Actress Gouri G. Kishan : இயக்குனர் பிரேம் குமாரின் இயக்கத்தில் கடந்த 2018ம் ஆண்டு வெளியாகி மெகா ஹிட்டான படம் தான் விஜய் சேதுபதியின் 96.
கேரளாவில் பிறந்து கடந்த 2018 ஆம் ஆண்டு தமிழில் வெளியான "96" என்ற திரைப்படத்தின் மூலம் திரையுலகில் அறிமுகமான நடிகை தான் கௌரி கிஷன். அந்த படம் அவருக்கு தமிழ் ரசிகர்கள் மத்தியில் நல்ல வரவேற்பு அளித்தது.
தொடர்ச்சியாக மலையாளம், தெலுங்கு மற்றும் தமிழ் படங்களில் அவர் நடித்து வருகிறார். இறுதியாக தமிழில் கடந்த 2023 ஆம் ஆண்டு வெளியான "உலகம்மை" என்கின்ற திரைப்படத்தில் நடித்திருந்தார். இந்த படத்தில் மறைந்த நடிகர் மாரிமுத்து முக்கிய கதாபாத்திரத்தில் நடித்திருந்தார்.
தளபதியின் மாஸ்டர், தனுஷின் கர்ணன், ஜிவி பிரகாஷின் அடியே உள்ளிட்ட நல்ல பல திரைப்படங்களில் அவர் தொடர்ச்சியாக நடித்து வருகிறார் என்பது குறிப்பிடத்தக்கது.