தமிழ் சினிமாவில் முன்னணி நடிகராகவும், அரசியல்வாதியாகவும் அறியப்படும் சரத்குமாரின் மூத்த மகள் தான் வரலட்சுமி சரத்குமார். படிக்கும் காலத்தில் பல படங்களில் நடிக்க வாய்ப்புகள் தேடி வந்தபோதும், அதனை தவற விட்ட வரு, ஒருவழியாக இயக்குனர் விக்னேஷ் சிவன் இயக்குனராக அறிமுகமான 'போடா போடி' படத்தில் கதாநாயகியாக தன்னுடைய சினிமா கேரியருக்கு பிள்ளையார் சுழி போட்டார்.
தமிழில் நடிக்க தொடர்ந்து வாய்ப்புகள் கிடைக்காத நிலையில், தெலுங்கு, கன்னடம் போன்ற தென்னிந்திய மொழிகளில் நடிக்க துவங்கினார். பின்னர் இயக்குனர் பாலா இயக்கத்தில், 'தாரை தப்பட்டை' படத்தில் கதாநாயகியாக நடிக்கும் வாய்ப்பு கிடைத்தது. இந்த படத்தின் கதாபாத்திரத்திற்கு பொருந்தி நடித்திருந்தார் வரு.
காதல் முறிவுக்கு பின்னர் திருமணம் என்கிற பேச்சை மீடியாக்கள் எடுத்தாலே ஓட்டம் பிடித்து வந்த வரு, சமீபத்தில் தன்னுடைய 14 வருட நண்பரான, நிக்கோலாய் என்பவருக்கும் வரலட்சுமிக்கும் எளிமையான முறையில் திருமண நிச்சயதார்த்தம் முடிந்தது.
நிக்கோலாய் சச்தேவ் ஏற்கனவே திருமணம் ஆகி விவாகரத்தானவர். இவருக்கு 15 வயதில் மகள் ஒருவர் இருப்பது குறிப்பிடத்தக்கது. இது குறித்து சமூக வலைத்தளத்தில் விமர்சனங்கள் எழுந்த போதும், நிக்கோலாய் தோற்றம் குறித்து விமர்சனம் எழுந்த போதும்... பக்கா பதிலடியால் நெட்டிசன்களை வரலட்சுமி வாயடைக்க செய்தார் என்பது குறிப்பிடத்தக்கது.