☰
பூரிக்கு சரியான காம்போ என்றால் அது உருளைக்கிழங்கு மசாலா தான். ஆனால் ஹோட்டல்களில் கிடைக்கும் அளவிற்கு சுவையாக வீட்டில் செய்தால் வராது. இதற்கு சில ரகசிய முறைகளை பின்பற்றினால் ஓட்டல் சுவையை வீட்டிலேயே கொண்டு வரலாம்.
காலை உணவில் ஹோட்டல் தரத்தில் வரும் பூரி மற்றும் மசாலா சாப்பிட்டாலே அது தனி சுகம் தான். அந்த சுவையை வீட்டிலேயே பெற முடியுமா? நிச்சயமாக! மிகவும் மென்மையான, மணம் கமழும் மசாலாக்களை சேர்த்தால், உங்கள் வீட்டில் ஹோட்டல் ஸ்டைலில் பூரி மசாலா தயாரிக்கலாம். இதோ, ஹோட்டல் தரம் கொண்ட பூரி மசாலா செய்வதற்கான முறைகள்.
தேவையான பொருட்கள்:
கோதுமை மாவு – 2 கப்
ரவை – 2 டீஸ்பூன்
உப்பு – 1/2 டீஸ்பூன்
எண்ணெய் – 1 டீஸ்பூன்
தண்ணீர் – தேவையான அளவு (மென்மையான பூரிக்காக)
பொரிக்க எண்ணெய் – தேவையான அளவு
மசாலா தயாரிக்க:
உருளைக்கிழங்கு – 3 (நன்கு வேக வைத்து, மசித்தது)
பெரிய வெங்காயம் – 2 (மெல்லிய துண்டுகளாக நறுக்கியது)
பச்சை மிளகாய் – 3 (நீளமாக நறுக்கியது)
இஞ்சி – 1 இஞ்சித் துண்டு (நறுக்கியது)
கடுகு – 1 டீஸ்பூன்
உளுத்தம் பருப்பு – 1 டீஸ்பூன்
கடலை பருப்பு – 1 டீஸ்பூன்
கறிவேப்பிலை – ஒரு கைப்பிடி
மஞ்சள்தூள் – 1/2 டீஸ்பூன்
உப்பு – தேவையான அளவு
வெண்ணெய் – 1 டீஸ்பூன் (சுவை அதிகரிக்க)
தண்ணீர் – தேவையான அளவு
கொத்தமல்லி – சிறிதளவு (அலங்கரிக்க)
செய்முறை:
பூரி செய்யும் முறை:
- கோதுமை மாவில் உப்பு, ரவை, எண்ணெய் சேர்த்து நன்றாக கலந்து, சிறிதளவு தண்ணீர் சேர்த்து நன்கு பிசையவும்.
- மூடி வைத்து 20 நிமிடங்கள் ஊற விடவும்.
- பிறகு சிறிய உருண்டைகள் செய்து, சற்று தடிப்பாக திரட்டி, சூடான எண்ணெயில் பொன்னிறமாக பொரித்தெடுக்கவும்.
உருளைக்கிழங்கு மசாலா செய்யும் முறை:
- கடாயில் சிறிது எண்ணெய் ஊற்றி, கடுகு, உளுத்தம் பருப்பு, கடலை பருப்பு சேர்த்து வெடிக்கும் வரை வறுக்கவும்.
- வெங்காயம், பச்சை மிளகாய், இஞ்சி சேர்த்து மிதமான தீயில் வதக்கவும்.
- மஞ்சள்தூள், உப்பு சேர்த்து நன்கு கிளறி, மசித்த உருளைக்கிழங்கை சேர்க்கவும்.
- தேவையான அளவு தண்ணீர் சேர்த்து, மிதமான தீயில் 5-7 நிமிடங்கள் கொதிக்க விடவும்.
- இறுதியாக, வெண்ணெய் மற்றும் கொத்தமல்லி சேர்த்து கலக்கி இறக்கவும்.
மேலும் படிக்க:நாக்கை சப்புக்கொட்டி சாப்பிட தூண்டும் காரசாரமான இறால் குழம்பு
சமையல் குறிப்புகள்:
- பூரி கிரிஸ்பியாக, நீண்ட நேரம் உப்பலாக இருக்க, ரவை சேர்ப்பது அவசியம்.
- பூரியை எண்ணெயில் போடும்போது, எண்ணெய் சூடாக இருக்க வேண்டும். இல்லையெனில் அது எண்ணெயை அதிகமாக குடித்து விடும்.
- மசாலாவிற்கு அதிக சுவை தர, சிறிதளவு வெண்ணெய் சேர்க்கலாம்.
- மசாலாவை கொஞ்சம் மசிய வைத்து, சுண்டிய கலவையாக இருந்தால் உணவக தரம் கிடைக்கும்.
இந்த முறையில் செய்து பாருங்கள், உங்கள் வீட்டிலேயே ஹோட்டல் தரத்தில் பூரி மசாலா சுவையை அனுபவிக்கலாம். உங்களுக்கும் பாராட்டுக்கள் குவியும். பிறகு பூரி கிழங்க ஸ்பெஷலிஸ்ட் ஆகி விடுவீர்கள்.
சேனலை கிளிக் செய்து பின்தொடரவும்