shower before bed: நைட் தூங்குவதற்கு முன்பு குளித்தால் இவ்வளவு நடக்குமா?

பகலெல்லாம் ஓடி ஓடி வேலை செய்து விட்டு, நைட் படுக்கப் போகும்போது உடம்பில் ஒரு அயர்ச்சி இருக்கும் பாருங்க... காலையில் சுறுசுறுப்புக்காகக் குளித்தாலும், இரவில் குளிப்பது நம் மனதிற்கும் உடலிற்கும் அலாதி அமைதியையும் புத்துணர்ச்சியையும் தரும்.

ஸ்ட்ரெசுக்கு பை-பை:

ஆபீஸ் டென்ஷன், டிராஃபிக் கடுப்புனு நாள் முழுக்க நம்ம உடம்பில் 'கார்டிசோல்' (Cortisol) என்ற ஸ்ட்ரெஸ் ஹார்மோன் சுரந்துகிட்டே இருக்கும். நைட் வெதுவெதுப்பான தண்ணீரில் குளிக்கும் போது, இந்த ஹார்மோன் சுரப்பு டக்குனு குறையும். கவலைகள் எல்லாம் தண்ணீரோட தண்ணீரா போயிடும்!

கண்ணுக்கு கீழே கருப்பு வளையமா?

நைட் குளிச்சிட்டு படுக்கும் போது, ஸ்கால்ப் மற்றும் முகத்தில் உள்ள துவாரங்கள் திறந்து ஆக்சிஜனை நல்லா உள்வாங்கும். இதனால் நைட் தூங்கும் போது ஸ்கின் செல்கள் புதுப்பிக்கப்படுவது (Skin Cell Regeneration) இரட்டிப்பாகும். அப்புறம் என்ன? காலையில் எந்திரிக்கும் போது முகம் ஜொலிஜொலிக்கும்!

உங்க படுக்கையை சுத்தமா வச்சுக்கும்:

நாம் வெளியில் போயிட்டு வரும்போது கண்ணுக்கு தெரியாத லட்சக்கணக்கான தூசிகள், பாக்டீரியாக்கள் நம்ம உடம்பிலும் முடியிலும் ஒட்டிட்டு இருக்கும். அப்படியே படுத்தால் அது பெட்ஷீட்ல் ஒட்டி, ஸ்கின் அலர்ஜியையும், முகப்பருவையும் உண்டாக்கும். நைட் குளித்து விட்டால் பெட்டும் சேஃப், உங்க ஸ்கின்னும் சேஃப்!

ஏசி (AC) கரண்ட் பில் மிச்சமாகும்:

மனித உடல் தூங்கப் போகும்போது இயற்கையாகவே தன் வெப்பநிலையைக் குறைக்கும். நைட் குளிக்கும் போது இந்த 'கூலிங் பிராசஸ்' வேகமாக நடக்கும். இதனால் உடம்பு குளுமையாகி, ஏசி இல்லாமலேயே ஃபேன் காத்துலேயே சுகமான தூக்கம் வரும். கரண்ட் பில்லும் மிச்சம், உடம்புக்கும் ஆரோக்கியம்!

அலாரம் இல்லாமல் எழுந்திருக்கலாம் :

நைட் நல்லா தூங்கினா தான் காலையில் பிரஷ்ஷா எந்திரிக்க முடியும். நைட் குளியல் உங்க தசைகளை (Muscles) ரிலாக்ஸ் செய்வதால், தூக்கத்தின் தரம் (Deep Sleep) அதிகரிக்கும். இதனால் காலையில் அலாரம் அடிச்சு வம்பா எந்திரிக்காமல், உடம்பு ரொம்ப லேசாகி தானாவே சுறுசுறுப்பாகி முழிப்பு வந்துடும்!