மாருதி சுஸுகியின் நெக்ஸா ஷோரூம்களில் அதிகம் விற்பனையாகும் ஃபிரான்க்ஸ் காரின் விலை, ஜூன் மாதம் முதல் உயரப்போகிறது. சுமார் ₹30,000 வரை விலை அதிகரிக்கப்படலாம் என நிறுவனம் அறிவித்துள்ளது. அசத்தலான ஃபீச்சர்ஸ் மற்றும் பவர்ஃபுல் இன்ஜின் கொண்ட இந்த காரை வாங்க நினைப்பவர்களுக்கு இதுதான் சரியான நேரம்.
மாருதி சுஸுகி நிறுவனத்தின் நெக்ஸா ஷோரூம்களில் அதிகம் விற்பனையாகும் கார் என்றால் அது ஃபிரான்க்ஸ் தான். அறிமுகம் செய்யப்பட்டது முதல், இந்த காம்பாக்ட் எஸ்யூவி வாடிக்கையாளர்கள் மத்தியில் நல்ல வரவேற்பைப் பெற்று வருகிறது. தற்போது, இதன் ஆரம்ப எக்ஸ்-ஷோரூம் விலை ₹6,84,900 ஆக உள்ளது. ஆனால், மே மாதம் முடிந்தவுடன் இந்த விலையில் பெரிய மாற்றம் வரப்போகிறது.
ஆம், ஜூன் மாதம் முதல் ஃபிரான்க்ஸ் காரின் விலையை ₹30,000 வரை உயர்த்தப் போவதாக மாருதி நிறுவனம் அறிவித்துள்ளது. ஒவ்வொரு மாடல் மற்றும் வேரியண்ட்டைப் பொறுத்து இந்த விலை உயர்வு மாறுபடும். உற்பத்திப் பொருட்களின் விலை உயர்வு மற்றும் பணவீக்கத்தின் தொடர்ச்சியான அழுத்தம் காரணமாக இந்த விலை உயர்வைச் செயல்படுத்துவதாக மாருதி நிறுவனம் தெரிவித்துள்ளது. இந்த விலை உயர்வு, பேஸ் வேரியண்ட்டுக்கு அதிகமாகவும், டாப் வேரியண்ட்டுக்கு குறைவாகவும் இருக்கலாம் என எதிர்பார்க்கப்படுகிறது.
மாருதி ஃபிரான்க்ஸ் சிறப்பம்சங்கள்
மாருதி ஃபிரான்க்ஸ் காரில் 1.0 லிட்டர் டர்போ பூஸ்டர்ஜெட் இன்ஜின் பொருத்தப்பட்டுள்ளது. இந்த இன்ஜின் மூலம் வெறும் 5.3 வினாடிகளில் 0-விலிருந்து 60 கி.மீ வேகத்தை எட்ட முடியும். இது தவிர, மேம்பட்ட 1.2 லிட்டர் கே-சீரிஸ், டூயல் ஜெட், டூயல் விவிடி இன்ஜின் ஆப்ஷனும் உள்ளது. இந்த இன்ஜின் ஸ்மார்ட் ஹைப்ரிட் தொழில்நுட்பத்துடன் வருகிறது. பேடில் ஷிஃப்டர்களுடன் கூடிய 6-ஸ்பீட் ஆட்டோமேட்டிக் டிரான்ஸ்மிஷனுடன் இந்த இன்ஜின் இணைக்கப்பட்டுள்ளது. ஆட்டோ கியர் ஷிஃப்ட் ஆப்ஷனும் இதில் உண்டு. இந்த கார் ஒரு லிட்டருக்கு 22.89 கி.மீ வரை மைலேஜ் தரும் என நிறுவனம் கூறுகிறது.
Related Articles
அளவுகளைப் பொறுத்தவரை, மாருதி ஃபிரான்க்ஸ் 3995 மி.மீ நீளமும், 1765 மி.மீ அகலமும், 1550 மி.மீ உயரமும் கொண்டது. இதன் வீல்பேஸ் 2520 மி.மீ ஆகும். இதில் 308 லிட்டர் பூட் ஸ்பேஸ் உள்ளது.
காரின் உள்ளே ஹெட்-அப் டிஸ்ப்ளே, க்ரூஸ் கண்ட்ரோல், லெதரால் சுற்றப்பட்ட ஸ்டீயரிங் வீல், 16 இன்ச் டைமண்ட் கட் அலாய் வீல்கள், டூயல்-டோன் எக்ஸ்டீரியர் கலர், வயர்லெஸ் சார்ஜர், வயர்லெஸ் ஸ்மார்ட்போன் இணைப்புடன் கூடிய இன்ஃபோடெயின்மென்ட் சிஸ்டம், 6-ஸ்பீக்கர் சவுண்ட் சிஸ்டம், இன்ஸ்ட்ரூமென்ட் கிளஸ்டரில் கலர் எம்ஐடி, ஓட்டுநர் இருக்கையின் உயரத்தை சரிசெய்யும் வசதி, பின்பக்க ஏசி வென்ட்கள், ஃபாஸ்ட் யுஎஸ்பி சார்ஜிங் பாயிண்ட், கனெக்டட் கார் அம்சங்கள், ரியர் வியூ கேமரா, ஆண்ட்ராய்டு ஆட்டோ மற்றும் ஆப்பிள் கார்பிளேவை ஆதரிக்கும் 9-இன்ச் டச்ஸ்கிரீன் போன்ற பல அம்சங்கள் இதில் உள்ளன.
பாதுகாப்பைப் பொறுத்தவரை, டூயல் ஏர்பேக்குகளுடன் சைடு மற்றும் கர்டெய்ன் ஏர்பேக்குகள், ரியர் வியூ கேமரா, ஹில் ஹோல்ட் அசிஸ்ட், எலக்ட்ரானிக் ஸ்டெபிலிட்டி புரோகிராம், ரிவர்ஸ் பார்க்கிங் சென்சார்கள், 3-பாயின்ட் ELR சீட் பெல்ட்கள், ரியர் டீஃபாகர், திருட்டைத் தடுக்கும் செக்யூரிட்டி சிஸ்டம், ISOFIX சைல்டு சீட் மவுண்ட்ஸ் போன்ற அம்சங்கள் இதில் கிடைக்கின்றன. அதே சமயம், டூயல் ஏர்பேக்குகள், EBD உடன் ABS, ESP, ஹில்-ஹோல்ட் அசிஸ்ட், ரியர் பார்க்கிங் சென்சார்கள், சீட் பெல்ட் ப்ரீ-டென்ஷனர், சீட் பெல்ட் ரிமைண்டர் சிஸ்டம், ISOFIX சைல்டு சீட் ஆங்கரேஜ் பாயின்ட்கள், ஸ்பீட் அலெர்ட் போன்ற பாதுகாப்பு அம்சங்கள் அனைத்து வேரியண்ட்களிலும் ஸ்டாண்டர்டாக வழங்கப்பட்டுள்ளன. இதுதவிர, தேர்ந்தெடுக்கப்பட்ட வேரியண்ட்களில் 360-டிகிரி கேமரா, ஆட்டோ-டிம்மிங் IRVM போன்ற அம்சங்களும் அடங்கும்.
