வாழைக்காய் கரை கையில் ஒட்டாமல் நறுக்குவது எப்படி?

வாழைக்காய் சமைப்பது சுலபம், ஆனால் அதை நறுக்கும்போது கைகளில் படியும் கரையைத் தவிர்ப்பது கடினம். அதற்கான சில எளிய வழிகள் குறித்து பார்ப்போம்.

வாழைக்காய் நறுக்குவதற்கு முன்பு, உங்கள் உள்ளங்கைகளிலும், கத்தியிலும் சிறிது சமையல் எண்ணெயைத் தடவிக் கொள்ளுங்கள். இது வாழைக்காய் கரை கைகளில் ஒட்டாமல் தடுக்கும்.

சிறிது உப்பு மற்றும் மஞ்சள் தூள் கலந்த தண்ணீரில் நறுக்கிய வாழைக்காய் துண்டுகளை போட வேண்டும். இதனால், வாழைக்காய் கருத்துப் போகாது, அதன் கரையும் நீங்கிவிடும்.

வாழைக்காய் நறுக்குவதற்கு முன்பு கைகளில் சிறிது எலுமிச்சை சாற்றைத் தடவிக் கொள்ளுங்கள். எலுமிச்சையில் உள்ள சிட்ரிக் அமிலம், கரை கைகளில் ஒட்டாமல் பார்த்துக் கொள்ளும்.

வாழைக்காய் நறுக்கும்போது கைகளில் கரை ஒட்டிக் கொண்டால், சிறிது பால் அல்லது நீர்த்த மோரைக் கொண்டு கைகளைக் கழுவுங்கள். கரை உடனடியாக நீங்கிவிடும்.

எண்ணெய் தேய்த்து சோப்பு போட்டு கழுவலாம். வெதுவெதுப்பான நீரில் கைகளை வைத்திருந்தால் கரை நீங்கிவிடும். வாழைக்காய் தோலை சீவுவதற்கு பீலரை விட கத்தியைப் பயன்படுத்தினால் கரை ஒட்டாது.