காலைல தினமும் இட்லி, தோசையா? போர் அடிச்சா இதை ட்ரை பண்ணுங்க!

தினமும் காலையில் இட்லி, தோசை சாப்பிட்டு நாக்குக்கு அலுத்துப் போய்விட்டதா? நாளைக்குக் காலைல என்ன டிபன்? என்ற கேள்வியே போர் அடிக்கிறதா? கவலையை விடுங்க! உங்கள் காலை பொழுதை சுறுசுறுப்பாகவும், நாவிற்கு ருசியாகவும் மாற்ற வித்தியாசமான காலை உணவு யோசனைகள் இதோ

மல்டிகிரைன் பிரெட் சில்லி

சப்பாத்தி சில்லி சாப்பிட்டிருப்பீங்க, ஆனா மல்டிகிரைன் பிரெட்டை குட்டி குட்டியா கட் பண்ணி, குடைமிளகாய், வெங்காயம், தக்காளி சேர்த்து லேசான சாஸ் ஊற்றி வதக்கி பாருங்க. காரசாரமான 'பிரெட் சில்லி' ரெடி! குழந்தைகளும் தட்டைக் காலி பண்ணுவாங்க.

ஓட்ஸ் காரப் பணியாரம் (Oats Paniyaram)

ஓட்ஸை வறுத்து பொடி பண்ணி, அது கூட கொஞ்சம் தயிர், கேரட் துருவல், பச்சை மிளகாய், கொத்தமல்லி சேர்த்து பணியாரக் கல்லில் ஊற்றி எடுங்க. இட்லி மாவு தேவையில்லை, இன்ஸ்டன்ட் மொறுமொறு பணியாரம் தயார்!

சேமியா-ஜவ்வரசி கிச்சடி

வெறும் சேமியா உப்புமா போர் அடிக்கும். ஊறவைத்த ஜவ்வரசியையும், வறுத்த சேமியாவையும் பாசிக் பருப்போடு சேர்த்து, நெய் விட்டு கிச்சடி செஞ்சு பாருங்க. அந்த மணம், தூக்கலான சுவை அன்னைக்கு முழுக்க உங்களை எனர்ஜியா வைக்கும்.

முளைகட்டிய பயறு ஸ்டஃப்டு சப்பாத்தி

சப்பாத்திக்கு சைட் டிஷ் செய்ய நேரமில்லையா? முளைகட்டிய பச்சைப்பயறை மிக்ஸியில் கொரகொரப்பாக அரைத்து, மசாலா சேர்த்து சப்பாத்தி மாவுக்குள் வைத்து திரட்டி 'ஸ்டஃப்டு சப்பாத்தி'யா போடுங்க. தயிர் இருந்தாலே போதும், செம காம்போ!

அவல்-மாங்காய் போஹா

கெட்டி அவலை நனைத்து வைத்துவிட்டு, கடுகு, வேர்க்கடலை, துருவிய மாங்காய் சேர்த்து தாளித்து 'மாங்காய் அவல் உப்மா' செய்யுங்க. லெமன் சாதம் தோத்துடும்! புளிப்பும் காரமும் கலந்த இந்த டேஸ்ட் காலையிலேயே மூடை பிரெஷ் ஆக்கிடும்.

சுவை கூட்டும் ரகசியம்!

இந்த டிஷ் எதை செஞ்சாலும், கடைசியில் கொஞ்சமா வறுத்த வேர்க்கடலை பொடி அல்லது பொடியாக நறுக்கிய புதினா தூவி இறக்குங்க. ஹோட்டல் ஸ்டைல் வாசனையும், பிரெஷ்னஸும் அப்படியே கிடைக்கும்!