குறைந்த விலையில் 7 சீட்டர் கார்.. குடும்ப கார் மார்க்கெட்டில் Nissan சூப்பர் எண்ட்ரி

நிசான் இந்தியா தனது புதிய சப்-4 மீட்டர் எம்பிவி ஆன கிராவிட்-ஐ ஜனவரி 21 அன்று அறிமுகப்படுத்துகிறது. இது 2026 மார்ச் மாதம் விற்பனைக்கு வரும்போது, மாருதி எர்டிகா போன்ற கார்களுக்குப் போட்டியாக அமையும்.

nissan gravite

Image Credit: Google

நிசான் இந்தியா நிறுவனம், தனது புதிய கிராவிட் (Gravite) சப்-4 மீட்டர் எம்பிவியை வரும் ஜனவரி 21 அன்று அதிகாரப்பூர்வமாக அறிமுகப்படுத்தப்பட்டுள்ளது. இதனைத் தொடர்ந்து, 2026 மார்ச் மாதத்தில் இந்த கார் இந்திய சந்தையில் விற்பனைக்கு வரும் என எதிர்பார்க்கப்படுகிறது. மூன்று வரிசை இருக்கை வசதியுடன் கூடிய குடும்பக் காரைத் தேடும் வாடிக்கையாளர்களைக் குறிவைத்து, குறைந்த விலையை மாற்றும் நிசான் இந்த மாடலை நிலைநிறுத்துகிறது.

நிசான் கிராவிட், அடிப்படையில் Renault Triber மாடலின் ரீ-பேட்ஜ் செய்யப்பட்ட பதிப்பாகும். அதே பிளாட்ஃபார்ம், பவர்டிரெய்ன் மற்றும் சில அம்சங்கள் பகிர்ந்தாலும், நிசானுக்கே உரிய வடிவமைப்பு மாற்றங்கள் இதில் இடம்பெறும். அறிமுகத்திற்குப் பிறகு, இது ரெனால்ட் டிரைபர் மற்றும் Maruti Ertiga போன்ற பிரபல எம்பிவிகளுடன் நேரடி போட்டியில் இறங்கும்.

வடிவமைப்பைப் பொறுத்தவரை, சிஎம்எஃப்-ஏ பிளாட்ஃபார்மை நிறுவனத்தைக் கொண்ட இந்த எம்பிவியில், தலைகீழ் எல்-வடிவ டிஆர்எல்களுடன் புதிய கிரில், சில்வர் இன்செர்ட்களுடன் ஸ்போர்ட்டி முன்பம்பர், புதிய அலாய் வீல்கள் மற்றும் ‘கிராவைட்’ பேட்ஜிங்குடன் மறுவடிவமைக்கப்பட்ட டெயில்லெம்ப்கள் இடம்பெறும். ஹெட்லெம்ப்கள், ரூஃப் ரெயில்கள், ஓஆர்விஎம்கள் போன்ற சில பகுதிகள் டிரைபருடன் ஒத்ததாக இருக்கும்.

இன்ஜின் பகுதியில், ரெனால்ட் டிரைபரில் பயன்படுத்தப்படும் 1.0 லிட்டர், 3-சிலிண்டர் நெச்சுரலி ஆஸ்பிரேட்டட் பெட்ரோல் இன்ஜினே இதில் வழங்கப்படும். இது 72 பிஎச்பி பவர் மற்றும் 96 என்எம் டார்க் உற்பத்தி செய்கிறது. சிறந்த டிரைவிங் அனுபவத்திற்காக, நிசான் இன்ஜினை சிறிய அளவில் ரீ-டியூன் செய்யலாம் என்றும் தகவல்கள் தெரிவிக்கின்றன.

டிரான்ஸ்மிஷன் தேர்வுகளில் 5-ஸ்பீட் மேனுவல் மற்றும் ஏஎம்டி (AMT) கியர்பாக்ஸ் ஆகியவை வழங்கப்படும். நகர்ப்புற பயன்பாடு மற்றும் குடும்பப் பயணங்களுக்கு ஏற்ற வகையில் இந்த அமைப்பு இருக்கும் என்று எதிர்பார்க்கப்படுகிறது. உள்துறை விவரங்கள் இன்னும் அதிகாரப்பூர்வமாக வெளியிடப்படவில்லை.

ஆனால், டிரைபரைப் போல நெகிழ்வான இருக்கை அமைப்பு, 8-இன்ச் டச் ஸ்கிரீன் இன்ஃபோடெயின்மென்ட், 7-இன்ச் டிஎஃப்டி கிளஸ்டர், வயர்லெஸ் ஆப்பிள் கார்பிலே, ஆண்ட்ராய்டு ஆட்டோ, க்ரூஸ் கண்ட்ரோல், கூல்டு குளோவ் பாக்ஸ் மற்றும் ஆட்டோ-ஃபோல்டு ஓஆர்விஎம்கள் போன்ற அம்சங்கள் இடம்பெறும்.