Salem District Health Society is hiring: ஓட்டுநர், உதவியாளர் வேலைவாய்ப்பு! எட்டாம் வகுப்பு தேர்ச்சி போதும், தேர்வு இல்லை. நேர்காணல் மட்டுமே. உடனே விண்ணப்பிக்கவும்!
சேலம் மாவட்டத்தைச் சேர்ந்த மாவட்ட நலவாழ்வு சங்கம் (District Health Society), மாவட்ட சுகாதார அலுவலகம், ஆரம்ப சுகாதார நிலையங்கள் மற்றும் அரசு மருத்துவமனைகளில் உள்ள சில காலியிடங்களை நிரப்ப அறிவிப்பை வெளியிட்டுள்ளது. மொத்தம் 16 பணியிடங்களுக்கு தகுதியான நபர்களிடமிருந்து விண்ணப்பங்கள் வரவேற்கப்படுகின்றன. இந்த பணியிடங்களுக்கான கல்வித் தகுதி, சம்பளம், காலியிடங்கள் மற்றும் தேர்வு முறை குறித்த முழு விவரங்களை கீழே காணலாம்.
பணியிடங்கள் மற்றும் தகுதிகள்
இந்த வேலைவாய்ப்பு அறிவிப்பில், பல்வேறு பதவிகளுக்கு மொத்தம் 16 காலியிடங்கள் உள்ளன:
• பல் அறுவை சிகிச்சை நிபுணர் (Dental Surgeon) - 2 இடங்கள்: சம்பளம் ரூ.34,000. BDS பட்டம் பெற்றிருக்க வேண்டும்.
Related Articles
• ஓட்டுநர் (Driver) - 1 இடம்: சம்பளம் ரூ.10,000. எட்டாம் வகுப்பு தேர்ச்சி பெற்றிருக்க வேண்டும் மற்றும் தமிழில் எழுதவும் படிக்கவும் தெரிந்திருக்க வேண்டும். இலகுரக மற்றும் கனரக வாகன ஓட்டுநர் உரிமம் வைத்திருக்க வேண்டும்.
• மருத்துவ அலுவலர் (யோகா மற்றும் இயற்கை மருத்துவம்) - 5 இடங்கள்: சம்பளம் ரூ.40,000. BNYS பட்டம் பெற்றிருக்க வேண்டும்.
• மருத்துவ அலுவலர் (ஆயுர்வேதா) - 1 இடம்: சம்பளம் ரூ.40,000. BAMS பட்டம் பெற்றிருக்க வேண்டும்.
• உதவியாளர் (Attender) - 6 இடங்கள்: சம்பளம் ரூ.10,000. எட்டாம் வகுப்பு தேர்ச்சி பெற்றிருக்க வேண்டும் மற்றும் தமிழில் எழுதவும் படிக்கவும் தெரிந்திருக்க வேண்டும்.
• மருத்துவ அலுவலர் (ஹோமியோபதி) - 1 இடம்: சம்பளம் ரூ.34,000. BHMS பட்டம் பெற்றிருக்க வேண்டும்.
விண்ணப்பிக்கும் முறை மற்றும் முக்கிய தேதிகள்
இந்தப் பணியிடங்களுக்கு விண்ணப்பிக்க எந்தவிதமான கட்டணமும் இல்லை. தகுதியான நபர்கள் நேர்காணல் மூலம் மட்டுமே தேர்வு செய்யப்படுவார்கள்.
விண்ணப்ப படிவத்தை https://salem.nic.in/ என்ற அதிகாரப்பூர்வ இணையதளத்தில் இருந்து பதிவிறக்கம் செய்து கொள்ளலாம். விண்ணப்பத்தை பிரிண்ட் எடுத்து, தேவையான விவரங்களைப் பூர்த்தி செய்து, கல்வி சான்றுகளின் நகல்களுடன் இணைத்து கீழே கொடுக்கப்பட்டுள்ள முகவரிக்கு நேரிலோ அல்லது தபால் மூலமாகவோ அனுப்ப வேண்டும்.
• விண்ணப்பிக்க கடைசி தேதி: 22.09.2025
• விண்ணப்பங்களை அனுப்ப வேண்டிய முகவரி: நிர்வாக செயலாளர்/ மாவட்ட சுகாதார அலுவலர், மாவட்ட நல வாழ்வு சங்கம் (District Health Society), மாவட்ட ஆட்சியர் அலுவலக வளாகம், பழைய நாட்டாமை கட்டிட வளாகம், சேலம் மாவட்டம் – 636001.