சொந்த வீடு வாங்க வீட்டுக் கடன் ஒரு முக்கிய வழிமுறை. ஆனால், திட்டமின்றி கடன் வாங்கினால் பெரும் சிக்கலாக மாறும். வீட்டுக் கடன் வாங்குமுன் கவனிக்க வேண்டிய முக்கிய குறிப்புகள் இங்கே.
“தனக்கென்று ஒரு சொந்த வீடு” என்பது பெரும்பாலானோரின் கனவு. அந்தக் கனவை நனவாக்க இன்றைய காலத்தில், வீட்டுக் கடன் என்பது முக்கியமான ஒரு வழிமுறையாகவே இருக்கிறது. ஆனால், இப்படித் தேவைப்படும் நேரத்தில் பெற்றுக் கொள்ளப்படும் வீட்டு கடன், திட்டமின்றி எடுத்துக் கொண்டால் எதிர்காலத்தில் பெரும் சிக்கலாகவும் மாறக்கூடும். எனவே, வீட்டுக் கடனை எடுக்கும் முன் கவனிக்க வேண்டிய முக்கியமான டிப்ஸ் இங்கே வழங்கப்படுகின்றன.
வட்டி விகித ஒப்பீடு – சிறிய வித்தியாசமும் பெரிய தாக்கம்
வீட்டுக் கடனுக்கு வங்கி தேர்வு செய்யும் போது, இரண்டு அல்லது மூன்று வங்கிகளின் வட்டி விகிதத்தை ஒப்பிட்டு பாருங்கள். 0.5% என்ற சிறிய வட்டி வித்தியாசம் கூட, நீண்ட காலத்திற்கு பார்த்தால் லட்சக்கணக்கில் சேமிப்பு தரும். மேலும், சில வங்கிகள் ஆரம்ப கட்டங்களில் குறைந்த வட்டி விகிதம் காட்டி, பிறகு உயர் வட்டி வசூலிக்கலாம் என்பதையும் கவனியுங்கள்.
Related Articles
இ.எம்.ஐ கட்டுப்பாடு – சம்பளத்தின் ஒரு பகுதியே போதும்
தாங்கள் செலுத்தும் மாத தவணை (EMI), தங்களது மாத வருமானத்தின் 30% - 40% க்கு மேல் இருக்கக் கூடாது. அது போல் இருந்தாலே, நிதி மேலாண்மையில் சீர்திருத்தம் வரும். வருங்காலத்திலும் அவசர செலவுகளை எதிர்கொள்வதற்கு வாய்ப்பு இருக்கும்.
டவுன் பேமெண்ட் – கையில் பணம் வைத்திருங்கள்
வீட்டுக் கடன் முழுதையும் வங்கியில் நம்பி விடாமல், குறைந்தது 20% டவுன் பேமெண்ட் உடனே செலுத்தும் வசதியை உருவாக்குங்கள். உதாரணமாக, ₹50 லட்சம் மதிப்புள்ள வீடு வாங்கினால், ₹10 லட்சம் நீங்கள் தயார் செய்திருப்பது நல்லது. இதனால், நீங்கள் வாங்கும் கடனின் அளவு குறையும். அதனுடன் சேர்ந்து, வட்டி செலவுகள் குறையும்.
50க்கு கீழ் கடன் வாங்குங்கள்
50 வயதுக்கு முன்னரே வீட்டுக் கடனை தொடங்குவது மிகவும் பாதுகாப்பானது. வயதான பிறகு கடன் பெறுவது கடினமாகும். மேலும், பணியில் இருந்து ஓய்வுபெறும் காலம் நெருங்கும் போது, கடனை முடிக்க வேண்டிய அவசரமும் இருக்கும்.
பாக்கி கடன்களை அடைத்துவிடுங்கள்
வீட்டுக் கடனுக்கு முன், ஏற்கனவே எடுத்துள்ள பெரிய கடன்களை குறைத்து விடுங்கள். குறிப்பாக, கிரெடிட் கார்டு பாக்கிகள் அல்லது தனிநபர் கடன்களை முடித்து விடுவது நல்லது. இது, உங்கள் கிரெடிட் ஸ்கோர் –ஐ அதிகரிக்க உதவும். அதன் மூலம் வங்கிகளின் நம்பிக்கையும் பெருகும்.
இன்சூரன்ஸ் – பாதுகாப்பு கவசம்
வீட்டுக் கடனுடன் தொடர்புடைய டெர்மின் இன்சூரன்ஸ் எடுப்பது மிகவும் அவசியம். எதிர்பாராத நிகழ்வுகள் (மரணம், உடல்நலக்குறைவு) வந்தால், அந்த கடனை குடும்பத்தினர் தீர்க்க வேண்டிய நிலைக்கு செல்லாமல், இன்சூரன்ஸ் மூலம் சுமையை குறைக்கலாம்.
வருமான வரி தாக்கல் – ஆதார ஆவணம்
வங்கிகள், வீட்டுக் கடனை வழங்கும் போது, கடைசி 2 அல்லது 3 ஆண்டுகளுக்கான வருமான வரி தாக்கல் சான்றுகளை கேட்கும். அதனால், தொழிலாளிகள் மட்டுமல்ல, சுயதொழில் ஆற்றுபவர்களும் இந்த ஆவணங்களை தயார் வைத்திருப்பது அவசியம்.
குறுகிய காலத்தில் கடன் முடிக்க முயற்சி
மிக நீண்ட காலம் (25 - 30 ஆண்டுகள்) வீட்டு கடனை பராமரிப்பதைவிட, 15 - 20 ஆண்டுகளில் கடன் முடிக்க திட்டமிடுங்கள். இதனால் வட்டிக்கே செலுத்தும் தொகை குறையும். சிலர் அதிக காலம் EMI கட்டுவதால் வீடு 1.5 மடங்காக விலை உயர்ந்து செல்கிறது என்பதையும் மறக்க வேண்டாம்.
கூடுதல் ஸ்மார்ட் குறிப்புகள்:
- Part Prepayment: சிக்கன சேமிப்புகளை சில நேரங்களில் வீட்டுக் கடனுக்கு முன்கட்டணம் செலுத்துங்கள். இது கால அளவை குறைக்கும்.
- Floating vs Fixed Interest: வட்டி விகிதத்தை தேர்வு செய்யும் போது, நிலையான வட்டி அல்லது மாறும் வட்டி என்ற இரண்டிலும் நன்மை, தீமைகள் உள்ளன. துல்லியமாக கணக்கிட்டு தேர்வு செய்யுங்கள்.
- Loan Statement Review: வருடத்திற்கு ஒரு முறை உங்கள் வீட்டு கடன் அறிக்கையை (statement) சரிபார்த்து, தவறுகள் உள்ளதா என்பதை பார்க்க வேண்டும்.
வீட்டுக் கடன் என்பது ஒரு பெரிய நிதிச் சுமைதான். ஆனால் திட்டமிட்ட முறையில் அணுகினால், அது நம் கனவை நனவாக்கும் பொக்கிஷமாக மாறும். மேலே கூறப்பட்ட 8 ஸ்மார்ட் டிப்ஸ்களை கடைப்பிடித்து, உங்கள் வீட்டு பயணத்தை நிதானமாகவும், நலமாகவும் நிர்வகியுங்கள். வீடு மட்டுமல்ல… நிம்மதியும் உங்களுடன் பயணிக்கட்டும்!
