Simma Rasi This Week Rasi Palan: டிசம்பர் 29 முதல் ஜனவரி 04 ஆம் தேதி வரையிலான காலக்கட்டம் சிம்ம ராசிக்காரர்களுக்கு எப்படி இருக்கப்போகிறது என்பது குறித்த வார ராசிப்பலன்கள் பற்றி இந்த பதிவில் விரிவாகப் பார்க்கலாம்.
இந்த வார ராசிப்பலன்கள் - சிம்மம்
சிம்ம ராசி நேயர்களே, இந்த வாரம் கலவையான பலன்கள் கிடைக்கும் வாரமாக இருக்கும். ஒருபுறம் அஷ்டம சனியின் தாக்கம் இருந்தாலும், குருவின் பார்வை உங்களுக்கு நன்மையை தேடித்தரும். புத்தாண்டு பிறக்க இருக்கும் வேளையில் உங்கள் தன்னம்பிக்கை அதிகரிக்கும். நீண்ட நாட்களாக நிலவையில் இருந்த பணிகள் இந்த வாரம் முடிவுக்கு வரும். பிடிவாத குணத்தை விடுத்து பிறர் ஆலோசனைகளைக் கேட்பது நல்லது.
நிதி நிலைமை:
பொருளாதார ரீதியாக இந்த வாரம் ஏற்றம் நிறைந்ததாக இருக்கும். குரு பகவான் பண வரவை சீராக்க உதவுவார். புதிய முதலீடுகள் செய்வதற்கான வாய்ப்புகள் அமையும். ஆனால் ஒரு முறைக்கு இருமுறை ஆலோசித்து முடிவெடுக்கவும். திடீர் மருத்துவச் செலவுகள் அல்லது தேவையற்ற ஆடம்பரச் செலவுகள் வரக்கூடும் என்பதால் சிக்கனம் அவசியம். பழைய கடன்களை திருப்பி செலுத்துவதற்கான சூழல்கள் உருவாகும்.
ஆரோக்கியம்:
சனி பகவானின் நிலை காரணமாக ஆரோக்கியத்தில் கூடுதல் கவனம் தேவைப்படலாம். குறிப்பாக எலும்புகள் மற்றும் கால்கள் தொடர்பான உபாதைகள் வாட்டி வதைக்கக்கூடும். செரிமானக் கோளாறுகள் ஏற்பட வாய்ப்பு இருப்பதால், உணவு விஷயத்தில் கட்டுப்பாடு அவசியம். மன அழுத்தம் மற்றும் தூக்கமின்மையை தவிர்க்க தியானம் மற்றும் யோகா செய்யலாம். வாகனங்களில் செல்லும் பொழுது மிகுந்த எச்சரிக்கையுடன் செல்ல வேண்டும்.
Related Articles
கல்வி:
மாணவர்களுக்கு இது சவாலான வாரமாக இருக்கும். கவனச்சிதறல்கள் ஏற்பட வாய்ப்பு உள்ளதால், படிப்பில் கூடுதல் கவனம் செலுத்த வேண்டும். அஷ்டம சனியின் தாக்கம் மந்த நிலையை தரக்கூடும். ஆனால் கடின உழைப்பு நல்ல பலன்களை தரலாம். உயர் கல்வி பயில விரும்பும் மாணவர்களுக்கு வெளிநாடு செல்லும் வாய்ப்புகள் கூடி வரும். போட்டித் தேர்வுகளுக்கு தயாராகி வருபவர்கள் அதிகாலையில் எழுந்து படிப்பது சிறந்தது.
தொழில் மற்றும் வியாபாரம்:
புதிதாகத் தொழில் தொடங்க நினைப்பவர்களுக்கு அதற்கான திட்டமிடலை செய்ய இந்த வாரம் உதவிகரமாக இருக்கும். வெளிநாடு தொடர்பான வர்த்தகம் செய்பவர்களுக்கு லாபம் கிடைக்கும். வேலை தேடுபவர்களுக்கு தகுதிக்கேற்ற வேலை கிடைப்பதில் சிறிய தாமதம் ஏற்படலாம். ஆனால் முயற்சியை கைவிட வேண்டாம். அலுவலகத்தில் பணிச்சுமை அதிகரிக்கலாம். மேலதிகாரிகளுடன் வீண் விவாதங்களை தவிர்ப்பது நல்லது.
குடும்ப உறவுகள்:
குடும்பத்தில் மகிழ்ச்சியும், அமைதியும் நிலவும். ஆனால் வாழ்க்கைத் துணையுடன் சிறு வாக்குவாதங்கள் வந்து போகலாம். குடும்ப விஷயங்களில் மூன்றாம் நபர்களின் தலையீட்டை தவிர்ப்பது நல்லது. குழந்தைகளின் முன்னேற்றம் மகிழ்ச்சி தரும். அவர்களின் கல்வி தொடர்பான மகிழ்ச்சியான செய்திகள் கிடைக்கலாம். உடன் பிறந்தவர்களுடன் இருந்த மனக்கசப்புகள் நீங்கி நல்லிணக்கம் ஏற்படும்.
பரிகாரம்:
தினமும் காலையில் சூரிய நமஸ்காரம் செய்வது மனவலிமையைத் தரும். தட்சணாமூர்த்திக்கு மஞ்சள் நிற மலர்களால் அர்ச்சனை செய்து வழிபடலாம். வாயில்லாத ஜீவன்களுக்கு உணவளிப்பது சிறந்தது. முதியோர் இல்லங்களுக்கு உங்களால் முடிந்த உதவிகள் அல்லது அன்னதானம் செய்வது கிரகங்களால் ஏற்படும் தோஷங்களை விலக்க உதவும்.
(பொறுப்பு துறப்பு: இந்தக் கட்டுரையில் குறிப்பிடப்பட்டுள்ள தகவல்கள் அனைத்தும் ஜோதிட கருத்துக்கள், மத நூல்கள், பஞ்சாங்கம் ஆகியவற்றை அடிப்படையாகக் கொண்டவை. இதை ஏசியாநெட் தமிழ் நிறுவனம் சரி பார்க்கவில்லை. தகவல்களை வழங்குவது மட்டுமே எங்கள் நோக்கம். இதன் துல்லியம், நம்பகத்தன்மை மற்றும் விளைவுகளுக்கு ஏசியாநெட் தமிழ் நிறுவனம் எந்த வகையிலும் பொறுப்பேற்காது)
