2025 நிதியாண்டின் நான்காம் காலாண்டில் எல்ஐசியின் நிகர லாபம் 38% அதிகரித்து ரூ.19,039 கோடியாக உயர்ந்துள்ளது. முழு நிதியாண்டிற்கான வரிக்குப் பிந்தைய லாபம் ரூ.48,151 கோடியாக இருந்தது, இது ஆண்டுக்கு ஆண்டு 18% அதிகரிப்பு.
இந்திய ஆயுள் காப்பீட்டுத் துறையின் முன்னணியில் உள்ள ஆயுள் காப்பீட்டுக் கழகம் (Life Insurance Corporation - LIC), 2025 நிதியாண்டின் நான்காம் காலாண்டில் (ஜனவரி-மார்ச்) தனது ஒருங்கிணைந்த நிகர லாபத்தில் நல்ல வளர்ச்சியைப் பதிவு செய்துள்ளது. இந்த காலாண்டில் நிறுவனத்தின் நிகர லாபம் ஆண்டுக்கு ஆண்டு 38 சதவீதம் அதிகரித்து ரூ.19,039 கோடியாக உயர்ந்துள்ளது.
ஆயுள் காப்பீட்டு நிறுவனமான எல்ஐசி, 2024-25ம் நிதியாண்டின் 3வது காலாண்டில் முந்தைய காலாண்டை விட 73 சதவீதம் அதிகமாக லாபம் ஈட்டியுள்ளது.
ஆயுள் காப்பீட்டுக் கழகம் எனப்படும் LICயின் லாபம் ரூ.19,039 கோடியாக உள்ளது. வரிக்குப் பிந்தைய லாபம் (PAT) 73% அதிகரித்துள்ளது. இது Q2024-25ம் நிதியாண்டின் 3வது காலாண்டில் பதிவான ரூ.11,009 கோடியுடன் ஒப்பிடும்போது, நிகர பிரீமியம் வருமானம் FY25 அக்டோபர்-டிசம்பர் காலாண்டில் பதிவான ரூ.1,07,302 கோடியிலிருந்து 38% அதிகமாகும்.
Related Articles
ஆயுள் காப்பீட்டுக் கழகம் எனப்படும் LICக்கு முழு நிதியாண்டிற்கான வரிக்கு பிந்தைய லாபம் ரூ.48,151 கோடியாக இருந்தது. இது ஆண்டுக்கு ஆண்டு 18% அதிகமாகும். அதே நேரத்தில் தனிநபர் புதிய வணிக பிரீமியம் (NBP) ரூ.62,495 கோடியாக இருந்தது. இது 8% அதிகரிப்பைப் பதிவு செய்துள்ளது. அதேபோல் நிறுவனம் அதன் பாலிசிதாரர்களுக்கு ரூ.56,190 கோடி மதிப்புள்ள போனஸை வழங்கியது.இந்தச் சாதனையை அறிவித்ததன் மூலம், மாநில காப்பீட்டு நிறுவனம் மார்ச் 31, 2025 அன்று முடிவடைந்த நிதியாண்டிற்காக ஒரு பங்குக்கு ரூ.12 இறுதி டிவிடெண்ட்டை அறிவித்துள்ளது. இது முதலீட்டாளர்களுக்கு ஒரு நல்ல செய்தியாகும்.
மார்ச் 31, 2025 அன்று முடிவடைந்த ஆண்டுக்கான மொத்த பிரீமியம் வருமானம் ரூ.4,88,148 கோடியாக இருந்தது. இது மார்ச் 31, 2024 அன்று முடிவடைந்த ஆண்டுக்கான ரூ.4,75,070 கோடியாக இருந்தது. மார்ச் 31, 2025 அன்று முடிவடைந்த ஆண்டுக்கான மொத்த தனிநபர் வணிக பிரீமியம் ரூ.3,19,036 கோடியாக அதிகரித்துள்ளது. மார்ச் 31, 2025 அன்று முடிவடைந்த ஆண்டிற்கான குழு வணிகத்தின் மொத்த பிரீமியம் வருமானம் ரூ.1,69,112 கோடியாக இருந்தது. இது மார்ச் 31, 2024 அன்று முடிவடைந்த ஆண்டிற்கான ரூ.1,71,302 கோடியாக இருந்தது. மார்ச் 31, 2025 அன்று முடிவடைந்த ஆண்டில் தனிநபர் பிரிவில் மொத்தம் 1,77,82,975 பாலிசிகள் விற்கப்பட்டுள்ளன.
LIC யின் நிர்வாகிக்கும் சொத்தின் மதிப்பு 6.45% அதிகரித்து ரூ.54,52,297 கோடியாக இருந்தது. அதே நேரத்தில் அதன் கடன் தீர்வு விகிதம் 1.98 இலிருந்து 2.11 ஆக அதிகரித்துள்ளது.LIC மீது மக்கள் கொண்ட நம்பிக்கையே தங்களது நிறுவன வளர்ச்சிக்கு காரணமாக அந்த நிறுவனத்தின் தலைமை அதிகாரி தெரிவித்துள்ளார்.