அட்சய திரிதியை முன்னிட்டு டிஜிட்டலில் தங்கம் வாங்க போறீங்களா.! இதை கொஞ்சம் தெரிஞ்சுட்டு வாங்குங்க.!!
அட்சய திரிதியை முன்னிட்டு டிஜிட்டல் தங்கத்தை ஆன்லைனில் வாங்கத் திட்டமிடுகிறீர்களா ? உங்களுக்கான செய்திதான் இது.
 )
சித்திரை மாதத்தின் முதல் அமாவாசையில் இருந்து 3ஆம் நாள் அட்சய திரிதியை கொண்டாடப்படுகிறது. 3ஆம் எண்ணுடைய அதிபதி குரு, இவர் உலோகத்தில் தங்கத்தை குறிக்கிறார். பொன்னன் என்ற பெயரும் அவருக்கு உண்டு. ஆகவே தான் அட்சய திரிதியை நாளில் தங்கம் வாங்க சொல்கிறார்கள். இது ஐதீகமும் கூட.
2023ஆம் ஆண்டில் ஏப்ரல் 22ஆம் தேதியும், 22ஆம் தேதியும் திருதியை திதி இருக்கும் காரணத்தால் இரண்டு நாள்களில் தங்கம், மகாலட்சுமி வாசம் செய்யும் வெல்லம், உப்பு, பச்சரிசி உள்ளிட்ட வெண்மையான பொருள்களை வாங்கலாம். அட்சய திருதியை நாளில் தங்கம், வெள்ளி போன்ற ஆபரணங்கள் வாங்கினால் தொடர்ந்து வீட்டில் செல்வம் பெரும், நிறைய தங்கம் வாங்கும் யோகம் ஏற்படும் என்பது நம்பிக்கை.
வசதி இல்லாதவர்கள் மகாலட்சுமி வசிக்கும் பொருளாக கருதப்படும் உப்பு, மல்லிகை போன்ற வெள்ளை நிறத்தால் ஆன மங்கல பொருட்களை வாங்கி வழிபடலாம். டிஜிட்டல் தங்கத்தை 1 ரூபாய்க்கு குறைவாக வாங்கலாம். அதுமட்டுமில்லாமல், வாடிக்கையாளர்கள் தங்க நகைகளைப் போல மேக்கிங் சார்ஜர்களைக் கொடுக்க வேண்டியதில்லை.
வாடிக்கையாளர்கள் தங்களுடைய டிஜிட்டல் தங்கத்தை உடல் நாணயங்களாகவோ அல்லது நகைகளாகவோ எளிதாக மாற்றிக்கொள்ளலாம். வீட்டில் செழிப்பையும் செல்வத்தையும் கொண்டு வருவதற்காக தங்கம் வாங்குவது மங்களகரமானதாகக் கருதப்படும் அட்சய திருதியை அன்று இதனை நீங்கள் மேற்கொள்ளலாம். வாடிக்கையாளர்கள் தங்களுடைய டிஜிட்டல் தங்கத்தை எளிய முறையில் வாங்கலாம்.
ஆனால் தேவைப்பட்டால் சில கூடுதல் மேக்கிங் கட்டணம் அல்லது டெலிவரி கட்டணம் செலுத்த வேண்டும். MMTC-PAMP, SafeGold, Augmont Gold, போன்ற பல அங்கீகரிக்கப்பட்ட நிறுவனங்கள் டிஜிட்டல் தங்கத்தை ஆன்லைனில் பல முறைகளில் விற்பனை செய்கின்றன. தங்கத்தை வாங்குவதற்கு நீங்கள் அவர்களின் இணையதளங்களுக்குச் செல்லலாம். அல்லது இந்த நிறுவனங்களுடன் டை-அப் செய்துள்ள Paytm, Phonepe, Google Pay போன்றவைகளை பயன்படுத்தியும் வாங்கலாம்.
இந்திய வாடிக்கையாளர்கள் Paytm, Google Pay மற்றும் PhonePe போன்ற கட்டண பயன்பாடுகளிலிருந்தும் டிஜிட்டல் தங்கத்தை வாங்கலாம். இந்த தளங்களில் டிஜிட்டல் தங்கத்தை வாங்குவது மற்றும் விற்பது விரைவானது மற்றும் தொந்தரவு இல்லாதது ஆகும். MMTC-PAMP இலிருந்து நேர்த்தியாக வடிவமைக்கப்பட்ட தங்கக் கட்டிகள் மற்றும் தங்க நாணயங்களை வாங்கலாம். நீங்கள் விரும்பும் போது உங்கள் தங்கத்தை டிஜிட்டல் முறையில் MMTC-PAMPக்கு விற்கலாம்.
இதையும் படிங்க..அட்சய திருதியை முன்னிட்டு குறைந்த தங்க விலை! தங்கம் வாங்க சரியான நேரம்!!
பிறகு கூலிங் ஆஃப் காலத்திற்குப் பிறகு (72 மணிநேரம்) உடனடி வங்கிப் பரிமாற்றத்தை நீங்கள் பெறலாம். அதேபோல நீங்கள் பரிசாக மற்றவர்களுக்கும் அனுப்பலாம். Paytm ஆனது MMTC-PAMP இன் டிஜிட்டல் தங்கத்தை வாங்குவதற்கான ஆப்ஷனை தருகிறது. Stocks and Gold ஐகானின் கீழ் உள்ள ‘Paytm Gold’ என்பதைத் தட்டி, நீங்கள் வாங்க விரும்பும் தங்கத்தின் மதிப்பு/தரத்தைத் தேர்வுசெய்ய வேண்டும்.
Google Pay மூலமாக வாங்கப்படும் தங்கமானது MMTC-PAMP பராமரிக்கப்படும் தங்கக் குவிப்புத் திட்டம் அல்லது GAP இல் சேமிக்கப்படுகிறது. Google Payயில் உள்ள கோல்ட் லாக்கரில் தங்கம் தொடர்பான அனைத்து டிஜிட்டல் பணப் பரிமாற்றங்களையும் உரிமையாளர் சரிபார்க்கலாம். PhonePeவில் உறுப்பினர்கள் ரூ. 1 வரை முதலீடு செய்து, காலப்போக்கில் தங்கத்தை அதிகப்படியாக வாங்கி குவிக்கலாம். MMTC-PAMP, Safegold இன் டிஜிட்டல் தங்கத்தை நீங்கள் வாங்கலாம்.
இதையும் படிங்க..அட்சய திரிதியை அப்போ இதையெல்லாம் தானமா கொடுங்க.! லட்சுமி கடாட்சம் வரும்! செல்வம் கொட்டும்!!
சேனலை கிளிக் செய்து பின்தொடரவும்
