பிரபல இயக்குனர் ஷங்கரின் மகள் ஐஸ்வர்யாவுக்கு, துணை இயக்குனர் தருணுடன் இரண்டாவது திருமணம் நடந்த நிலையில், இதில் ஏராளமான பிரபலங்கள் கலந்து கொண்டு வாழ்த்தியுள்ளனர். இதுகுறித்த போட்டோஸ் தற்போது வைரலாகி வருகிறது.
தமிழ் சினிமாவில் வித்தியாசமான கதைக்களம் கொண்ட படங்களை, பிரம்மாண்டமாக இயக்கி ரசிகர்கள் மனதில் தனக்கென தனி இடம்பிடித்தவர் ஷங்கர். இவர் தற்போது உலக நாயகன் கமல்ஹாசனை வைத்து 'இந்தியன் 2' படத்தை இயக்கி முடித்த கையேடு... 'இந்தியன் 3' படத்தை இயக்கி வருகிறார்.
அதே போல் தெலுங்கு பட நடிகர் ராம் சரணை வைத்து இயக்கியுள்ள, 'கேம் சேஞ்சர்' திரைப்படமும் விரைவில் வெளியாக உள்ளது. இந்தியன் 2 திரைப்படம் தேர்தலுக்கு பின்னர்... அதாவது ஜூன் மாதம் திரைக்கு வரும் என அறிவிக்கப்பட்டுள்ளது. அதே போல், ராம் சரணின் திரைப்படமும் இந்த விரைவில் ரிலீஸ் தேதி குறித்த அறிவிப்பு வெளியாகும் அந்த படக்குழு தெரிவித்துள்ளது.
ஒரு படத்திற்கு 50 கோடி வரை சம்பளம் பெரும் பிரபலமாக இருக்கும், இயக்குனர் ஷங்கர் கடந்த சில வருடங்களாகவே தன்னுடைய மூத்த மகள் திருமண வாழ்க்கை சரியாக அமையவில்லை என வருத்தத்தில் இருந்தார்.
கடந்த 2021-ஆம் ஆண்டு கொரோனா சமயத்தில் ஐஸ்வர்யா ஷங்கருக்கு, TNPL மதுரை பேந்தர்ஸ் கிரிக்கெட் டீமில் கேப்டனாக இருந்த ரோஹித் தாமோதரன் என்பவருக்கும் மகாபலிபுரத்தில் உள்ள நட்சத்திர ஹோட்டலில் திருமணம் நடந்தது. அந்த சமயத்தில் கொரோனா கட்டுப்பாடுகள் இருந்ததால் ஷங்கர் மற்றும் ரோஹித் வீட்டை சேர்ந்த நெருங்கிய உறவினர்கள் மட்டுமே இந்த திருமணத்தில் கலந்து கொண்டனர்.
இதை தொடர்ந்து, ரோஹித் 16 வயது சிறுமி ஒருவரை பாலியல் துஷ்ப்ரயோகம் செய்த தகவல் வெளியாகி பரபரப்பை ஏற்படுத்தியது. அந்த சிறுமி கொடுத்த புகாரின் பேரில், ரோஹித் போக்சோ சட்டத்தில் கைது செய்யப்பட்டு சிறையில் அடைக்கப்பட்டார். இந்த விவகாரம் ஐஸ்வர்யா - ரோஹித் திருமண வாழ்க்கையில் புயலை கிளப்பிய கிளையில் திருமணமான சில மாதங்களிலேயே ரோஹித்திடம் இருந்து பிரிந்து தன்னுடைய பெற்றோர் வீட்டுக்கு வந்தார்.
நீதிமன்றம் வரை சென்று ஐஸ்வர்யா ஷங்கர், ரோஹித்திடம் இருந்து விவாகரத்து பெற்று பிரிந்தார். ஐஸ்வர்யாவுக்கு 28 வயதே ஆகும் நிலையில், ஷங்கர் மற்றும் அவரது குடும்பத்தினர் இவருக்கு இரண்டாம் திருமணம் செய்து வைக்க முடிவு செய்தனர்.
தன்னுடைய மகள் வாழ்க்கை விஷயத்தில், கூடுதல் கவனம் செலுத்தி சிறந்த மாப்பிள்ளையை அவருக்கு திருமணம் செய்து வைக்க முடிவு செய்த ஷங்கர், பல வருடங்களாக தன்னிடம் துணை இயக்குனராக பணியாற்றிய தருண் கார்த்திகேயனை திருமணம் செய்து வைக்க முடிவு செய்தார்.
கடந்த மூன்று மாதங்களுக்கு முன் ஐஸ்வர்யா - தருண் திருமண நிச்சயதார்த்தம் பிரமாண்டமாக நடந்து முடிந்த நிலையில், இன்று திருமணம் நடந்துள்ளது. சென்னையில் மிக பிரமாண்டமாக நடந்த இந்த திருமணத்தில், ரஜினி, கமல், நயன்தாரா, நளினி, விக்ரம், மணிரத்னம் போன்ற ஏராளமான பிரபலங்கள் கலந்து கொண்டு வாழ்த்தியுள்ளனர். இந்த போட்டோஸ் வைரலாகி வருகிறது.