Nov 1, 2022, 9:51 AM IST
டிக் டாக் மூலம் பிரபலமானவர்கள் அநேகம் பேருண்டு. அவர்களில் குறிப்பிடத்தக்கவர் தான் ஜிபி முத்து. தனது தனித்துவமான பேச்சாலும் ரசிகர்களை அதிகப்படுத்திக் கொண்டவர். தூத்துக்குடி மாவட்டத்தை சேர்ந்த ஜிபி முத்து அந்த ஊர் ஸ்லாங்கில் பேசுவது பலரையும் அவர் பக்கம் ஈர்த்தது. கடுமையான விமர்சனங்கள் பெற்றிருந்த போதிலும் தன்னுடைய பாதைகள் சரியாக சென்று கொண்டிருந்தார். மோசமான வார்த்தைகளால் இவர் பேசுவதாகவும் பல குற்றச்சாட்டுகள் எழுந்திருந்தது.
பின்னர் யூட்யூபறாக மாறிய ஜி பி முத்துவிற்கு சப்ஸ்க்ரைபர்ஸ் அதிகமாகினர். இதனால் இவரது பிரபலமும் கூடிப்போனது. விளம்பர படங்களிலும் படங்களிலும் நடிக்க துவங்கினார் ஜி பி முத்து. என்ன வாழ்க்கைடா என்னும் மியூசிக் வீடியோவிலும் இவர் தோன்றி உள்ளார். பின்னர் படங்களிலும் நடித்துள்ளதாக கூறப்படுகிறது.
இவ்வாறு சோசியல் மீடியா மூலம் பிரபலமான ஜி பி முத்துவிற்கு தற்போது ஒளிபரப்பாகி வரும் பிக் பாஸ் சீசன் 6 இடம்பெறும் வாய்ப்பு கிடைத்தது. இது இவருக்கு மேலும் புகழை கூட்ட இவரை சோசியல் மீடியாவில் பார்த்ததற்கும் ஒரிஜினாலிட்டிக்கும் நிறைய வித்தியாசங்களை ரசிகர்கள் கண்டுகொண்டனர். இவருக்கு ஆதரவும் கூடியது. கடின உழைப்பாளியாகவும் மிகவும் மென்மையானவராகவும் காட்சியளித்த ஜி பி முத்து வெற்றியாளராக வர வாய்ப்பு உள்ளதாகவே அவரது ஆர்மி கூறி வந்தது.
ஆனால் தனது மகன் மீதான அன்பு காரணமாக 13 வது நாளில் தானாகவே வெளியில் சென்றுவிட்டார் ஜி பி முத்து. இதைத்தொடர்ந்து தனது பழைய பாணியை கையில் எடுத்த இவர் மீண்டும் youtube இல் காட்சி அளிக்க ஆரம்பித்தார். முதலில் தனது பிள்ளைகளுக்கு பிரியாணி வாங்கி கொடுப்பது, தீபாவளி கொண்டாடுவது என துவங்கிய இவரது மறு பிரவேசத்தில் தற்போது கப்பல் போன்ற காரில் அமர்ந்திருக்கும் வீடியோவும் வெளியாகி உள்ளது. மற்றொரு ஊடக பிரபலமான விஎஸ் வெற்றியின் காரில் தான் ஜிபி முத்து அமர்ந்திருக்கிறார். அவரை கிளச்சில் கால் வைக்க சொல்கிறார் வெற்றி. பின்னர் அதிலிருந்து கால் எடுத்தால் அவ்வளவுதான் என கூற, ஜி பி முத்து தனது வழக்கமான வெகுளித்தளத்தை காட்டும் வீடியோ தற்போது வைரலாகி வருகிறது.