள்ளது. பயிற்சிக் கட்டணம், தங்குமிடம் கட்டணம், உணவுச் செலவுகள், விமானக் கட்டணம் ஆகிய வகையில், இப்பயிற்சிக்கு, 8 லட்சம் ரூபாய்க்கும் மேல் தேவைப்படுகிறது.
அந்தத் தகவலைக் கேள்விப்பட்டு, மாணவியின் பயிற்சிக்காக தேவைப்படும் தொகையை விஜய் சேதுபதி தன் ரசிகர் மன்றத்தின் சார்பாக அவரின் ரசிகர் மன்ற தலைமை செயலாளர் குமரன் மற்றும் தேனி நகர தலைவர் விக்னேஷ் ஆகியோர் மூலம் வழங்கியுள்ளார். மேலும் விஜய் சேதுபதி படப்பிடிப்பில் இருப்பதால் தொலைபேசியின் மூலம் உதயகீர்த்திகாவிடம் பேசி பாராட்டியுள்ளார்.
சேனலை கிளிக் செய்து பின்தொடரவும்
